Jakobo 3:6 - O Debleskro Lab 2024 (Sinte-Manouche)

⁶ I čip hi har i yag. Lat hi i zoor, te krell li boud čilačo koova. I čip nay krell o tselo menshes djoungeles oun čilačes. Koy yag, hoy i čip krell, rhačrell o tselo djipen, oun vell o bengestar.

O Debleskro Drom 2021 (Sinte)

⁶ I tchip hi har i jag. Lat hi i soor, te krell li bud tchilatcho koowa. I tchip nai krell o tselo menshes djungeles un tchilatches. Koi jag, hoi i tchip krell, chatchrell o tselo djipen, un well o bengestar.

Jakobo 3:6 Iomraidhean Croise

2. Samuel 16:20

Oun o Absalom penas ap o Ahitofel: “Pen mange, hoy me krap!”

2. Samuel 19:43

Koy penan kol tsele morsha dran o them Youda ap kolende dran Israel: “O baro ray hi yek mare menshendar. Hoske han t'mer koy pral rhoyedo? Mer rham an kek tsiro o baro rayeskro rhapen. Oun yob vas menge gar lačeder har t'menge?”

2. Familjakro liil 13:17

Yaake vas, kay o Abiya oun leskre lourde kol vavaren zoreles dan. Lendar ačan 500.000 (panč-sheel-zerya) vi-rodede lourde moules čiddo.

Debleskri gili 140:3

Kolen hi čilačepen an o dji, oun krenn čingepen hako dives.

Debleskri gili 64:3

Kol čilače venn khetne oun rakrenn, har yon nay krenn mange čilačepen. Khate man, miro Devel, glan lengri rholi!

Gosewe laba 15:1

I kamlo lab krell te djal o vavareskri rholi pale. I lab, hoy o vavares doukrell, krell les rhoyedo.

Gosewe laba 16:27

I čilačo mensho rodell i drom, har nay doukrell lo i vavaren. Hoy lo rakrell, rhačell har yag.

Gosewe laba 6:19

yek, kay čomone ap i vavareste pre anell, hoy gar čačo hi; yek, kay anell čingepen mank phralende.

Gosewe laba 7:5

Te hal gosevo, rikreh tout pale i vavareskri romyatar, ava, i vavar djouvyatar, kay shoukar laba rakrell.

Jesaja 30:27

Dikenn, o baro Devel vella foun doural. Leskri rholi hi baro, oun i pesso yagakro dourho vell dran leskro nak. Pherdi rholi hi leskro rakepen. oun leskri čip hi har i yag hoy lauter pre rhačrell.

Jesaja 50:11

T'mer lauter, kay i yag krenn, oun kashta činenn oun an-rhačenn, te denn čourye lentsa, nashenn an t'mari yag! Oun rhačrenn t'men kokres kol kashtentsa, hoy an-rhačan! Kava hi, hoy ap t'mende vell dran o vast o baro Deblestar: An phare douka venn t'mer koy čiddo.

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 28:16

Doleske penell o baro Devel: Tiro rakepah anal i menshen o Debleskro dromestar krik. Doleske lau tout krik i phoubyatar. Kava bersh mereh tou.”

4. Mose 25:2

Kolla kaman, te venn i Israelitarya lentsa, te anenn yon firhen pengre deblenge. Oun i Israelitarya van lentsa oun rhan ko massestar oun mangan kolengre deblen an.

4. Mose 31:16

Ma bistrenn, te his kol djouvya, kay kran, hoy o Bileam lenge penas, oun tserdan i Israelitaryen o baro Deblestar krik, yaake te nashan le o rhorheno debles Baal-Peor palla. Doleske vas ko baro nasslepen ap o Debleskre menshende.

Mateo 12:24

Har i Farisarya kova shounan, penan le: “O pralstouno beng das les i zoor. Dran kova nay tradell yob i bengen vin.”

Mateo 5:22

Me penau t'menge: Koon ap peskro phraleste rhoyedo hi, kova hounte vell glan o čačepaskro anlo. Oun koon peskro phrales praasella, kova hounte vell glan i pralstoune čačepangre anlo. Oun koon penella: Dja touke pash o bengeste! kova vella an o bengeskri yag vitsedo.

Markus 7:15

Či, hoy an o mensheskro mouy dren vella, krell les pale-čiddo. Kova, hoy dran leskro dji vin vella, kova krell les pale-čiddo.

Louka 16:24

Koy das ko bravelo gole: Tata Abraham, kre tiro dji mange pre, oun biče o Lazares pash mande! Yob hounte čivell peskro goushto an o pani, oun čivell kova ap miri čip, te doukrell man kay yag gar!

Bičepangre 20:30

Ninna dran t'mende venn morsha, kay penenn i patslenge rhorhene laba, hoy gar o Deblestar vella. Oun yon tserdenn i patslen ap pengri rig.

Bičepangre 5:3

O Petro penas ap o Ananias: “Hoske kral tou o bengeske tiro dji pre? Hoske rhorhral tou o Debleskro Dourhes, oun rikral love touke?

Bičepangre 6:13

Kolla, kay rhorhepen ap leste pre anan, kolla penan: “Kava morsh moukell gar tele te rakrell lo djoungele laba pral o Debleskro baro kheer oun pral o Moseskre laba.

5. Mose 13:6

Oun ko rakepaskro, ninna kova, koles kol sounya hi, yob hounte vell maredo. Yob kamas t'men t'maro baro Deblestar krik te anell, kolestar, kay anas t'men vin dran o them Egiptia oun las t'men vin dran o pandepen. Ko mensho kamas te djan t'mer tele o dromestar, hoy t'maro baro Devel penas, te hounte djan ap leste. Oun t'mer hounte vitsrenn vin o čilačepen, hoy mashkral t'mende hi.

Tito 1:11

Tou pandess lengro mouy! Yon sikrenn i menshende i drom, hoy gar čačo hi. Kova krenn le, te vell len boudeder love. Yaake djinenn tsele familye bouder gar, hoy te patsenna.

Jakobo 2:7

Oun pral koleste, koon t'maro ray hi, rakrenn le djoungeles.

Jakobo 3:7

I menshe hi i raya pral i tsele divye firhende, ninna pral i čirkle, pral i bare sapa oun pral i bare mače. Oun kolla hounte krenn, hoy i menshe kamenna.

2. Petro 3:3

Me kamau, te djinenn t'mer, glan ko tsiro, kay o Yezous Kristo pale vella, venna menshe pash t'mende, kay san pral t'maro patsepen. Kolla djivenn yaake har yon kamenna,

3. Johanni 1:10

Te vau me pash t'mende, penau me leske, hoy yob lauter kras. Yob anell o rhorhepen pral mende pre. Oun kova hi leske gar doha. Yob lell gar i patsle phralen pre, kay venna pash leste. Oun kolla, kay kamenn len pash pende pre te lell, kolenge penell lo, te krenn le kova gar, oun vitsrell len dran i kangri vin.

Debleskro tsiro 12:9

Oun o baro lolo sap vas vin vitsedo. Yob hi ko phouro sap, hoy kharella ninna Beng oun Satan, ko rhorheno, kay tserdell i menshen ap i tseli phoub ap peskro drom. Yob vas tele vitsedo ap i phoub, oun leskre kourepangre leha.

Debleskro tsiro 18:23

I tsele momlia djan vin. Oun kek krella pale i momeli an. Tou shouneh bouder kek pirno peskri pirnyah khelell oun givell. I bikepangren oun i parepangren an ko foro his boud penepaske ap kay phoub. Oun ko bengeskro koova, hoy kran le an o foro, anas i menshen an i tsele themma ap o bengeskro drom.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.