Jeremia 1:8 - O Debleskro Lab 2024 (Sinte-Manouche)

⁸ Ma traash lendar. Me hom pash toute, oun rikrau mire vasta pral toute. Ko penau me, o baro Devel.

O Debleskro Drom 2021 (Sinte)

⁸ Ma traash lendar. Me hom pash tute, un rikrau mire wasta pral tute. Ko penau me, o baro Dewel.

Jeremia 1:8 Iomraidhean Croise

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Jesaja 51:12

Me hom kova, kay lačes t'mentsa rakrella. Oun koon hal tou, te dareh i menshendar, kay merenna, ava, kay tele merenn har o khass?

Jesaja 51:7

Shounenn, hoy penau, t'mer, kay prindjrenn o čačepen, t'mer menshe, kay kamenn miro drom te djal. Ma darenn glan ko praasepen, koleha i menshe t'men praasenn! Ma darenn glan lengro baro mouy!

Jeremia 1:17

Ab zoreles! Oun kre tout ap o drom! Oun pen lenge halauter, hoy me touke penau! Ma traash lendar, te krap me gar, te trashess tou glan lende!

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 20:11

O baro Devel hi pash mande oun dell ap mande garda har i zorelo morsh. Doleske perenn kolla, kay man palla lenn oun hounte tserdenn pen pale. Kova, hoy len glan hi, nay krenn yon gar. Oun vavar san pral lende. Hako tsiro hi kova lenge i ladj oun vell lenge gar bistedo.

Jeremia 30:11

Me, o baro Devel, hom pash t'mende, te vap ap t'mari rig. Kol natsyone, mank kolende tradom t'men, kolla hounte djan tele. T'mer djan gar tele. T'mende dau i phagi har t'menge mishto hi. Kek daventsa nay moukau t'men gar. Vals gar mishto, te dap t'men kek phagi.

Jeremia 39:11

Oun o Neboukadnezar, ko ray dran o them Babilonia, rakras o pralstuneha i lourdendar, o Nebouzaradan, oun penas leske, hoy te krell lo o Yeremiyeha:

Jeremia 42:11

Ma trashenn o baro rayestar dran o them Babilonia, glan koleste t'men traash hi, penell o baro Devel; me hom pash t'mende, te vap t'menge ap i rig, oun lap t'men dran leskro vast vin. Doleske ma trashenn lestar!

Daniel 3:17

Maro Devel, koles mer an-mangah, te kamell yob, palle nay lell lo men vin dran i bobeskri yag oun dran tiro vast.

Daniel 3:25

Yob penas: “Me dikau star morshen, kay an i yag trouyel djan. Oun yon hi bouder gar pandlo, oun kek doukepen hi ap lende. Oun ko starto dikell vin har i bolepaskro.”

Mateo 10:26

Vell o dives, kay vell kova diklo, hoy kanna khatedo hi. Vell o dives, kay djinell hakeno kova, hoy kanna kek djinella.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Bičepangre 18:10

Me hom pash toute oun kek nay doukrell tout. An kava foro hi boud menshe, kay kamenna ap mande te patsell.”

Bičepangre 26:17

Me bičrau tout pash i biboldende oun pash kolende, kay kek bibolde hi, oun me dau garda ap toute.

Bičepangre 4:13

Har yon dikan, har o Petro oun o Yohanni rakran, kay kek traash an lende his, kran le bare yaka. Oun yon hayvan, kay kolla kek bare rakepangre oun goseve morsha hi, oun djinan ninna, kay yon o Yezouseha khetne his.

Bičepangre 4:29

Ray, shouneh tou, kay yon men kanna trad denna? Mer ham tire boudepangre. De men koy zoor, te nay rakras toutar!

Efesarja 6:20

Koy boudi das man o Yezous Kristo. Doleske hom me kanna stildo. Ava, mangenn o Debles mange, te darap gar oun rakrap yaake, har miri boudi hi.

5. Mose 31:6

Avenn zoreles oun ma trashenn! Ma darenn či oun trashenn kekestar! T'maro baro Devel hi kova, kay djal t'mentsa. Yob ačell pash t'mende oun moukell t'men gar kokres.

5. Mose 31:8

O baro Devel hi kova, kay djal glan toute, yob hi touha! Yob ačell pash toute oun moukell tout gar kokres. Ma dare či oun ma traash kekestar!”

Josua 1:5

Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”