Jeremia 10:13 - O Debleskro Lab 2024 (Sinte-Manouche)

¹³ Te dell yob gole, vell boud pani khetne an o bolepen; i volke moukell yob te vell foun doural, oun moukell yag pral oun tele karye te dell an o brishin. Ninna o phourdepen vell vin dran peskro kheer.

O Debleskro Drom 2021 (Sinte)

¹³ Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Jeremia 10:13 Iomraidhean Croise

1. Mose 2:5

Ap ko tsiro, har o baro Devel, maro ray, i phoub oun o bolepen kras, his kek rouka ap i phoub, vitar kek zenlepen. O baro Devel, maro ray, das kek brishin ap i phoub. Oun his kek mensho koy, kay boudras ap i phoub.

1. Rajengro liil 18:41

Palle penas o Eliya ap o Ahab: “Dja pre, rha oun pi, kote vell i baro brishin!”

Hiob 38:22

Val tou yaake dour, kay garau o gib pre? Dikal, kay rikrau i brishineskre barra i tsireske hoy vella?

Debleskri gili 104:13

Dran o bolepen deh tou brishin ap i berge, oun kreh te vell i phoubyat doha pani.

Debleskri gili 135:17

Kanda hi len oun shounenn gar. Len hi kek dourho an lengro mouy.

Debleskri gili 135:7

Yob moukell volke pral i phoub pre te djal, dell brishin ap i phoub, ninna koy yag, hoy ap o bolepen pre oun tele karye dell. Yob anell o baro dourho vin, hoy pral i phoub phourdell.

Debleskri gili 147:8

Yob čivell volke ap o bolepen, dell brishin ap i phoub, moukell o zenlepen bares te vell ap i berge.

Debleskri gili 18:13

Dran o raylepen glan leste djan leskre volke doureder, brishineskre barra oun barra, hoy rhačran, peran dran lende.

Debleskri gili 68:33

T'mer themma ap kay phoub, givenn o Debleske, bashrenn leske, maro rayeske!

2. Mose 9:23

Kote hadas o Mose peskro kasht pre ap o bolepen. Oun o baro Devel moukas barrengro brishin ap i phoub te perell. Oun o bolepen das bari gole, oun das yag karye pral oun tele ap i phoub. Ko brishin, kay yag pral oun tele karye das, oun brishineskre barra ap i phoub peran, kova his yaake pharo, har gomme gar das, yaake rah har i menshe an o them Egiptia djivenna.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Jeremia 19:12

Yaake krau me kava foreha oun kol menshentsa, kay djivenn koy, te vell kava foro har koy platsa Tofet. Kova penell o baro Devel

Jeremia 5:24

An pengro dji penenn le gar: Mer te dikas pre ap maro baro Debleste! Yob bičrell menge o brishin an o čačo tsiro, brishin an o vend oun brishin an i niyal, te vell men o djob rhapaske an ko čačo tsiro.

Jeremia 51:16

Te dell yob gole, vell boud pani khetne an o bolepen; i volke moukell yob te vell foun doural, oun moukell yag pral oun tele karye te dell an o brishin. Ninna o phourdepen vell vin dran peskro kheer.

Amos 4:13

O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

Zakarie 10:1

Mangenn o baro Deblestar, te dell lo brishin ap o čačo tsiro. Kova hi o baro Devel, kay krell i pesse volke, oun dell t'men doha brishin halautereske, hoy ap i phoub bares vell.