Jakobo 5:4 - O Debleskro Lab 2024 (Sinte-Manouche)

⁴ Shounenn! T'mer rhorhran t'mare boudepangren, kay boudran ap t'maro them, oun dan len kek love. Kolla denn gole ap o bolepen. Lengri gole shounell o Devel, ko ray pral o bolepen oun i phoub.

O Debleskro Drom 2021 (Sinte)

⁴ Shunenn! Tumer chochran tumare budepangren, kai budran ap tumaro them, un dan len kek lowe. Kolla denn gole ap o bolepen. Lengri gole shunell o Dewel, ko rai pral o bolepen un i phub.

Jakobo 5:4 Iomraidhean Croise

1. Mose 4:10

Oun o Devel penas: “Hoy kral tou? Shoun! Tiro phraleskro rat dell gole pal mande dran i phoub.

Hiob 34:28

Yon djan yaake čilačes i čorvelentsa trouyel, te dan yon gole ap o Debleste. Oun yob shounas koy gole kolendar, kay tele rikedo van.

Hiob 7:2

Yaake har i boudepaskro, kay kamell, te vell rati, kay vell lo dran o kham, oun kay vell lo playsedo,

Debleskri gili 9:12

Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

2. Mose 22:27

Ma praase o Debles! Oun ma rake bibarht vin pral i pralstouno tire menshendar!

2. Mose 3:9

Me shounom i Israelengri gole oun dikom, hoy i Egiptarya ap lende krenna. Yon phagenn len, fothe denn le len dava.

Jesaja 1:9

Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.

Jesaja 5:7

O kheer Israel hi o drakengro them o baro Deblestar, ko rayestar pral o bolepen oun i phoub. Oun i morsha an o them Youda hi kol drakengre rouka, hoy yob an i phoub čivas oun pral kolende yob barhtelo his. Ap lende dikas lo, te anenn le o lačepen glan. Oun hoy vas, his čilačepen. Yon te dans hakenes peskro čačepen, oun kran, hoy his či har čilačepen.

Jesaja 5:9

O baro Devel, ko ray pral o bolepen oun i phoub, das pes sovel oun penas glan mire kanda: Kol boud khera venn paash dino, oun kek djivell bouder an kol bare shoukar khera!

Jeremia 22:13

Bibarht ap koleste, kay krell peskro kheer rhorhepah, oun djal gar pal o čačepen, te krell lo peskro kheer bareder oun shoukeder! Oun moukell peskre boudepangre čičeske te boudrell, oun dell len kek love.

3. Mose 19:13

Tou rikress gar o vavares tele oun randess les gar vin. Tou dess i boudepaskres, kay boudrell touke yek dives peskre love ap i rat, oun rikress kol love gar pral i rat pash toute.

Habakuk 2:11

Ninna i barra an o kheer denn gole, oun i kashta, hoy hidjrenn i dacha, penenn lenge o lab pale pale.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Mateo 9:37

Oun yob penas ap peskre malende: “Boud djob hi vin tardo, te vell lo an o kheer anlo. Yaake hi boud menshe koy, kay kamenn pash o Debleste te vell. Oun hi gar doha boudepangre koy, te anenn le len pash leste.

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Remarja 9:29

Kova hi yaake har o Debleskro rakepaskro, o Yesaya, penas: Te moukals o Devel, ko ray pral o bolepen oun i phoub, gar čave mendar te ačenna pral, palle merans mare tsele menshe yaake har i menshe an i forya Sodom oun Gomorra.

5. Mose 15:9

De tout yak, te vell touke gar an o dji, te dess les či doleske, kay ko eftato bersh gar bouder dour hi. Ma pen touke: Palle hounte moukap leske koy tseli siyaan. Oun yaake dikeh čilačes ap leste oun deh leste či. Oun yob dell gole ap o baro Debleste pral toute. Oun ap toute vell i doosh!

Kolossarja 4:1

T'mer kay han raya, ap t'mende penau: Avenn čačes ap t'mare boudepangre oun djan lentsa mishto trouyel! Ma bistrenn, kay hi t'men ninna i ray an o bolepen!