Jeremia 10:25 - O Debleskro Lab 2024 (Sinte-Manouche)

²⁵ Tiri rholi mouk te vell pral kol menshende, kay kamenn toutar či djinell, pral kolende, kay tout gar sharenn! Har divye firhe vavar firhen rhan, yaake rhan yon o Yakobeskre menshen pre, bis te bouder či pral ačas, Oun dran leskro them kran yon i moulo them.

O Debleskro Drom 2021 (Sinte)

²⁵ Tiri choli muk te well pral kol menshende, kai kamenn tutar tchi djinell, pral kolende, kai tut gar sharenn! Har diwje vieche wawar viechen chan, jaake chan jon o Jakobeskre menshen pre, bis te buder tchi pral atchas, Un dran leskro them kran jon i mulo them.

Jeremia 10:25 Iomraidhean Croise

Hiob 18:21

Čačepah, yaake djal i čilačenge oun kolenge, kay kamenn či o Deblestar te djinell.

Debleskri gili 14:4

“Djinenn kol čilače gar, hoy yon krenna”, penell o baro Devel, – “kolla, kay rhan mire menshen har i kotar maro? Oun ap mande denn le gar gole.”

Debleskri gili 147:20

Kova kras lo kek vavar menshenge. Leskre čačepaskre laba prindjrenn yon gar. Sharedo vell o baro Devel!

Debleskri gili 27:2

Te venn i čilače ap mande har divye firhe, kay kamenn man te rhal, kolla, hoy les mange phares krenn oun mange čilačepen kamenn, palle hi yon kolla, kay nashrenn pengri zoor oun perenn.

Debleskri gili 69:24

Lengre yaka te venn korelo, te nay dikenn le bouder či! Le lendar lengri zoor, te djan le bango.

Jesaja 43:22

Yakob, kova hal gar tou, kay dal pal mande gole. Israel, tou maral tout gar pal mande tele.

Jesaja 64:7

Kanna, baro Devel, tou maro dad, mer ham har i loli phoub, dran kolate tou i čaro rhačeh. Tire vasta kran men halauter.

Jesaja 9:12

Oun i menshe dran Israel van gar pale pash koleste, kay len kol dava dell, oun rodan gar o baro Debles, ko rayes pral o bolepen oun i phoub.

Jeremia 11:1

O baro Devel rakras ap o Yeremia oun penas:

Jeremia 30:16

Tou hounte djiness, kolla lauter, kay rhan tout, venn ninna rhalo. Oun lauter, kay kran tout daar, venn pandles krik anlo. Oun kolla, kay čoran tiro koova, venn ninna vin čoredo. Oun kolla, kay randan tout, venn ninna randedo.

Jeremia 50:17

O Israel his har i nashedo bakro, hoy lan i leve palla. Ko ersto his o baro ray dran o them Assour, kova rhas les. Pal leste vas o baro ray pral o them Babilonia, o Neboukadnezar. Kova dandras ko mass tele, hoy ap leskre kokale ačas.

Jeremia 50:7

Halauter, kay len hatsan, rhan len pre. Oun kolla, kay his rhoyedo ap lende, penan: Mer krah či, hoy gar čačo hi! Yon anan doosh ap pende, har moukan le o baro Debles, kay das len lauter, hoy len hounte vell djipaske, oun ap koleste lengre phoure patsan.

Jeremia 8:16

Kolla, kay kamenn te kourenn pen mentsa, hi pash o foro Dan tardo. Foun kotar shounah koy gole lengre grayendar. O tselo them trissell koy golyatar hoy i graya denn. Yon venna oun rhan ko tselo them pre, lauter, hoy ap ko them hi, kol forya oun lauter, hoy koy dren djivella.

Ropaskre gilja 2:22

Haki rigyatar kharal kolen, kay kran menge daar oun traash. Yon van har pash i baro rhapen. Oun kek mendar nay nashas peske ap o dives, kay tiri rholi, baro Devel, pral mende vas, oun kek ačas pral. Kolen, kay me ap i vasta hidjrom oun bares tserdom, kolla van lendar maredo.

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

Zefanja 3:8

Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.

Zakarie 1:15

oun man hi i bari rholi pral i pre-phourde themma. Miri rholi ap mire menshende his gar yaake baro, har kova, hoy kol vavar themma lentsa kran.”

Johanni 17:25

Tata, tou hal an o čačepen tardo! I menshe ap kay phoub prindjrenn tout gar. Me prindjrau tout. Oun kalla hayvan, kay tou man bičral.

Bičepangre 17:23

Me djom an t'maro foro trouyel, oun dikom ko koova, hoy t'menge moulno hi, oun hoy t'mer an-mangenna. Oun me hatsom i bar, kay anenn le rhapen i debleske. Ap ko bar hi činlo: Ko debleske, kay prindjrah gar. Oun me penau t'menge: Ko Devel, kones t'mer an-mangenna, ninna te prindjrenn les gar, pral koleste rakrau me kanna.

1. Korintarja 15:34

Djan o čačo drom! Ma piyenn t'men mato! Djivenn bouder gar an o čilačepen! Mank t'mende hi menshe, kay djinenn gar, koon o Devel hi. Oun kova penau t'menge, te ladjenn t'men.

1. Tessalonikarja 4:5

I rhanč hounte rhal les gar pre, har kova hi pash i menshende, kay prindjrenn o Debles gar.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Debleskro tsiro 16:1

Oun me shounom, har yek dran o Debleskro kheer bari gole das oun ap kol efta bolepangre penas: “Djan vin oun čorenn kol efta čare, kay pherdo Debleskri rholi hi, pral i phoub vin!”