Jakobo 2:5 - O Debleskro Lab 2024 (Sinte-Manouche)

⁵ Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

O Debleskro Drom 2021 (Sinte)

⁵ Shunenn, mire kamle phrala! O Dewel rodas kolen win, kai hi tchorwelo ap kai phub, te wenn le brawelo an o patsepen. Ko tsiro wella, kai djiwenn le leha khetne an o bolepen un lenn leskro brawlepen. Kowa lenna kolla, kai kamenn les o djijestar. Jaake penas les o Dewel.

Jakobo 2:5 Iomraidhean Croise

1. Rajengro liil 22:28

Kote penas o Mika: “Te veh tou sasto pale pale, palle rakras o baro Devel gar dran miro mouy.” Oun palle penas lo: “Shounenn kova, t'mer menshe an i tsele themma!”

Hiob 34:10

Doleske, t'mer morsha, kay yaake boud hayvenn, shounenn ap mande! An kek tsiro krell o zorelo Devel i čilačo koova. Hako tsiro hi lo an o čačepen tardo!

Hiob 34:19

Yob dikell gar i pralstounes feteder an har i vavares, oun tserdell o braveles gar o čorveleske glan. Leskro vast kras len halauter.

Hiob 38:14

Te djal o kham pre, venn i berge oun tale mishto diklo. Oun i phoub hi tardo shoukar an-rido.

2. Mose 20:6

Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har i seri familye yek pal i vavar djivenn.

Gosewe laba 13:7

Kote hi yek, kay krell, har te vals lo bravelo. Oun les hi či. Oun kote hi yek, kay krell, har te vals lo čorvelo. Oun les hi boud bravlepen.

Gosewe laba 7:24

Doleske, mire čave, shounenn ap mire laba! Denn yak ap miro rakepen!

Gosewe laba 8:32

Doleske, mire čave, shounenn ap mande! Barhtele hi kolla, kay ap miro drom djana!

Jesaja 14:32

Hoy hounte penas kolenge, kay i Filistarendar bičedo van? Penenn lenge: O baro Devel čivas o foro Sion zoreles pre. Oun kate nay khatrenn pen peskre čorvele menshe kek daryah.

Jesaja 29:19

Oun o baro Devel krell kolen pale barhtelo, kay van tele rikedo. Oun i čorvele givenn i barhtyatar pral o Israeleskro Debleste.

Zefanja 3:12

Kokres čorvele menshen, oun saven, kay rikrenn gar boud pendar, moukau djido an tiro them. Kolla patsenn pengro tselo djiyeha ap o baro Debleste.

Zakarie 11:11

Oun koy sovel vas phagedo ap kava dives. Kol parepangre, kay i bakre bikran oun ginan, dikan, hoy krom, oun hayvan, o baro Devel rakras dran kova, hoy krom.

Zakarie 11:7

Oun kol parepangre, kay ginan oun bikran i bakre, dan man koy boudi, te dap yak ap kol bakre, kay maredo venn. Oun me lom douy kashta: Ko yekes kharom lačepen oun ko vavar harmenatsyona. Oun me dom garda ap kol bakre.

Mateo 11:5

I korele dikenna pale oun i bange nashenna pale. I nassele, kay lengro mass ap lende tele merell, kolla venna sasto. Kolla, kay nay shounan gar, shounenna kanna. I moule venna djido. I čorvele shounenn o Debleskro lačo lab.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Mateo 5:3

Barhtele hi kolla, kay djinenna, kay hi le čorvelo glan o Debleste. Yon djivenna o Debleha khetne an o bolepen oun lenn leskro bravlepen.

Markus 7:14

Oun o Yezous das pale i menshen pash peste gole, oun penas ap lende: “Shounenn oun hayvenn mishto, hoy me t'menge penau!

Louka 12:21

O Yezous penas doureder: “Yaake djal koleske, kay anas peske boud bravlepen khetne, oun hi čorvelo glan o Debleste.”

Louka 12:32

Ma darenn! Kate han t'mer gar boud oun gar an-diklo. O Devel, kay hi t'maro dad an o bolepen, kova kamella, te lenn t'mer leskro bravlepen oun raylepen.

Louka 16:22

O dives vas, kay ko čorvelo meras. Oun i bolepangre anan les an o bolepen, te beshas lo pes pash o Abraham. I tsiro koy pre meras ninna ko bravelo, oun las i shoukar paskepen.

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.

Louka 22:29

Oun me kamau, te venn t'mer mantsa khetne raya, yaake har miro dad an o bolepen kamella, te vap o baro ray pral i menshende.

Louka 6:20

Oun o Yezous dikas ap peskre malende oun penas: Barhtele han t'mer čorvele! T'mer djivenna o Debleha khetne an o bolepen oun lenn leskro bravlepen.

Johanni 7:48

“Patsell yek i pralstunendar oun i Farisarendar ap leste? Na-a!

Bičepangre 7:2

Koy penas o Stefano: “T'mer phrala oun dada, shounenn! Maro baro oun raylo Devel moukas pes maro dadestar Abraham te dikell an o them Mesopotamia. Ap ko tsiro djivas o Abraham gomme gar an o foro Haran.

Remarja 8:17

Gar kokres leskre čave ham mer. Mer lah ninna lestar ko tselo lačepen, hoy les menge hi an o bolepen. Kova lah khetne o Yezous Kristeha. Te venn douka ap mende, yaake har van douka ap o Yezous Kristo, palle krell men o Devel ninna baro oun raylo leha.

1. Korintarja 2:9

An o Debleskro lab hi činlo: Ko lačo koova, hoy kek yak dikas, oun hoy kek kand shounas, oun hoy an kek mensheskro dji dren vas, kova lauter dell o Devel kolen, kay les o djiyestar kamenna.

2. Korintarja 4:15

Kova lauter, hoy lah ap mende, krah t'menge. Mer kamah, te vell o Debleskro kamlepen pash boud menshende prindjedo, te parkrenn pen boud oun boudeder pash leste, oun sharenn les.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

2. Tessalonikarja 1:5

Ap kova lauter dikenn t'mer, kay djal o Devel pal o čačepen ap ko dives, kay rakrell lo o čačepen vin pral i menshende. T'mer, kay lan leske boud pharo koova ap t'mende, lell lo pash peste. T'mer han leske moldo, te djivenn leha khetne an o bolepen.

1. Timoteo 6:18

Pen kol bravelenge ninna, te krenn le lačo koova! Lengro dji te vell baro i vavarenge, te denn le ninna i vavaren dran pengro bravlepen!

2. Timoteo 4:18

Ninna an ko tsiro, hoy vella, lell man o Devel dran o tselo čilačepen vin, oun lell man pash peste an o bolepen, kay yob o ray hi. Les sharas mer kanna oun hako tsiro. Amen!

2. Timoteo 4:8

Kova, hoy kanna glan mande hi, hi ko shoukar koova, hoy kolla lenna, kay kran, hoy o Devel kamella. Oun kova dell man maro ray Yezous. Yob hi ko čačepaskro ray, kay djal pal o čačepen. Ko shoukar koova dell lo man ap ko dives, kay yob o čačepen vi-rakrell pral i tsele menshende. Ko shoukar koova dell yob gar mande kokres. Yob dell kova lauterende, kay dikenn o tselo djiyestar ap ko dives, kay vell lo pale.

Hebrearja 11:26

O Mose kamas feteder, te lell lo ko praasepen ap peste, hoy ninna o Yezous Kristo ap peste las, har te lell lo o tselo bravlepen an o them Egiptia. Leske his o bravlepen an o bolepen boudeder moldo.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 1:16

Mire kamle phrala! Ma rhorhenn t'men kokres!

Jakobo 1:19

Mire kamle phrala, djinenn: Hako mensho hounte lell peske tsiro, te shounell lo. Yob te kamell te rakrell, palle hounte poučell lo pestar, te hi kova mishto, hoy yob kamell te penell. Oun yob hounte vell vitar gar sik rhoyedo.

Jakobo 1:9

I čorvelo patslo, kay pash i menshende či molella, kova nay sharell pes, kay yob pash o Debleste boud molella.

1. Petro 1:4

yaake lah mer ninna ko djipen, hoy bouder gar pre-herella. Ko shoukar koova, hoy lah an o bolepen, ačell hako tsiro. Kova vell gar čiklo oun phouro. Kava bravlepen hi t'menge,

2. Petro 1:11

Oun o Devel lell t'men lačes pash peste an o bolepen pre, kay hi maro ray, o Yezous Kristo, o ray hako tsiro, – yob, kay las men dran i tseli bibarht vin.

Debleskro tsiro 2:9

Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.

Debleskro tsiro 21:7

Kova, kay zoreles an o patsepen ačas, oun gar pre das, kova lell kava shoukar koova mandar. Me vau leskro Devel. Oun yob vell miro čavo.

Debleskro tsiro 3:18

Doleske penau t'menge: Ginenn mandar sonakay, savo sonakay, hoy an i yag thodo vas, yaake te venn t'mer čačepah bravelo. Ginenn mandar ninna parne ripya, oun rivenn kolla ap t'mende, te han bouder gar nango, oun hounte ladjenn t'men bouder gar. Oun ginenn kouč djet, oun makenn t'mare yaka, te nay dikenn pale!

Čačepangre 9:7

Har shounas o Yotam kova, djas lo pral pre ap i berga Garizim, oun das kotar tele ap lende gole, oun penas: Shounenn ap mande, morshale dran Sichem, te shounell ninna o Devel ap t'mende!

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.

1. Samuel 2:8

Koles, kay les či hi, hadell lo dran i čik, oun o čorveles hidjrell lo pre dran i yagakri čik, oun beshell les pash i pralstunende, oun krell les an-diklo. I tseli phoub hi o baro Debleske. Yob čivas lat zoreles tardo.