Jakobo 4:9 - O Debleskro Lab 2024 (Sinte-Manouche)

⁹ Denn gole pral t'maro čilačo djipen! Rovenn koy pral! Ma san gar bouder! Avenn bibarhtelo oun bouder gar barhtelo!

O Debleskro Drom 2021 (Sinte)

⁹ Denn gole pral tumaro tchilatcho djipen! Rowenn koi pral! Ma san gar buder! Awenn bibachtelo un buder gar bachtelo!

Jakobo 4:9 Iomraidhean Croise

Nehemia 8:9

Oun i tsele menshe rovan, har shounan le kol laba, hoy an o Moseskro liil tardo his. Oun o Nehemia, kova his o moskro pral o foro Yerusalem, oun o rashay Esra, kova his o sikepaskro, oun kol Levitarya, kay i menshenge penan, hoy o Debleskro lab kamell te penell, kolla penan ap lauterende: “Kava dives hi i baro dives o baro Debleske, kay t'maro Devel hi. Doleske moukenn t'mare djia gar phares te vell! Oun ma rovenn!”

Hiob 30:31

Miri doryengri bashepaskri bashrell kokres ropaskre gilya. Oun o bashepen ap miri tikni phourdepaskri hi har o ropen pral yekeste, kay meras.

Debleskri gili 119:136

Rovau boud sva pral kolende, kay moukenn tiro drom.

Debleskri gili 119:67

Har djom tiro dromestar tele, dal tou man i phagi. Kanna rikrau tiro lab.

Debleskri gili 119:71

His mishto mange, te dal man i phagi, te shounap ap toute oun krau hoy tou mandar kameh.

Gosewe laba 14:13

Ninna te sal yek, nay rovell o dji. Oun pal o sapen vell o ropen.

Sikepaskro 2:2

Me hatsom vin, kay ninna o sapen dinlepen hi! Oun o gipen an tiro dji anell touke či.

Jeremia 31:13

I terne ča givenn oun khelenn, ava, i terne oun i phoure hi khetne barhtelo; lengro ropastar vell sapen. Lengre djia, kay rovan, krau pale zorelo oun barhtelo.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

Ropaskre gilja 5:15

Mare djia givenn bouder gar, maro khelepen hi kanna maro ropen.

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Ezekiel 7:16

Oun kolla, kay nay nashenn penge, djivenn ap i berge har darene taube mank i bare barra, oun rovenn pral pengri doosh.

Mateo 21:41

Penan le ap o Yezouseste: “Yob marell kol čilače morshen. Les khaytenn yon gar. Oun yob dell ko kotar them kol vavarende, kay leske i drake an o čačo tsiro dren anenna.”

Mateo 5:4

Barhtele hi kolla, kay kanna rovenna. O Devel lell lengri douk dran lengro dji.

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.

Louka 6:21

Barhtele han t'mer, kay kanna bokenna. T'mer venna čalo. Barhtele han t'mer, kay kanna rovenna. T'mer san pale.

Louka 6:25

Bibarht vell ap t'mende, kay kanna čalo han. T'mer bokenna. Bibarht vell ap t'mende, kay kanna sana. T'mer rovenna, oun denn gole.