Jakobo 5:11 - O Debleskro Lab 2024 (Sinte-Manouche)

¹¹ Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.

O Debleskro Drom 2021 (Sinte)

¹¹ Kolla hi tchatchepah bachtelo, kai rikran soreles ap o Debleste. Tumer shunan, har rikras pes o Hiob soreles ap o Debleste, un tumer djinenna, hawo brawlepen o Dewel les lauter das. O Debles hi i baro dji i menshenge un hi lenge latches.

Jakobo 5:11 Iomraidhean Croise

1. Familjakro liil 21:13

Oun o David penas ap o Gad: “Man hi bari traash. Mouk man an o baro Debleskro vast te perell! Leskro kamlepen hi baro. Me kamau gar an i menshengro vasta perell.”

2. Familjakro liil 30:9

Te venn t'mer pale pash o baro Debleste, palle hatsenn t'mare phrala oun čave kamlepen pash kolende, kay len pandles rikrenna, oun yon nay venn pale pale an kava them. O baro Devel, t'maro Devel, hi i lačo oun kamlo Devel. Oun yob sikrell t'men gar o doumo, te venn t'mer pale pash leste.”

Nehemia 9:17

Oun yon kaman gar te krell, hoy tou lenge penal, oun bistran ko tselo baro koova, hoy tou lenge kral, hoy kek vavar nay krella. Yon kran pengre djia pandlo har bar. Oun rodan yekes vin, te vell lo lengro ray, oun anell len pale an o them Egiptia, an pengro pandepen. Tou hal i Devel, kay i doosh krik lell, oun hal kamlo oun kreh tiro dji pre i menshenge. Tou veh gar sik rhoyedo oun tiro lačepen hi baro. Oun tou djal gar lendar.

Nehemia 9:31

An tiro baro lačepen dal len gar moulo, oun moukal len gar. I lačo Devel hal, oun tout hi i baro dji.

Hiob 1:1

An o them Ous djivas i morsh, kova kharas Hiob. Yob his an o čačepen tardo, oun kek doosh his ap leste. Yob mangas o Debles an, oun rikras pes dour krik o čilačepastar.

Hiob 1:2

Oun les his efta morsh čave oun triin ča.

Hiob 2:10

O Hiob penas ap late: “Tou rakreh yaake har i dineli čay rakrell. O lačepen lam o Deblestar. Las mer gar ninna o čilačo koova lestar?” Ninna te vas kova lauter yaake, anas o Hiob kek doosh ap peste oun vitsras o Debleske kek čilačepen glan.

Hiob 23:10

Yob djinell havo drom me djau. Dikals lo palla, har djivau, hatsals lo vin, te hom djoudjo har sonakay.

Debleskri gili 103:13

Yaake har i dad peskro dji pre krell peskre čavenge, yaake krell o baro Devel peskro dji pre kolenge, kay djivenn leha.

Debleskri gili 103:8

O baro Devel hi i lačo Devel, kay krell peskro dji pre peskre menshenge. Yob vell gar sik rhoyedo. Oun leskro lačepen herell gar pre.

Debleskri gili 116:5

O baro Devel hi lačo oun čačo, oun o djiyestar kamlo hi maro Devel.

Debleskri gili 119:132

Risse tout pash mande, oun ab mange lačes, yaake har kolenge hal, kay kamenn tout o djiyestar.

Debleskri gili 145:8

Lačes hi o baro Devel oun krell i menshenge peskro dji pre. Yob vell gar sik rhoyedo. Oun leskro kamlepen hi baro.

Debleskri gili 37:37

Kre yaake har kova, kay shounell ap o Debleste peskro tselo djiyeha! Oun djib yaake har kova, kay vell kek doosh ap leste hatslo. Savo mensheske djal mishto an ko tsiro, hoy vella.

Debleskri gili 51:1

I gili o rayeske pral i gipangre. O David kras kay gili,

Debleskri gili 78:38

Yob kras lenge peskro dji pre, oun maras len gar. Na-a, yob las lendar i doosh tele. Boud kope rikras yob peskri rholi pale, oun moukas gar peskri tseli rholi ap lende te vell.

Debleskri gili 86:15

Tou, baro Devel, hal i lačo Devel, oun kreh tiro dji tire menshenge pre. Tou veh gar sik rhoyedo, Tiro lačepen hi baro oun tou rikreh pash tire menshende.

Debleskri gili 86:5

Tou hal lačo, miro baro Devel, oun leh i doosh krik. Tiro lačepen hi baro kolenge, kay ap toute gole denn.

Debleskri gili 94:12

Barhtelo hi kova, koneste tou, baro Devel, leskri doosh sikreh, koleste tou sikreh, har te djivell lo.

2. Mose 34:6

Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

Sikepaskro 7:8

Feteder hi, te pandess tiro mouy, har te kress tiro mouy pre o rakepaske. Feteder hi, te dess gar sik pre, har te vess pre-phourdo.

Jesaja 63:7

Me kamau te rakrap pral o Debleskro lačepen, ko baro koova, hoy o baro Devel halauter menge kras, oun ko tselo lačo koova, hoy moukas lo ap o kheer Israel te vell. Les hi lenge i baro dji oun hi lenge yaake lačes.

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Ropaskre gilja 3:22

O baro Debleskro lačepen herell gar pre, leskro kamlepen hi hako tsiro menge koy.

Daniel 9:9

Maro ray oun Devel, tout hi i baro dji oun hal kova, kay lell i doosh krik. Mer moukam tiro drom,

Joel 2:13

Tserdenn t'mare djia an kotya oun gar t'mare ripya!” Oun djan pale pash t'maro baro Debleste! Les hi i baro dji, pherdo kamlepen. Yob vell gar sik rhoyedo. Leskro lačepen hi baro. Oun koy phagi, hoy kamas lo te dell, lell lo pale.

Jona 4:2

Kote rakras lo ap o baro Debleste oun penas: “Ah, baro Devel, kova hi, hoy penom an ko tsiro, har khere homs. Doleske kamom sik an o them Tarsis krik te nashell. Me djinom, kay tou i lačo Devel hal, oun tout i baro dji hi. Tou veh gar sik rhoyedo. Oun tiro lačepen hi baro. Oun koy bibarht, kolah i menshen trad deh, khaytell tout pal kova.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

4. Mose 14:18

Tou penal: Me, o baro Devel, vau gar sik rhoyedo, oun man hi i lačo oun baro dji, oun me bistrau ko čilačo koova, hoy kran oun lau i doosh krik. Koles kokres, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar djivan.

Mateo 10:22

T'mer patsenn ap mande. Doleske venn i menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Louka 1:50

Yob kras peskro dji pre kol phourenge oun kolengre čavenge, lauterenge, kay shounenn ap leste, oun darenn lestar.

Louka 11:10

Koon mangella, kova lella. Koon rodella, kova hatsella. Oun koon ap o voudar della, koleske vell pre kerdo.

Louka 6:36

T'men hounte vell hakeneske i baro dji, yaake har o Debles hakeneske i baro dji hi.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

Efesarja 2:4

Kanna kras men o Devel djido. Les his i baro dji menge oun kamas men o tselo djiyestar. Mer, kay leske moulo hams, har djivam an maro čilačepen, men kras yob djido, yaake har yob o Yezous Kristes djido kras. Yob his yaake lačo ap mende, te las lo men dran o čilačepen vin.

Hebrearja 10:39

Čačepah, mer ham gar kolendar, kay moukenn leskro drom oun djan nashedo. Na-a. Mer ham kolendar, kay ačah an o patsepen, oun lah o djipen, hoy gar pre-herella.

Hebrearja 3:14

Te rikrah zoreles ap maro patsepen ap o Yezous Kristeste yaake rah, har djivah, palle ham čačepah leskre.

Hebrearja 3:6

O Yezous Kristo hi o Debleskro čavo. Oun an leskre vasta hi o Debleskre menshe, ap kolende yob mishto garda della. Kolla ham mer, te čivah maro tselo patsepen ap leste, oun dah gar pre bis te lah o raylo djipen pash leste.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 1:2

Mire phrala, te vell pharo koova ap t'mende, palle dikenn koy pre, har te vell kova i barht t'menge.

1. Petro 1:13

Doleske avenn gar khino an t'mare djia, oun denn garda, te ačenn ap o Debleskro drom! Dikenn ap ko baro lačepen, hoy o Devel dell t'men ap ko dives, kay vell o Yezous Kristo pale.

1. Petro 3:14

T'mer krenn, hoy o Devel t'mendar kamella. Nay vell, te lenn le t'men doleske palla. Palle han barhtelo. Te denn le t'men trad, ma darenn! Ma trashenn lendar!

2. Petro 2:9

O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.