Jeremia 10:9 - O Debleskro Lab 2024 (Sinte-Manouche)

⁹ Yon hi kerdo menshendar, kay hayvenn mishto pengre vastentsa te boudrell. Rupeno saster dran o them Tarsis oun sonakay dran o foro Oufas tserdenn le pral kol figuren, oun rivenn len an blaueto oun lolo ripya.

O Debleskro Drom 2021 (Sinte)

⁹ Jon hi kerdo menshendar, kai haiwenn mishto pengre wastentsa te budrell. Rupeno saster dran o them Tarsis un sonakai dran o foro Ufas tserdenn le pral kol figuren, un riwenn len an blaueto un lolo ripja.

Jeremia 10:9 Iomraidhean Croise

1. Rajengro liil 10:22

Oun o baro rayes his bare shiffe. Kolla djan khetne kol shiffe o rayestar Hiram ap o baro pani. Kalla van yek kopo an triin bersha, oun anan sonakay oun roup, kouč parno dand, oun affe oun raile čirkle.

2. Familjakro liil 9:21

Oun o rayes his bare shiffe. Kolla djan khetne kol shiffe o rayestar Hiram ap o baro pani bis pash Tarsis. Kalla van yek kopo an triin bersha, oun anan sonakay oun roup, kouč parno dand, oun affe oun raile čirkle.

Debleskri gili 115:4

Lengre debla hi dran roup oun sonakay. Menshengre vasta kran len.

Debleskri gili 72:10

I bare raya, kay djivenn an o foro Tarsis oun an i panyeskre themma, kolla anenn leske kouč koova. Ninna i bare raya pral i forya Saba oun Seba bičrenn leske shoukar koova.

Jesaja 23:6

Oulerenn vergel pash o them Tarsis! Rovenn oun denn gole, t'mer kay pash o baro pani djivenn.

Jesaja 40:19

I figura, nay vell li har o Devel? I boudepaskro krell lat dran saster, oun i vavar čivell sonakay troul late, oun krell roupene verklia oun pandell len ap late pre.

Ezekiel 27:12

Tou hals i bravelo foro. Boud koova nay ginan le pash toute. O foro Tarsis ginas pash toute, oun das tout koleske roup, saster, cinno oun blayo.

Ezekiel 27:7

Koy plarhta, kay o dourho dren phourdell, his dran kouč layntikro than, hoy dran o them Egiptia vell. An koleste vas shoukar koova dren sido. Kova his tiro sikepen, hoy foun doural diklo vell. Te rhačrell tout gar o kham, vas i plarhta pre pandlo, hoy his kerdo dran kouč than, hoy blaueto oun lolo his, oun dran o foro Elisha vas.

Daniel 10:5

Oun dikom pre, oun dikom i morshes. Kova his rido an layntikre koola, oun i pereskri dori dran sonakay his troul leste.

Hosea 8:6

I boudepaskro dran Israel kras koy figura. Doleske nay vell li kek devel. An kotya dino vell ko terno gouroum, hoy i menshe an Samaria an-mangenn!

Jona 1:3

Oun o Yona stas pre oun kamas glan o baro Debleste an o foro Tarsis te nashell, oun vas tele an o foro Yafo. Oun har lo i shiffo hatsas, hoy kamas pash o foro Tarsis te oulerell, das lo love koy, oun stas dren, te nay oulerell lo lentsa pash o foro Tarsis, oun te vell lo glan o baro Debleskre yaka bouder gar diklo.

Habakuk 2:19

Djungeles djal koleske, kay penell ap i kotar kasht: “Ste pre!”, oun penell ap ko moulo bar: “Ab djido!” Har nay penell i moulo devel touke, hoy te kress? Ninna te hi roup oun sonakay pral leste maklo, hi kek dourho an leste.