Jakobo 5:10 - O Debleskro Lab 2024 (Sinte-Manouche)

¹⁰ Mire phrala, dikenn ap o Debleskre rakepangre, kay penan i menshenge o Debleskro lab. Yon van gar khino an lengre djia, ninna gar, har van boud douka ap lende. Avenn har yon!

O Debleskro Drom 2021 (Sinte)

¹⁰ Mire phrala, dikenn ap o Debleskre rakepangre, kai penan i menshenge o Debleskro lab. Jon wan gar khino an lengre djia, ninna gar, har wan bud duka ap lende. Awenn har jon!

Jakobo 5:10 Iomraidhean Croise

2. Familjakro liil 36:16

Yon sanan o Debleskre bičepangren vin. Oun leskre laba his lenge či moldo, oun yon rikran o Debleskre rakepangre dineleske. Doleske vas o baro Debleskri rholi yaake phares pral peskre menshende, te nay van le gar vin lino koy dran.

Jesaja 39:8

Kote penas o Hiskiya ap o Yesaya: “Ko lab o baro Deblestar hi mishto, hoy tou rakral.” O Hiskiya penas peske: “Mange hi mishto, te hi kek kourepen oun marepen an mire divessa.”

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Jeremia 23:22

Te vans yon glan mande tardo an miro tsillo, rakrans yon mire laba mire menshenge, oun penans lenge, te moukenn le pengro čilačo drom oun pengro čilačo koova, hoy kran le.

Jeremia 26:16

Palle penan i pralstoune oun kol vavar menshe ap i rashayende oun kol rhorhene rakepangre: “Kava morsh hounte merell gar! Yob penas menge kol laba, hoy das les maro baro Devel.”

Louka 13:34

“T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre ternende garda della, oun lell len tel peskre phora. Oun t'mer kaman gar.

Louka 6:23

Avenn barhteles ap ko dives, oun khelenn i barhtyatar! O Devel dell t'men i baro bravlepen an o bolepen. Kova, hoy i menshe kanna t'mentsa krenna, kova kran ninna lengre phoure ap o Debleskre rakepangre an o phouro tsiro.

Bičepangre 3:21

Yob ačell an o bolepen yaake rah, bis te vell ko tsiro, kay vella lauter neves kerdo. Kova penan menge o Debleskre rakepangre glan i rah tsiro. O Devel penas les lenge.

Bičepangre 7:52

Penenn mange: Dell yek Debleskro rakepaskro, kay lan t'mare phoure gar palla? Yon maran kolen, kay glan-vi penan, te vell ko yek, kay hako tsiro o čačepen krella. Yob vas, oun t'mer phoukran ap leste oun maran les.

Hebrearja 13:7

Ma bistrenn, har kolla pengro djipen djivan, kay penan t'menge o Debleskro lab, oun sikran t'men leskro drom! Dikenn, har yon djivan oun meran, oun zoreles an o patsepen tardo his! Djan yaake ap o Yezouseskro drom har yon djan!

Jakobo 4:11

Mire phrala! Ma rakrenn djoungeles pral o vavareste! Koon pral peskro phraleste djoungeles rakrella oun o goushteha ap leskri doosh sikrella, kova čivell pes pral kova, hoy o Devel penas. Tou te kreh kova, hal tou bouder gar yek, hoy o Debleskro čačepen krella. Na-a, tou čiveh tout pral o čačepen.

Jakobo 5:13

Te hi yekes t'mendar i pharo tsiro, penell lo o Debleske, hoy leske phares hi! Te hi yek barhtelo, givell lo o Debleske gilya!

Jakobo 5:7

Mire phrala, dikenn ap o dives, kay vell maro ray Yezous pale, oun avenn gar khino an t'mare djia, yaake har i harho dikell ap ko dives, kay peskro kouč djob bares vas. Yob djinell, o brishin hounte vell oun krell i phoub sapeno, oun pal i tsiro hounte dell pale brishin, te vell o djob bares. O tselo tsiro vell o harho gar khino an peskro dji.

Jakobo 5:9

Mire phrala, ma rakrenn rhoyemen yek pral o vavareste, te lenn kek phagi o Deblestar! O Devel, kay rakrell o čačepen vin pral i menshende, hi kanna glan o voudar tardo.