Jakobo 5:20 - O Debleskro Lab 2024 (Sinte-Manouche)

²⁰ palle las kava les dran o merepen vin, te djal yob gar nashedo. Oun leskri boud doosh hi lestar krik lino.

O Debleskro Drom 2021 (Sinte)

²⁰ palle las kawa les dran o merepen win, te djal job gar nashedo. Un leskri bud doosh hi lestar krik lino.

Jakobo 5:20 Iomraidhean Croise

Debleskri gili 32:1

Laba o Davidestar. Barhtelo hi kova, koleske o čilačepen, hoy ap leste his, krik lino hi, oun leskri doosh bistedo hi.

Gosewe laba 10:12

Dran rholi vell čingepen. Koon o vavares o djiyestar kamell, bistrell leskro tselo čilačo koova.

Gosewe laba 10:2

Čoredo bravlepen hi čičeske. O čačepen lell tout dran o merepen vin.

Gosewe laba 11:30

Kova, hoy i lačo oun čačo mensho krell, hi har i rouk, hoy o djipen dell. Ko mensho, kay gosevo hi, tserdell vavar menshen ap peskri rig.

Gosewe laba 11:4

O bravlepen hi i bravelenge či moldo ap ko dives, kay o Debleskri rholi pral i menshende vell. Kol menshe, kay an o čačepen tardo hi, venn vin lino dran o merepen.

Gosewe laba 17:9

Kova, kay i doosh i vavarendar bistrell, krell peske mala. Kova, kay pale te pale pral koy doosh rakrell, nashrell peskre malen.

Johanni 5:24

Čačepah, me penau t'menge: Koon miro lab shounella, oun patsell ap koleste, kay man bičras, koles hi ko djipen, hoy gar pre-herella. Pral leste vell kek phagi vi-rakedo. Yob moukas ko merepen pal peste, oun djas an o djipen.

Remarja 11:14

Me kamaus, te zilverenn mire menshe ap t'mende, te anap nay kolendar ninna ap o Yezouseskro drom.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

1. Korintarja 9:22

Pash kolende, kay hi gar zoreles an o patsepen, djivau me yaake har yon djivenna. Kova krau me, te vell lengro patsepen ap o Yezouseste zoreles. Me vom lauterenge yaake har yon, te rodap i drom, te anap len pash o Yezous Kristeste.

1. Timoteo 4:16

De garda ap toute, har tou djiveh oun har tou sikreh o Debleskro drom! Kre ko koova, hoy touke penom! Yaake djah tou ap o drom pash o Debleste. Oun kolla, kay shounenn ap kova, hoy tou peneh, aneh tou ninna ap ko drom.

Filemon 1:19

Me, o Paulo, činau kova kokres miro vasteha. Me kamau playsrell, hoy yob hounte playsrals touke. Me kamau gar te rakrap pral koy siyaan, hoy tout pash mande hi: Me anom tout ap o Debleskro drom.

Jakobo 1:15

Te shounah ap maro shero, krah mer ko čilačo koova. Oun te vas ko čilačo koova baro, anell kova menge o merepen.

Jakobo 1:21

Doleske moukenn hako djounglepen oun čilačepen! Oun patsenn ko lab, hoy o Devel an t'mende čivas! Krenn kova i lačo djiyeha! An o Debleskro lab hi koy zoor, te lell lo t'men dran o čilačepen oun o merepen vin.

Jakobo 5:15

Te mangenn i phoureder o Debles oun patsenn ap leskri zoor, vell ko nasselo sasto. Oun o Devel krell les pale zoreles. Te hi doosh ap leste, palle lell o Devel koy doosh lestar.

Jakobo 5:19

Mire phrala, djinenn: Te peras yek t'mendar o čačo dromestar tele, oun yek vavar anell les pale ap o čačo drom,

1. Petro 4:8

Rikrenn khetne an o kamlepen! Kova hi feteder har lauter vavar. O kamlepen čakrell boud čilačepen.

Debleskro tsiro 20:6

Barhtele hi kolla, kay hi mank kolende, kay venn glanstounes i moulendar djido. Yon hi o Debleskre menshe, oun merenn gar o douyto kopo. Yon hi i rashaya o baro Deblestar oun o Yezous Kristestar. Oun khetne leha hi le raya pral lauter yek zero bersh.