Jeremia 10:5 - O Debleskro Lab 2024 (Sinte-Manouche)

⁵ Save debla hi či vavar har kol figure, hoy i harhe ap pengro kotar phoub čivenn, kay zenlepen bares vell, te tradenn le i čirklen krik. Yon nay rakrenn gar, vitar gar nay djan le, yaake hounte venn yon hidjedo. Doleske hounte trashenn t'mer lendar gar. Yon nay krenn kekeske čilačepen, vitar kek lačepen.

O Debleskro Drom 2021 (Sinte)

⁵ Sawe debla hi tchi wawar har kol figure, hoi i hache ap pengro kotar phub tchiwenn, kai senlepen bares well, te tradenn le i tchirklen krik. Jon nai rakrenn gar, witar gar nai djan le, jaake hunte wenn jon hidjedo. Doleske hunte trashenn tumer lendar gar. Jon nai krenn kekeske tchilatchepen, witar kek latchepen.

Jeremia 10:5 Iomraidhean Croise

1. Rajengro liil 18:26

Kote lan yon ko gouroum, hoy dan le len, maran les, činan les khetne oun čivan les ap o kasht, oun kharan o Baales taysarlakro bis mashkral-dives oun penan: “Baal, shoun ap mende!” Kek rakepen vas, kek rakras ap lende. Oun yon khelan troul pengri rhačepaskri, kay yon penge kran.

2. Familjakro liil 25:15

Kote vas o baro Devel rhoyedo pral o Amazya, oun yob bičras i Debleskro rakepaskro pash leste. Oun kova penas ap leste: “Hoske mangeh tou o debla kol menshendar an, kay nay lan pengre menshen gar dran tiro vast vin?”

Jesaja 16:12

Oun ninna te djans i Moabarya pash pengre pre-čidde barra, oun rhačrans firhen pengro debleske, oun marans pen tele leske, oun mangans les an, vals kova čičeske.

Jesaja 45:20

Avenn khetne, t'mer, kay nashan t'menge glan o kourepen dran boud themma! Avenn pash mande, te kras o čačepen vin! Kolla, kay hidjrenn pengre deblen pentsa, hayvan či, yon mangenn deblen an, kay nay venn lenge gar ap i rig.

Jesaja 46:1

O rhorheno devel Bel phagas khetne, oun o rhorheno devel Nebo peras. Lengre figure, hoy t'mer trouyel hidjran, van kanna i firhenge ap lengro doumo pandlo. Yon hounte hidjrenn len oun venn khino tel ko pharo hidjepen.

Jesaja 46:7

Yon hadenn les ap pengri phik, oun hidjrenn les trouyel, oun čivenn les pale pale ap leskri platsa. Oun kote hi lo tardo, oun djal foun kokres gar doureder. Dell yek gole ap leste, rakrell lo gar pale, krell peskro mouy gar pre, oun djal gar koy, te lell lo les vin dran i bibarht.

Jeremia 10:14

Glan sau baro koova hi hako mensho dineles koy tardo. Savo koova nay hayvell lo gar te krell. Kolla lauter, kay kran figure, te mangenn le len an, hounte ladjenna pen. Lengre figure hi kek čače debla, kek djipen hi an lende.

Habakuk 2:19

Djungeles djal koleske, kay penell ap i kotar kasht: “Ste pre!”, oun penell ap ko moulo bar: “Ab djido!” Har nay penell i moulo devel touke, hoy te kress? Ninna te hi roup oun sonakay pral leste maklo, hi kek dourho an leste.

1. Korintarja 12:2

Har t'mer gomme gar patslo hans, tserdas t'men bari zoryah pash kol figure, kay nashte rakrenn gar, kolen i menshe an-mangenna, har te vans le o Devel.

1. Korintarja 8:4

Nay rhah mer kanna ko mass, hoy anan le glan i figura, hoy mangenn le an, har te vals li i devel? Mer djinah halauter, kay hi i figura kek čačo devel. Dell yek Devel oun kek vavar.

5. Mose 4:28

Oun kote mangenn t'mer kol deblen dran kasht oun bar an, hoy menshengre vastentsa kerdo van. Oun kol debla nay dikenn oun shounenn, nay rhan oun soungenn gar.