Jeremia 10:16 - O Debleskro Lab 2024 (Sinte-Manouche)

¹⁶ Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

O Debleskro Drom 2021 (Sinte)

¹⁶ Har wawartchandes hi ko Dewel, koles o Jakobeskre tchawe an-mangenna! Job hi kowa, kai kras halauter. Un i Israelitarja hi leskre menshe. Job kharell: o baro Dewel, ko rai pral o bolepen un i phub.

Jeremia 10:16 Iomraidhean Croise

Debleskri gili 119:57

Me penom mange: O baro Devel hi o pralstouno an miro djipen. Pal leskre laba kamau te djivell.

Debleskri gili 135:4

O baro Devel rodas peske o Yakobeskre menshen vin, ava, o Israel las lo, te vell lo leskro.

Debleskri gili 142:5

Dik tout trouyel: Kek kamell mandar čomone te djinell. Me nashte nashau gar mange. Kek poučell pal mande.

Debleskri gili 33:6

Dran o lab o baro Deblestar vas o bolepen kerdo. Dran o dourho, hoy dran leskro mouy djas, van i tsele bolepangre momlia kerdo.

Debleskri gili 73:26

Te djal i zoor peske dran mande, oun miro dji bouder gar zorelo hi, palle ačeh tou, miro Devel, hako tsiro miri zoor oun miro bravlepen.

Debleskri gili 74:2

Ma biste gar, te ham kol menshe, kay tou touke glan i rah tsiro vi-rodal. Tou ginal men vin dran i vasta kolendar, kay men tele rikran. Tou kamal, te vas mer tiro. Ma biste i berga Sion, hoy touke vi-rodal, te djivess kote.

2. Mose 19:5

Kanna shounenn: Te rikrenn t'mer lauter, hoy me t'menge penau, oun shounenn ap mire tsele laba, palle han t'mer mange koučeder har i tsele vavar menshe ap kay phoub. Ninna te hi i tseli phoub miro, han t'mer kokres mire menshe,

2. Mose 34:9

“Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”

Gosewe laba 16:4

Lauter, hoy o baro Devel kras, hi čomoneske, ninna kras lo o čilačo menshes ko diveske, kay i bibarht vella.

Jesaja 19:25

O baro Devel, ko ray pral o bolepen oun i phoub, čivell peskri barht ap lende oun penell: Barhtelo hal tou Egiptia. T'mer han mire menshe. Barhtelo hal tou Assour. T'men krom me mire vastentsa. Barhtelo hal tou Israel. T'men rodom me mange vin, te venn mire menshe.

Jesaja 45:7

Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

Jesaja 47:4

Kova penell o Israeleskro Devel, kay kokres ko čačo Devel hi, oun kay lell o koova peskre menshendar an peskro vast. Leskro lab hi baro Devel, ray pral o bolepen oun i phoub.

Jesaja 47:6

Me homs rhoyedo pral mire menshende, oun čivom len pale mandar, har te vans le bouder gar mire, oun dom len an tiro vast. Oun tout his kek dji lenge. Ninna ap i phourende čival tou tiro pharo vast oun dal len phari boudi.

Jesaja 51:15

Me hom o baro Devel, tiro Devel, kova, kay o baro pani divyo krell, oun moukell i baro phourdepen pral leste te djal. Miro lab hi baro Devel, ray pral o bolepen oun i phoub.

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jeremia 10:12

Yob, o baro Devel, kras i phoub peskri zoryah. Dran peskro gosvepen čivas lo i phoub zoreles tardo, oun kras o bolepen koy pral.

Jeremia 10:6

Baro Devel, kek hi har tou hal! Tou hal baro oun zorelo! Oun tiri bari zoor dikan i menshe.

Jeremia 31:35

Kova penell o baro Devel, kay moukell o kham pre te djal, te vell dives, oun o čon oun o bolepangre momlia, te nay dikah mer an i rat. Yob krell o baro pani divyo, te djal lo pral oun tele. Leskro lab hi baro Devel, ray pral o bolepen oun i phoub.

Jeremia 32:18

Tou moukeh lačepen pral boud zerya menshende te vell. Oun i doosh i dadendar moukeh ap i sherya lengre čavendar te vell. Tou hal o baro oun zorelo Devel. Tiro lab hi: Baro Devel, ko ray pral o bolepen oun i phoub.

Jeremia 33:2

Kova penell o baro Devel, kay halauter krell oun moukell lauter te vell, hoy lo peske glan las. Baro Devel hi leskro lab.

Jeremia 46:18

Me dau man sovel pash miro djipen, penell o baro ray, koleskro lab hi o baro Devel, o ray pral o bolepen oun i phoub’: I baro ray vella, kay hi bareder har i tsele vavar, yaake har i berga Tabor bareder hi har i berga troul late, oun har i berga Karmel hadell pes pash o baro pani.

Jeremia 50:34

O dives vell, kay lau len kote vin, me hom zorelo. Me, o baro Devel, ko ray pral o bolepen oun i phoub, lau lengro koova an miro vast, oun lau o kourepen krik i phoubyatar, Pral i menshende an o them Babilonia anau traash.

Jeremia 51:19

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Ropaskre gilja 3:24

Me penau mange: O baro Devel hi halauter, hoy man hounte vell; doleske dikau ap leste.

Amos 4:13

O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

Zakarie 2:12

O baro Devel, ko ray pral o bolepen oun i phoub, kova, kay bičras man, yob penell pral i menshende an kol vavar themma, kay čoran t'men vin: “Hakeno kay doukrell t'men, doukrell kova, hoy hi mange yaake kouč har miro yak.

5. Mose 32:9

I Israelitarya hi leskre menshe. Yon, o Yakobeskre čave, hi kolla, kay rodas lo peske vin.