Jeremia 1:1 - O Debleskro Lab 2024 (Sinte-Manouche)

¹ Kalla hi kol laba, hoy o Yeremia rakras. Leskro dad his o Hilkiya. Kova his yek kol rashayendar an o gab Anatot an o them Benyamin.

O Debleskro Drom 2021 (Sinte)

¹ Kalla hi kol laba, hoi o Jeremia rakras. Leskro dad his o Hilkija. Kowa his jek kol rashajendar an o gab Anatot an o them Benjamin.

Jeremia 1:1 Iomraidhean Croise

1. Rajengro liil 2:26

Oun ap o rashayeste Abyatar penas o baro ray: “Dja an o foro Anatot, kote kay tiri phoub hi. Ninna te hounte merals, kamau tout kava dives gar te marell. Tou hidjral ko morhton, kay o Debleskre laba dren hi, glan miro dadeste, o David. Oun tou rikral vin khetne miro dadeha, kol tsele douka, hoy ap leste van.”

1. Familjakro liil 6:60

Houkok oun Rehob;

2. Familjakro liil 35:25

Oun o Yeremia givas i ropaskri gili pral o Yosia. Oun i tsele gipangre, morsha har djouvya, givan ropangre gilya pral o Yosia bis ap kava dives. Yaake vell kova gomme kava dives kerdo an Israel. Kal tsele gilya hi tele činlo an o liil, hoy kharell: Ropangre gilya.

2. Familjakro liil 36:12

Oun yob kras, hoy djoungeles hi glan i yaka o baro Deblestar, kay leskro Devel his, oun kras pes gar tiknes glan o Debleskro rakepaskro, o Yeremia, har kova leha rakras, oun leske penas, hoy o baro Devel leske an o mouy čivas.

2. Familjakro liil 36:21

Glan i rah tsiro penas o Mose ap i Israelitarya: “Hako eftato bersh hounte boudrell kek t'mendar ap peskri harhetikri phoub, te lell i phoub pale nevi zoor!” Ap ko lab rikran pen i Israelitarya gar. Kanna ačas ko them efta-deesh bersha mouklo čiddo. Yaake vas ko lab čačo, hoy o baro Devel o Yeremiyeske an o mouy čivas: “O them ačell mouklo čiddo efta-deesh bersha, bis te kol bersha trouyel hi, kolen i Israelitarya gar dren rikran.”

Esra 1:1

An o ersto bersh, kay o Cyrus o baro ray pral o them Persia his, kras o baro Devel, te vas ko lab čačo, hoy lo ap o Yeremia rakras, oun kova i menshenge doureder penas. O baro Devel das o baro rayeske, o Cyrus an o dji, te moukell lo an peskro tselo them vin te kharell oun i lilendar halauterenge te penell:

Esra 2:23

dran o foro Anatot: 128 (yek-sheel-te-biish-te-orhta);

Jesaja 1:1

Kova hi, hoy moukas o baro Devel o morshes Yesaya te dikell pral o them Youda oun pral o foro Yerusalem. O Yesaya his o čavo ko morshestar Amoz. Kova his an ko tsiro, kay his o Usiya, o Yotam, o Ahas, oun o Hiskiya i bare raya pral o them Youda.

Jesaja 10:30

T'mer menshe an o foro Gallim, denn bari gole! Shounenn koy gole, t'mer an o foro Layesha! Bare douka venn ap o foro Anatot!

Jesaja 2:1

Kava hi, hoy dikas o Yesaya, pral o them Youda oun o foro Yerusalem. Leskro dad hi o Amoz.

Jeremia 11:21

I menshe an Anatot kaman man moulo te dell, oun penan mange: Mouk tele, te rakress, hoy o baro Devel touke penas, te kameh gar, te maras tout mare vastentsa! Doleske penell o baro Devel, ko ray pral o bolepen oun i phoub: Me kamau kol menshen an Anatot i phagi te dell: Lengre terne morsha venn o rhareha moulo dino, oun lengre čave oun ča hounte merenn i bokatar.

Jeremia 29:27

Kanna, de koy phagi o Yeremiyeste dran Anatot, kay pash t'mende glan-vi penell, hoy vella.

Jeremia 30:1

Kova penas o baro Devel ap o Yeremia:

Jeremia 37:12

Koy kamas o Yeremia dran o foro Yerusalem vin te djal an o them Benyamin, te rakrell lo peskre menshentsa pral kova, hoy yek, kay meras, lenge palla moukas, oun hoy hakeno lella.

Ezekiel 1:3

Kote an o them Babilonia pash o lengsto pani Kebar rakras o baro Devel ap mande, oun leskri zoor vas pral mande. Me hom o Ezekiel. Miro dad hi o rashay, o Bouzi.

Daniel 9:2

An kava ersto bersh, kay yob kote o baro ray his, dom me, o Daniel, yak ap kova, hoy an o Debleskre lila činlo hi, kote kay penell o baro Devel ap peskro rakepaskro, o Yeremia, te ačell o foro Yerusalem 70 (efta-deesh) bersha khetne dino čiddo.

Amos 1:1

Kava hi, hoy sikras o Devel o Amoseske pral o kheer Israel an ko tsiro, kay o Usiya o baro ray his pral o them Youda. Oun o Yerobeam, koleskro dad o Yoash hi, his o baro ray pral Israel. His douy bersha glan ko tsiro, kay i phoub zoreles trissas oun pre phagas. O Amos vas dran o foro Tekoa oun his yek kolendar, kay dan yak ap i bakrende.

Amos 7:10

Oun o rashay o forestar Betel – leskro lab his Amazya – bičras morshen pash o Yerobeam, ko baro rayeste an Israel, oun moukas leske te penell: “O Amos krell i menshen divyo, te hadenn le pen pral toute. Leskro rakepen nay shounah mer bouder gar.

Mateo 16:14

Oun leskre mala penan ap leste: “Yon penenna, tou hal o Yohanni, kova, kay taufras i menshen. Vavar penenna, kay tou hal o Eliya. Oun vavar penenna, kay tou hal o Yeremia. Oun pale vavar penenna, kay tou hal i Debleskro rakepaskro, kay i moulendar pre stas.”

Mateo 2:17

Koy vas kova čačo, hoy o Debleskro rakepaskro, o Yeremia, penas:

Mateo 27:9

Oun yaake vas kova čačo, hoy o Debleskro rakepaskro Yeremia glan i rah tsiro penas: Yon lan i triyanda roupene beme. Kova his kol love, kay i Israeleskre menshe vin kran, te playsrenn le leske. Kol loventsa ginan le i kotar them kolestar, kay krell pirya dran lolo čik, yaake har o Devel mange kova penas.