Jeremia 1:18 - O Debleskro Lab 2024 (Sinte-Manouche)

¹⁸ Kava dives dau me tout i zoor, te vess yaake zorelo har i zorelo foro, i sasterno rouk, oun i massouri dran lolo saster. Hakeno an kava them vell rhoyedo ap toute: i bare raya oun pralstoune pral o them Youda, ninna i rashaya oun i menshe an kava them.

O Debleskro Drom 2021 (Sinte)

¹⁸ Kau diwes dau me tut i soor, te wess jaake sorelo har i sorelo foro, i sasterno ruk, un i massuri dran lolo saster. Hakeno an kau them well chojedo ap tute: i bare raja un pralstune pral o them Juda, ninna i rashaja un i menshe an kau them.

Jeremia 1:18 Iomraidhean Croise

Jesaja 50:7

O baro Devel, miro ray, hi ap miri rig. Doleske ačom gar vi-ladjedo tardo. Me krom miro mouy har dran bar, oun djinom, me dikau gar čičeske ap leste.

Jeremia 1:17

Ab zoreles! Oun kre tout ap o drom! Oun pen lenge halauter, hoy me touke penau! Ma traash lendar, te krap me gar, te trashess tou glan lende!

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 15:10

Me bibarhtelo, hoske das miri day mande o djipen? Hakeno dikell čilačes ap mande. An o tselo them čingrenn le ap mande. Ninna te patsom kekestar love, oun kek patsas man love, praasell man hakeno.

Jeremia 15:20

Me krau tout kal menshenge har i zoreli massouri. Ninna te djan le ap toute, nay vitsrenn le tout gar trouyel. Me, o baro Devel, hom pash toute, te vap ap tiri rig, oun te lap tout vin dran lengre vasta, –

Jeremia 20:11

O baro Devel hi pash mande oun dell ap mande garda har i zorelo morsh. Doleske perenn kolla, kay man palla lenn oun hounte tserdenn pen pale. Kova, hoy len glan hi, nay krenn yon gar. Oun vavar san pral lende. Hako tsiro hi kova lenge i ladj oun vell lenge gar bistedo.

Jeremia 21:4

Kova penell o baro Devel, ko Devel pral Israel: Me tradau t'mare lourden pale pengre rharentsa, hoy an lengre vasta hi, oun kolentsa kourenn le pen o baro rayeha dran o them Babilonia oun leskre lourdentsa, kol Kaldearya, kay hi vin tardo glan t'maro foreskri massouri. Me moukau len mashkral an o foro dren.

Jeremia 26:24

Pral o Yeremiyes rikras o Ahikam peskro vast. Koleskro dad his o Shafan. O Ahikam moukas les gar an i vasta kol menshendar te dell, kay kaman les te marell.

Jeremia 34:3

Oun ninna tou nay nasheh gar glan leskro vast krik. Na-a tou veh tapedo oun an leskro vast dino. Tou dikeh les tire yakentsa oun rakreh leha mouy ap mouy. Oun palle veh an o them Babilonia anlo.

Jeremia 37:7

Kova penell o baro Devel, kay o Israeleskro Devel hi: Pen o baro rayeske dran o them Youda, kova kay bičras t'men pash mande, te poučenn man: Kol lourde o Faraestar, kay djan vin dran pengro them, te venn le ap t'mari rig, kolla djan pale khere an o them Egiptia.

Jeremia 38:18

Te djah tou gar vin pash o pralstunende o baro rayestar dran o them Babilonia, palle dau kava foro an lengro vast. Oun yon rhačrenn kava fores pre. Oun tou nay nasheh vitar gar lendar krik.

Jeremia 38:2

Kova penell o baro Devel: Kova, kay ačell an kava foro, kova vell o rhareha, i bokatar oun i nasslepastar maredo. Oun kova kay djal vin pash i Babilonarya, kova ačell djido, ninna te ačell leske či har peskro djipen.

Jeremia 42:22

Doleske shounenn oun djinenn: Mank t'mende hi save, kay venn maredo o rhareha, vavar merenn i bokatar oun o djoungelo nasslepah kote, kay djan koy, te djivenn kote.

Jeremia 6:27

O baro Devel penas ap mande: Me kamau, te djas tou pash mire menshende, oun dikess, hoy yon krenna, oun har yon djivenna.

Johanni 1:42

Oun o Andreas anas peskro phrales pash o Yezouseste. Har o Yezous koles dikas, penas lo: “Tou hal o Simon, ko Yohanneskro čavo. Tou khareh kanna Kefas.” Ko kharella baro bar.

Debleskro tsiro 3:12

Kova, kay zoreles an o patsepen ačas, oun gar pre das, dran koleste krau me yekes, kay hi har i baro bar, hoy rikrell miro Debleskro kheer. Oun kova ačell koy tardo hako tsireske. Oun me činau o lab miro Deblestar ap leste, oun o lab o Debleskro forestar. Kova hi o nevo Yerusalem, hoy dran o bolepen tele vella. Oun miro nevo lab činau ninna ap leste.