Jakobo 2:21 - O Debleskro Lab 2024 (Sinte-Manouche)

²¹ Ninna pash maro phouro dadeste, o Abrahameste, his kova yaake: Yob vas lačo oun čačo glan o Debleste, har yob kras, hoy o Devel lestar kamas: Yob čivas peskro čaves ap i pre-čidde barra, te marell lo les o Debleske.

O Debleskro Drom 2021 (Sinte)

²¹ Ninna pash maro phuro dadeste, o Abrahameste, his kowa jaake: Job was latcho un tchatcho glan o Debleste, har job kras, hoi o Dewel lestar kamas: Job tchiwas peskro tchawes ap i pre-tchidde barra, te marell lo les o Debleske.

Jakobo 2:21 Iomraidhean Croise

Debleskri gili 143:2

De man, tiro boudepaskres, kek phagi; glan toute hi kek mensho an o čačepen tardo.

Jesaja 51:2

ap o Abraham, t'maro phouro dad oun ap i Sara, t'mari phouri day! Len his kek čave, har dom o Abrahames gole. Oun me čivom miri barht oun zoor ap lende oun dom len boud čaven.

Mateo 12:37

Tou te penal i lačo oun čačo koova, leh tou kek phagi. Tou te penal kova, hoy gar lačo oun čačo hi, leh tou i phagi.

Mateo 3:9

Ma penenn: O Abraham hi maro dad! Me penau t'menge: O Devel nay krell dran kal barra o Abrahameskre čaven.

Louka 1:73

Glan maro dadeste, o Abrahameste, das yob pes sovel,

Louka 16:24

Koy das ko bravelo gole: Tata Abraham, kre tiro dji mange pre, oun biče o Lazares pash mande! Yob hounte čivell peskro goushto an o pani, oun čivell kova ap miri čip, te doukrell man kay yag gar!

Louka 16:30

Penas o bravelo: Na-a! Te vals yek i moulendar pash lende, palle moukans le pengro čilačo drom.

Johanni 8:39

Koy penan yon ap leste: “Maro dad hi o Abraham.” Penas o Yezous: “Te vans t'mer lestar, krans, hoy yob kras.

Johanni 8:53

Hal tou boudeder har maro dad Abraham, kay meras? Oun kol Debleskre rakepangre meran ninna. Hal tou feteder har yon?”

Bičepangre 7:2

Koy penas o Stefano: “T'mer phrala oun dada, shounenn! Maro baro oun raylo Devel moukas pes maro dadestar Abraham te dikell an o them Mesopotamia. Ap ko tsiro djivas o Abraham gomme gar an o foro Haran.

Remarja 3:20

Te kamell lo te krell, hoy o Devel an o Moseskre laba penell, hayvell lo ninna, te nay krell lo kova gar. Kol laba sikrenn les, te hi lo čilačo glan o Debleste.

Remarja 4:1

Kova hi yaake har pash maro phouro dadeste, o Abrahameste, kolestar i bibolde venna. Har vas lo čačo glan o Debleskre yaka?

Remarja 4:12

Yob hi ninna o dad kolendar, kay hi činlo ap o mass, te djivenn le an o patsepen yaake, har o Abraham djivas glan ko tsiro, kay yob ap o mass činlo vas.

Remarja 4:16

Doleske krell o Devel kolen čačo, kay ap leste patsenna. Leskro čačepen dell o Devel čičeske lauterenge, kay ap leste patsenna. Yaake ačell ko lab, hoy yob o Abrahameste das, lauterenge, kay venna pal o Abrahameste, i biboldenge har kolenge, kay djivenn dran o patsepen har o Abraham. Kova hi o dad mendar lauterendar.

Hebrearja 11:17

T'mer djinenna: An o phouro tsiro kamas o Devel te dikell, har baro o Abrahameskro patsepen hi. Oun o Devel penas ap leste, te marell yob peskro čaves har i bakro, hoy o Debleske maredo vella. Oun o Abraham shounas ap o Debleste, oun las peskro čaves, kay leske kokres boldo vas, te marell lo les glan o Debleste. Glan kava tsiro penas o Devel ap o Abrahameste: Tiro čavo, o Isaak, hi o dad kolendar, kay pal toute venna.

Jakobo 2:18

Kanna nay vell yek, kay penella: “Yekes hi patsepen oun i vavar krell lačo koova.” Koleske penau me: Sike mande o patsepen kolestar, kay krell kek lačo koova. Miro patsepen sikrau toute dran kova, hoy me krau.

Jakobo 2:24

T'mer dikenn kanna, o patsepen kokres hi gar doha. O mensho hounte krell ninna, hoy o Devel kamella, te vell lo čačo oun erligo glan leste.

Josua 24:3

Oun me lom t'maro dades Abraham dran ko them ap i vavar rig o panyestar Eufrat, oun anom les an o them Kanaan, oun moukom les kote trouyel te djal, oun moukom leskri familya bares te vell. Oun dom les o Isaak.