Jakobo 5:19 - O Debleskro Lab 2024 (Sinte-Manouche)

¹⁹ Mire phrala, djinenn: Te peras yek t'mendar o čačo dromestar tele, oun yek vavar anell les pale ap o čačo drom,

O Debleskro Drom 2021 (Sinte)

¹⁹ Mire phrala, djinenn: Te peras jek tumendar o tchatcho dromestar tele, un jek wawar anell les pale ap o tchatcho drom,

Jakobo 5:19 Iomraidhean Croise

Debleskri gili 119:118

Kolen, kay gar krenna, hoy lendar kameh, tradeh tou toutar. Lengro rhorhepen hi čičeske.

Debleskri gili 119:21

Tou čingreh pral kolende, kay phourdenn pen pre. Praasedo hi kolla, kay moukan tire laba.

Gosewe laba 19:27

Miro čavo, te moukeh touke či bouder te penell, palle djineh tou sik bouder gar, hoy čačo hi.

Jesaja 3:12

Mire menshe, penell o baro Devel, t'mare pralstoune hi čave. Oun djouvya hi i raya pral t'mende. Kolla kay hounte sikrans t'menge o drom, anenn t'men o čačo dromestar tele, oun krenn, te nashrenn t'men.

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Ezekiel 34:4

Kolenge, kay len kek zoor bouder his, van t'mer gar ap i rig, te venn le pale zoreles. Oun kolla, kay nasselo his, kran t'mer gar sasto. Oun kolla, kay phagan pen i heri, lenge čivan kek diklo troul koy doukedi heri. Oun kolla, kay nashran pen, anan t'mer gar pale. Oun kolla, kay nashedo his, rodan t'mer gar. Oun čilače zoryah hans i raya pral lende.

Mateo 18:15

Te krell tiro phraal čilačo koova ap toute, palle dja pash leste kokres, oun pen leske, kay kova gar mishto hi, hoy yob kras. Oun te dikell lo, kay kova čačo hi, hoy tou leske penal, palle anal tou tiro phrales pale ap miro drom.

Louka 22:32

Me mangom touke pash mo Debleste, te djas tou gar o Debleskro dromestar tele. Oun te djah tou pale ap o čačo drom, kre tire phralen zoreles an o patsepen!”

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

1. Timoteo 6:21

Denn menshe mashkral i patslende, kay patsan kolen, oun peran o Debleskro dromestar tele. O Debleskro lačepen djal t'mentsa lauterentsa!

2. Timoteo 2:18

Yon moukan o čačo drom, oun penenn rhorhepen, te penenn le: “Ko tsiro his koy, kay o Devel i moulen djido kras.” Hi patsle koy, kolenge krell kava rakepen pengro patsepen paash.

Hebrearja 5:2

O baro rashay hayvell mishto, har kolenge djala, kay peran o Debleskro dromestar tele, ninna te djinan le gar, kay hi kova čilačo, hoy yon kran. Yob hi i mensho har yon, oun les hi gar i zoor pral o čilačepen.

Jakobo 1:16

Mire kamle phrala! Ma rhorhenn t'men kokres!

Jakobo 1:19

Mire kamle phrala, djinenn: Hako mensho hounte lell peske tsiro, te shounell lo. Yob te kamell te rakrell, palle hounte poučell lo pestar, te hi kova mishto, hoy yob kamell te penell. Oun yob hounte vell vitar gar sik rhoyedo.

Jakobo 3:14

Te zilverenn t'mer oun hadenn t'men pre pral i vavarende, ma penenn, kay han gosevo! Kova vals i rhorhepen oun gar o čačepen.

Jakobo 5:20

palle las kava les dran o merepen vin, te djal yob gar nashedo. Oun leskri boud doosh hi lestar krik lino.

2. Petro 3:17

Lače phrala oun phenya, kanna djinenn t'mer, kay čilače menshe venna, kay shounenn gar ap o Debleste. Doleske denn garda, te patsenn gar o rhorhepen, hoy yon rakrenna! Ma djan lentsa, te perenn t'mer gar o čačo dromestar tele! Ačenn zoreles an o patsepen tardo!

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.