Jakobo 5:8 - O Debleskro Lab 2024 (Sinte-Manouche)

⁸ Ninna t'mer, ma avenn khino an t'mare djia! Ačenn zoreles an o patsepen! Hi bouder gar rah, kay vell maro ray Yezous pale.

O Debleskro Drom 2021 (Sinte)

⁸ Ninna tumer, ma awenn khino an tumare djia! Atchenn soreles an o patsepen! Hi buder gar rah, kai well maro rai Jesus pale.

Jakobo 5:8 Iomraidhean Croise

1. Mose 49:18

Baro Devel, ab ap miri rig!

Debleskri gili 130:5

Ap toute, baro Devel, rikrau me, miro tselo djiyestar dikau ap toute, te rakress mantsa.

Debleskri gili 27:14

Rike tout ap o baro Debleste tiro tselo djiyeha! Ab zoreles, oun ma traash, oun rike tout ap o baro Debleste!

Debleskri gili 37:7

Ač pokones oun dik ap o baro Debleste, te vell lo ap tiri rig! Ab gar rhoyedo pral koleste, kay leske mishto djala, ninna te hi les čilačepen an o shero.

Ezekiel 7:12

Ko tsiro vas, ko dives hi koy! O ginepaskro nay sal gar bouder. Oun kova, kay hounte bikrell čomone, hounte rovell gar koy pral. O baro Debleskri rholi vell pral kal tsele menshende.

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Louka 21:19

Ačenn zoreles an o patsepen, oun t'mer lenn ko čačo djipen!”

Johanni 21:22

Penas o Yezous ap leste: “Te kamau me, te ačell yob djido, bis te vau pale, palle hi kova gar tiro koova. Am tou mantsa!”

Remarja 8:25

Maro dji nashell pal kova, hoy glan mende hi, oun hoy dikah nay gomme gar. Doleske vah mer gar khino an mare djia bis te lah les.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Filiparja 4:5

Sikrenn hakeneste t'maro lačepen! O ray Yezous vella an i tikno tsiro pale.

1. Tessalonikarja 1:10

T'mer dikenn ap ko dives, kay vell o Debleskro čavo dran o bolepen pale. Kova hi o Yezous, koles kras o Devel i moulendar djido. Yob lell men dran o Debleskri rholi vin, hoy pral i menshende vella.

1. Tessalonikarja 2:19

Mer ham barhtelo pral t'mende. Oun mer dikah ap ko dives, kay vell maro ray Yezous pale. Palle nay sharah men t'mentsa.

1. Tessalonikarja 3:13

Palle venn t'mare djia zorelo oun djoudjo. Oun o Devel, maro dad, hatsell kek doosh ap t'mende ap ko dives, kay vell o Yezous, maro ray, pale lauterentsa, kay leskre hi.

2. Tessalonikarja 3:5

Maro rayestar, o Yezousestar, mangah, te krell lo t'mare djia pre, te dikenn t'mer, har baro o Debleskro kamlepen t'menge hi. Oun lestar mangah ninna, te denn t'maro patsepen gar pre, ninna te vell t'maro djipen pharo, yaake har o Yezous Kristo gar pre das.

Jakobo 5:3

T'maro sonakay oun roup molell bouder či. T'mer rikran les t'menge. Kova anell t'men glan o čačepaskro ray oun rhal t'men pre har i yag. I phoub ačell bouder gar rah. Ninna te djinan kova, anan t'menge boud bravlepen khetne!

Jakobo 5:9

Mire phrala, ma rakrenn rhoyemen yek pral o vavareste, te lenn kek phagi o Deblestar! O Devel, kay rakrell o čačepen vin pral i menshende, hi kanna glan o voudar tardo.

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

Debleskro tsiro 22:20

Kova, kay kava penas, penella: “Ava, me vau sik.” Amen. Ab ray Yezous!