Jakobo 3:9 - O Debleskro Lab 2024 (Sinte-Manouche)

⁹ I čipyah sharah mer o Debles, kay hi maro ray oun dad. Oun i čipyah praasah mer i menshen, kay o Devel kras yaake har yob hi.

O Debleskro Drom 2021 (Sinte)

⁹ I tchipjah sharah mer o Debles, kai hi maro rai un dad. Un i tchipjah praassah mer i menshen, kai o Dewel kras jaake har job hi.

Jakobo 3:9 Iomraidhean Croise

1. Mose 5:1

Kova hi ko liil, kay i laba činlo hi kol menshendar, kay van pal o Adam. Ap ko dives, har o Devel o menshes kras, kras les lo yaake har yob hi.

1. Mose 9:6

O Devel kras o menshes, yaake har yob hi. Doleske hounte vell kova moulo dino i menshestar, kay i menshes moulo das.

2. Samuel 16:5

Oun o baro ray David vas an o foro Bahourim. Koy vas i morsh dran ko foro vin. Kova his o Sauleskre menshendar. Yob kharas Shimi. Leskro dad his o Gera. O Shimi vas pash o Davideste oun praasas les,

2. Samuel 19:21

Me djinau, kay kova čilačo his. Doleske hom me o glanstouno, te djap pash toute, miro rayeste, i tsele menshendar dran o Yosefeskro kheer.”

1. Familjakro liil 29:10

oun sharas o baro Debles glan i tsele menshende, oun penas: Baro Devel, tou Devel maro dadestar Israel, mer sharah tout kanna oun hako tsiro.

1. Familjakro liil 29:20

Oun o David penas ap i tsele menshende, kay kote khetne his: “Sharenn t'maro baro Debles!” Koy sharan i tsele menshe o baro Debles, ko Debles lengre phourendar. Oun yon djan ap pengre čanga glan o baro Debleste oun glan o baro rayeste,

Debleskri gili 10:7

Yob koshell, rhorhell oun dell trad. Leskro rakepen anella douka oun bibarht.

Debleskri gili 108:1

I gili o Davidestar.

Debleskri gili 145:1

Kay gili kras o David te sharell lo o Debles. Me kamau tout te hadell, miro Debles. Tou hal o baro ray. Tout kamau me te sharell kanna oun hako tsiro.

Debleskri gili 145:21

Miro mouy te sharell o baro Debles! Lauter, hoy djivella, mou sharell koles, kay kokres o čačo Devel hi, – kanna oun hako tsiro!

Debleskri gili 16:9

Doleske hi miro dji barhtelo, oun halauter an mande stell i barhtyatar. Ava, me nay čivau man tele kek daryah.

Debleskri gili 30:12

Dran miro ropaskri gili kral tou mange i barhtyakro khelepen. Tou pandal mange ko gono tele, hoy miro ropaskro ripen his, oun čival barht har i ripen ap mande.

Debleskri gili 34:1

I gili o Davidestar, hoy yob givas, har yob pash o Abimelek kras, har te vals lo dinelo, oun kova les krik tradas.

Debleskri gili 35:28

Me kamau te rakrap pral tiro čačepen, oun sharau tout hako dives.

Debleskri gili 51:14

Mouk man te dikell, kay hal pash mande, te sal miro dji pale! De man i dji, hoy shounell ap toute!

Debleskri gili 57:8

Zorelo vas miro dji, miro Devel, zorelo vas miro dji. Me kamau touke te givell oun te bashrell.

Debleskri gili 59:12

Ma de len moulo, te bistrenn kova mire menshe gar! Trade len tiri zoryah, te nashenn le kate te kote! Stake len tele, tou, kay rikreh tiro vast pral mende.

Debleskri gili 62:4

Har rah djan t'mer lauter ap yek morsheste, te denn les moulo? Hom bouder či har i bango kheer, hoy kamell dren te phagell, oun koleskre barra bouder gar khetne rikrenna.

Debleskri gili 63:4

Tiro lačepen hi mange boudeder moldo har o djipen. Doleske sharau tout.

Debleskri gili 71:24

Hako dives penau doureder, har tou rikral pash mande. Oun kolla, kay kaman miri bibarht, hounte venn tikno oun ladjenn pen.

Sikepaskro 7:22

Tou djineh, boud kope čingral pral vavarende.

Jesaja 29:13

O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

Mateo 26:74

Koy čingras lo, das pes sovel, oun penas ap lende: “Me prindjrau kava morshes gar!” Oun sik koy pre das o bashno gole.

Mateo 5:44

Me penau t'menge: Avenn lačes kolenge, kay hi čilačo ap t'mende! Mangenn o Debles kolenge, kay lenn t'men palla!

Bičepangre 2:26

Doleske hom me barhtelo an o dji oun me givau. Ninna te merau, djinau:

Remarja 3:14

Yon hi pherdo koshepen oun praasepen.

1. Korintarja 11:7

I morsh hounte čivell kek stadi ap peskro shero. Yob vas kerdo pal o Debleste. Oun o Devel sharell pes leha. Yaake sharell pes o rom peskri romyah.

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.

Jakobo 3:10

Dran ko emligo mouy vella sharepen oun praasepen. Kova hi gar mishto, mire phrala!

1. Petro 1:3

Mer sharah o Debles, ko dades maro rayestar, o Yezous Kristestar. O Devel kamas men yaake boud, te vas yob maro dad oun das men o nevo djipen. Oun an mare djia djinah zoreles, yaake har yob o Yezous Kristes i moulendar djido kras,

Čačepangre 9:27

Oun yon djan vin an i drakengre themma oun anan i drake dren, oun anan len koy, kay le mool lendar krenn. Palle van le barhteles khetne oun djan an pengro debleskro kheer oun rhan oun piyan, oun praasan o Abimelekes.