Jakobo 4:2 - O Debleskro Lab 2024 (Sinte-Manouche)

² T'mer kamenn boud te lell, oun len či. Doleske nay marans i menshen. T'mer zilverenn ap i vavarende, oun t'mer nay lenn gar, hoy kamenna. Doleske čingrenn oun kourenn t'men. O Deblestar mangenn t'mer či. Doleske hi t'men či.

O Debleskro Drom 2021 (Sinte)

² Tumer kamenn bud te lell, un len tchi. Doleske nai marans i menshen. Tumer silwerenn ap i wawarende, un tumer nai lenn gar, hoi kamenna. Doleske tchingrenn un kurenn tumen. O Deblestar mangenn tumer tchi. Doleske hi tumen tchi.

Jakobo 4:2 Iomraidhean Croise

1. Rajengro liil 21:6

Kote penas yob ap late: “Me penom ap o Nabot dran Yesreel: De man tiro kotar phoub, kay tire drakengre rouka tardo hi. Me playsrau les touke, oder, te kameh, dau tout i vavar kotar phoub drakengre roukentsa. Yob penas mange: Me dau touke gar miro kotar phoub i drakengre roukentsa.”

Gosewe laba 1:19

Yaake djal hakeneske, kay kamell o vavareskro bravlepen te lell. Savo mensho lell peske kokres o djipen.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Jesaja 7:12

O Ahas penas: “Me kamau gar te mangap o baro Deblestar, te krell lo čomone, te sikrell lo, kay lo ap mari rig hi.”

Habakuk 2:5

O bravlepen rhorhell o menshes. O pre-phourdo mensho ačella gar, ninna te krell lo peskro mouy dour pre, har ko moulengro them, hoy vell gar čalo, ninna te lell lo yek them pal o vavar peske dren.

Johanni 16:24

Bis kanna mangan t'mer či an miro lab. Mangenn oun yob dell t'men, te vell t'mari barht yaake bari, bareder djal gar!

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.

Jakobo 5:6

Koles, kay his kek doosh ap leste, anan t'mer glan i čačepangre, te vell lo moulo dino. Kova kamas pes gar t'mentsa te čingrell.

1. Johanni 3:15

Djinenn, hakeno, kay krell peskro phraleske čilačepen, kova hi har yek, kay marell peskro phrales. Oun kova, kay marell peskro phrales, koles hi gar ko djipen an leste, hoy gar pre-herella.