Jeremia 10:10 - O Debleskro Lab 2024 (Sinte-Manouche)

¹⁰ O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

O Debleskro Drom 2021 (Sinte)

¹⁰ O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Jeremia 10:10 Iomraidhean Croise

1. Mose 21:33

O Abraham čivas i rouk an i phoub an Beersheba. Oun kote mangas yob o baro Debles an, ko Debles, kay hako tsiro koy hi.

1. Rajengro liil 18:39

Har i tsele menshe kova dikan, peran le ap pengre mouya oun dan gole: “O baro Devel, yob hi o Devel! O baro Devel, yob hi o Devel!”

1. Rajengro liil 8:60

Palle nay dikenn i menshe an i tsele vavar themma ap kay phoub, kay o baro Devel o čačo Devel hi, yob oun kek vavar.

1. Familjakro liil 29:11

Baro Devel, tou hal o baro ray, hal zorelo, raylo, zorleder har hako vavar, oun o pralstouno pral hako vavareste. Halauter, hoy an o bolepen oun ap i phoub hi, hi tiro. Tou hal o ray pral i tsele themma, oun tout hi penepaske pral halauter.

2. Familjakro liil 15:3

Boud bersha prindjran i Israelitarya o čačo Debles gar. Len his kek rashay, kay sikras lende o Debleskro drom, oun kek Debleskro lab, hoy penas lenge, har te djivenn le.

Hiob 9:6

Yob taprell ap i phoub oun koya trissell, Ninna i barra, hoy hidjrenn lat, trissenn.

Debleskri gili 10:16

O baro Devel hi o baro ray kanna oun hako tsiro. Kolla, kay gar ap leste patsenna, djan penge dran leskro them.

Debleskri gili 100:3

Ma bistrenn: O baro Devel kokres hi o Devel! Yob kras men, oun leskre ham mer. Leskre menshe ham, oun yob hi menge har i bakrengro, kay djal glan leskre bakre oun anell len kote, kay len doha rhapaske hi.

Debleskri gili 100:5

Kamlo hi o baro Devel. Leskro lačepen ačell hako tsireske. Oun leskro čačepen herell gar pre.

Debleskri gili 104:32

Yob dikell i phoub an, oun yoy trissella. Yob taprell i berge an, oun i yagakri tampa djal pre dran lende.

Debleskri gili 114:7

O baro Devel his koy. Doleske vas kova yaake. Hakeno ap i phoub hounte trissell glan o baro Debleste, ko Debleste o Yakobestar.

Debleskri gili 145:13

Tou hal oun ačeh o baro ray kanna oun hako tsireske. O baro Devel rikrell peskre tsele laba, oun hi lačo an halauter, hoy krell lo.

Debleskri gili 146:6

Yob hi o Devel, kay o bolepen oun i phoub kras, oun o baro pani, oun kova, hoy dren hi. Yob hi kova, kay hako tsiro peskro lab rikrell,

Debleskri gili 18:7

An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

Debleskri gili 29:10

O baro Devel hi beshdo pral i panya. O baro Devel hi o baro ray hako tsireske.

Debleskri gili 31:5

Tserde man dran koy netsa vin, hoy kran le, te perap dren. Tou hal o zorelo, kay ap miri rig hi.

Debleskri gili 42:2

Har i vesheskri bouzyat bari troush hi pal shila pani, yaake nashell miro dji pal toute miro Devel.

Debleskri gili 68:11

te djivan nay tire menshe kote. Tou, maro Devel, hal yaake lačo, te moukal kol čorvelen kote khere te vell.

Debleskri gili 68:8

Maro Devel, har djal tou glan tire menshende, oun anal len ap o drom mashkral o moulo tato them,

Debleskri gili 74:12

Miro Devel, foun tiknes pre hal miro baro ray. Toutar vell, te venn i menshe vin lino dran i bibarht.

Debleskri gili 76:7

Har dal tou len trad, tou, o Yakobeskro Devel, peran i graya oun kolla, kay ap lende beshdo hi, an o sopen.

Debleskri gili 76:8

Glan toute kokres hounte vell men daar. Koon nay ačell tardo glan toute, tou te rhoyreh tout?

Debleskri gili 77:18

Dran o bolepen das baro zorelo brishin. O bolepen das bari gole, oun i yag das karye ap o bolepen kate oun kote.

Debleskri gili 84:2

Tou, baro Devel oun ray pral o bolepen oun i phoub, har kamau me tiro kheer o djiyestar!

Debleskri gili 9:8

O baro Devel ačella hako tsireske. Leskro čačepaskro stamin hi tardo.

Debleskri gili 90:11

Koon patsell, te nay vell tiri rholi yaake baro? Oun koon darell tiri rholyatar?

Debleskri gili 90:2

Glan i berge kerdo van, oun tou i phoub kral, hals tou, o Devel, koy. Oun tou ačeh hake tsirya.

Debleskri gili 93:2

Baro Devel, yaake rah har o bolepen oun i phoub koy hi, hal tou o baro ray. Glan hako tsiro hals tou koy.

Debleskri gili 97:4

I yag dran o bolepen, hoy tele ap kay phoub karye dell, moukell i rat vin dikell har o dives. Oun i phoub dikell kova oun trissell.

Jesaja 37:17

Baro Devel, dik, hoy menge djala, oun shoun, har o Sanherib tout, o djido Debles, praasell. Čačo hi, baro Devel, kay maran i raya pral o them Assour i menshen an boud themma, oun kran dran lengre themma i moulo them.

Jesaja 37:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

Jesaja 40:15

Dik, i menshe dran vavar themma hi leske gar boudeder moldo har o pani, hoy ap o khoro tele nashell, oun har i stauba, hoy ap i vaga čiddo ačas. Dik, i tikne themma an o baro pani hidjrell lo pre, har te vans le i vast pherdo čik.

Jesaja 40:28

Hayvan t'mer gar? Shounan t'mer gar? O baro Devel hi i Devel kay ačell hako tsireske. Yob kras i tseli phoub. Khino vell lo gar, oun lestar djal i zoor gar krik. Leskro gosvepen hi yaake baro, te nay hatsell les kek vin.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 65:16

Palle penenn kolla an o them Youda, kay rakrenn i barht vin pral yekeste: “I barht o čačepaskro Deblestar vell pral toute!” Oun kova, kay dell pes sovel an o them, kova dell pes sovel pash o čačepaskro Debleste. Palle hi bistedo kol phare divessa pherdi bibarht, hoy glan kava tsiro his, oun venn mange bouder gar glan i yaka.

Jeremia 23:36

Ma penenn bouder: Man hi i lab o baro Deblestar, hoy phares ap mande čiddo hi. Kova, hoy hi phares čiddo ap i mensheste, vell i menshendar oun gar o baro Deblestar. Ma krenn savo koova i labentsa o djido Deblestar! Yob hi o ray pral o bolepen oun i phoub, oun maro Devel.

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Jeremia 4:24

Me dikom ap kol bare oun tikne berge. Kolla trissan.

Jeremia 50:46

Te vell o foro Babilon dren lino, trissell i phoub koy golyatar. Oun koy ropaskri gole vell shounlo an i vavar themma.

Jeremia 51:29

I phoub trissella oun darella! Kova, hoy o baro Devel pes glan las, vell yaake: O foro Babilon oun o tselo them Babilonia vell i moulo them, kay bouder kek nay djivella.

Daniel 4:3

Oun me penom zoreles, te venn i tsele sikle morsha an o them Babilonia pash mande khetne, te nay penenn le mange, hoy koy souni kamell te penell.

Daniel 4:34

Me, o Neboukadnezar parkrau man pash o bolepaskro rayeste oun hadau les oun sharau les. Lauter, hoy yob krell oun kras, hi mishto. Oun leskre dromma hi čačo. Oun kolen, kay pen bares krenn, nay krell lo tiknes.”

Daniel 6:26

Palle moukas o baro ray Darius i liil te činell ap i menshende dran hako them oun rakepen ap i phoub: Bari barht t'menge!

Daniel 6:27

Kava hi hoy t'mendar kamau: An i tsele themma, kay me baro ray hom, hounte darell hakeno o Danieleskro Debles peskro tselo djiyestar. Yob hi o djido Devel, oun ačella hako tsireske. An kek tsiro nashrell lo peskri rayeskri zoor. I tsele tsirenge ačell lo baro ray.

Daniel 7:14

Oun kova das les i rayeskri zoor oun barepen oun raylepen, te vell lo ray pral i menshende dran hako them oun rakepen. Leskri rayeskri zoor ačell hako tsiro oun herell gar pre. Oun yob ačell baro ray an i tsele tsirya.

Joel 2:11

O baro Devel dell bari gole glan peskre kourepangre, te penell lo len, hoy te krenn le. Boud boud hi le oun len hi bari zoor, oun krenn, hoy lo lenge penell. Ava, o dives o baro Deblestar hi baro oun pherdi traash. Koon nay rikrell les vin?

Micha 1:4

Tel leskre pire venn i berge tikno har i momeli, hoy tele rhačell, oun perenn tele an i tala, yaake har o pani i berga tele nashell.

Nahum 1:5

I bare berge trissenn glan leste, oun kol tikne berge perenn khetne. Yob te vell, palle hadell pes i phoub glan leste, oun kolla, kay ap late djivenna, trissenna.

Nahum 1:6

Koon nay ačell tardo glan leskri rholi? Koon nay ačell djido, te vell lo rhoyedo? Leskri rholi rhačell har i yag. Ninna i berge phagenn an kotya glan leste.

Habakuk 3:10

I berge dikan tout oun trissan. Zorelo brishin peras tele dran o bolepen. O baro pani das bari gole. O kham bistras te djal lo pre.

Habakuk 3:6

Čivell yob peskro piro ap i phoub, palle trissell li. Lell yob i vavar themma an o yak, trashenn i tsele menshe. Kol bare phoure berge phagenn an kotya, oun kol tikne phoure berge perenn khetne, te nashell yob – har an o phouro tsiro – pral i phoub.

Maleachi 3:2

Koon t'mendar nay rikrell ko dives vin, yob te vella? Oun koon t'mendar nay ačell glan leste tardo, yob te moukell pes te dikell? Yob hi har i zoreli sapouni oun har i yag, hoy rhačell i čik an o saster krik.

Mateo 16:16

Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

Mateo 26:63

O Yezous penas či. Pale penas o baro rashay ap leste: “Glan o djido Devel, pen menge: Hal tou ko baro ray, kolestar o Devel penas, te vell yob? Hal tou o Debleskro čavo?”

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Bičepangre 14:15

“Morshale, hoy krenn t'mer kote? Mer ham menshe har t'mer, oun penah t'menge o lačo lab o djido Deblestar. Yob kamell, te venn t'mer ap leskro drom, oun mangenn bouder gar kol rhorhene deblen dran kasht oun bar an. Yob hi ko Devel, kay kras o bolepen oun i phoub, oun o baro pani, oun lauter, hoy djivella.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

5. Mose 5:26

An kek tsiro nay shounas i mensho o rakepen o djido Deblestar dran i yag vin, yaake har mer, oun ačas djides?

1. Tessalonikarja 1:9

Yon hi kolla, kay penenn i vavarenge, har lan t'mer men pash t'mende pre, har moukan t'maro phouro drom, te djan ap o Debleskro drom, oun mangenn bouder gar vavar koova an har o djido oun čačo Debles kokres.

1. Timoteo 1:17

Me sharau o Debles, koles, kay hako tsiro o baro ray hi; kova, kay merella gar, oun kay nay dikell les kek. Kova kokres hi o Devel. Leskro raylepen ačell hako tsireske. Amen.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

Hebrearja 10:31

Havi bari phagi vell pral kolende, ap lende o djido Devel rhoyedo hi!

Josua 3:10

Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.

Čačepangre 5:4

Baro Devel, har tou tele val dran o them Seir, har tou val dran o them Edom, kote trissas i phoub, oun brishin vas dran o bolepen, boud pani ap i phoub.

1. Samuel 17:26

Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”

1. Samuel 17:36

Leve oun bere dom moulo. Oun yaake djal les ninna kava Filistareske, kay gar činlo hi ap peskro mass. Yob praasas i lourden o djido Deblestar. Doleske hounte merell lo!”