Jeremia 1:2 - O Debleskro Lab 2024 (Sinte-Manouche)

² O baro Devel rakras ap o Yeremia, har o Yosia, koleskro dad o Amon his, an o 13 (deesh-te-triinto) bersh o baro ray pral o them Youda his.

O Debleskro Drom 2021 (Sinte)

² O baro Dewel rakras ap o Jeremia, har o Josia, koleskro dad o Amon his, an o 13 (deesh-te-triinto) bersh o baro rai pral o them Juda his.

Jeremia 1:2 Iomraidhean Croise

1. Rajengro liil 13:2

Oun yaake har o baro Devel leske penas, das o Debleskro morsh gole: “Rhačepaskri! Rhačepaskri! Shoun, hoy o baro Devel penell! I čavo vell boldo an o Davideskri familya. Leskro lab hi Yosia. Kova marell ap toute kol rashayen, kay rhačrenn soungepaskro koova ap toute i moule deblenge. Oun menshengre kokale venn rhačedo ap toute.”

1. Rajengro liil 13:20

Har his le beshdo ap i rhapaskri, kote rakras o baro Devel ko phoureha.

2. Rajengro liil 21:18

Oun o Manasse meras oun vas paskedo an i baar pash leskro kheer, an koy baar, hoy o Ouzaes his. Oun leskro čavo, o Amon, vas baro ray pal leste.

2. Rajengro liil 21:24

I morsha dran Youda dan halauteren moulo, kay pen khetne čivan te marenn le o baro rayes Amon. Oun yon lan leskro čaves, o Yosia, te vell lo baro ray pal leste.

2. Rajengro liil 22:3

Oun har o Yosia an o deesh-te-orhtato bersh baro ray his, bičras lo o Shafan, kay i lila činas, an o baro Debleskro kheer. O Shafaneskro dad his o Azalya oun leskro papo his o Meshoullam. Oun o Yosia penas:

Jeremia 1:11

Oun o baro Devel penas ap mande: “Yeremia, hoy dikeh tou?” “Dikau i kasht i mandeltikro roukestar,” penom me.

Jeremia 1:4

Oun o baro Devel penas ap mande:

Jeremia 25:3

O baro Devel rakras mantsa biish-te-triin bersha, foun ko deesh-te-triinto bersh, kay o Yosia, koleskro dad o Amon his, o baro ray his pral o them Youda, bis kava dives. Oun me penom t'menge leskre laba pale te pale. Oun t'mer kaman len gar te shounell.

Jeremia 28:12

Pal kova, kay phagas o Hananya o kasht tele, hoy troul o Yeremiyeskri meen his, penas o baro Devel ap o Yeremia:

Jeremia 3:6

An ko tsiro, kay o Yosia o baro ray his, penas o baro Devel ap mande: Dikal tou, hoy i Israelitarya kran? Yon hi har i djouvel, kay moukas peskro romes, oun djas ap kol tsele berge oun tel hake zenele rouka oun das pes trouyel vavar morshentsa.

Jeremia 36:2

Le i liil oun čin halauter dren, hoy penom touke pral o Israel oun o Youda, oun i menshende an kol tsele vavar themma dran ko tsiro, kay o baro ray Yosia djivas bis kava dives.

Hosea 1:1

Kava hi o lab, hoy penas o baro Devel ap o Hosea, koleskro dad o Beeri his, an ko tsiro, har o Usiya, o Yotam, o Ahas oun o Hiskiya kol bare raya pral o them Youda his, oun o Yerobeam, koleskro dad o Yoash his, ko baro ray pral o them Israel his.

Joel 1:1

Kava hi i lab o baro Deblestar, hoy penas lo ap o Yoel, koleskro dad o Petouel hi.

Jona 1:1

O baro Devel rakras o morsheha Yona, koleskro dad o Amitay his, oun penas:

Micha 1:1

Kava hi i lab o baro Deblestar, hoy penas lo ap o Mika dran Moreshet an ko tsiro, kay o Yotam, o Ahas oun Hiskiya i bare raya pral o them Youda his. An ko tsiro sikras les o baro Devel, hoy pral Samaria oun Yerusalem vella.

Zefanja 1:1

Har o Yosia, koleskro dad o Amon hi, o baro ray pral o them Youda his, an ko tsiro rakras o baro Devel ap o Sefanya. Koleskro dad his o Koushi. Koleskro dad his o Gedalya. Koleskro dad his o Amarya. Koleskro dad o Hiskiya. Kava hi ko lab, hoy o baro Devel penas: