Jeremia 10:18 - O Debleskro Lab 2024 (Sinte-Manouche)

¹⁸ O baro Devel penell: Kava kopo kamau me kal menshen krik tradell dran lengro them, te venn yon an i traash, oun lenn bare douka.

O Debleskro Drom 2021 (Sinte)

¹⁸ O baro Dewel penell: Kau kopo kamau me kal menshen krik tradell dran lengro them, te wenn jon an i traash, un lenn bare duka.

Jeremia 10:18 Iomraidhean Croise

Jesaja 22:17

Tou patseh, te hal i zorelo morsh! Shoun, o baro Devel lell tout oun vitsrell tout dour krik! Yob taprell tout,

Jeremia 16:13

Doleske tradau me t'men dran kava them vin an i them, kay prindjrenn t'mer gar oun kay prindjran t'mare phoure vitar gar. Kote hounte venn vavar deblenge koy ap o dives oun ap i rati; me krau miro dji t'menge pandlo.

Jeremia 22:26

Oun me tradau tout oun tiri dat an i vavar them, kay gar khere han. Kote merenna t'mer douy.

Jeremia 23:20

O baro Debleskri rholi moukell gar tele, bis te kras lo, hoy les glan his. I tsiro vell, kay hayvenn t'mer kova.

Ezekiel 6:10

Oun yon dikenn oun hayvenn palle, te dom me, o baro Devel, len gar čičeske trad, har penom, havi bibarht pral lende vella.

Zefanja 1:17

I menshe kran čilačepen ap mande. Doleske krau len darenes, te nashenn le trouyel har korele menshe. Lengro rat te nashell ap i phoub har čik, hoy krik vitsedo vell. Oun lengre bouke venn krik vitsedo har te vans le foul.

Zakarie 1:6

Kol laba, hoy yon, mire boudepangre, t'mare phourenge penan, tapran len. Koy moukan le pengro čilačo drom, oun penan: Kova, hoy o baro Devel, ko ray pral o bolepen oun i phoub, mentsa kras, hi i phagi maro čilačo djipaske oun ko čilačo koova, hoy kram, yaake har penas lo.

5. Mose 28:52

Oun yon čivenn pen troul t'mare forya, oun moukenn kekes dren oun kekes vin, bis te kol bare oun zorele foryengre massurya tele phagedo hi, kolendar t'mer patsan, te vell kek vergel. Kova krenn le t'mare tsele foryentsa an t'maro tselo them, hoy t'maro baro Devel t'men das.

1. Samuel 25:29

Oun te hadell pes i mensho, te lell lo tout palla, oun kamell tout te marell, palle rikrell o baro Devel peskre vasta pral tiro djipen, yaake har yek i kouč bar an peskri possita khatrell. Kolla, kay kamenn tout te marell, lengro djipen vell krik vitsedo, har yek i bar krik vitsrella!