Jakobo 2:20 - O Debleskro Lab 2024 (Sinte-Manouche)

²⁰ Hoske hayveh tou kova gar? Dikeh tou gar, kay o patsepen ap o Debleste či molella, te kreh tou gar, hoy yob kamella?

O Debleskro Drom 2021 (Sinte)

²⁰ Hoske haiweh tu kowa gar? Dikeh tu gar, kai o patsepen ap o Debleste tchi molella, te kreh tu gar, hoi job kamella?

Jakobo 2:20 Iomraidhean Croise

Gosewe laba 12:11

Koon ap peskro kotar phoub boudrell, koleske vell boud maro. Koon savo koova pal nashell, hoy či moldo hi, kova hi narvelo.

Jeremia 2:5

Kova penell o baro Devel: Havo djoungelo koova hatsan t'mare phoure ap mande, kay djan yon mandar krik, oun mangan figuren an, kay kek devel hi. Oun yaake djan le tele.

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

Remarja 3:28

Yaake djinah, o mensho vell čačo glan o Debleste, te patsell lo ap o Yezous Kristeste, oun gar, te djivell lo pal kol laba, hoy penenn, har te djivas mer.

Remarja 9:20

Palle penau touke: Tou hal i mensho. Tou nay peneh gar ap o Debleste: Hoy kreh tou kote? Yob kras tout. Tou nay peneh gar ap leste: Hoske kral man tou yaake?

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

Galatarja 6:3

Koon patsella, kay yob feteder hi har ko vavar, oun hi kova gar, kova rhorhell pes kokres.

Kolossarja 2:8

Denn yak, te shounenn ap kekeste, kay kamell te taprell t'men shoukar labentsa, hoy venna dran i menshengro gosvepen. Kova hi rhorhepen oun či moldo! Kol laba hi menshengro rakepen, hoy i phoure ap i čavende doureder penan oun vella i phoubyatar, oun gar o Yezous Kristestar.

1. Timoteo 1:6

Kol menshe, kay penenn vavar koova, moukan o Debleskro drom, oun rikrenn pen kanna ap kolla laba, hoy či molenna.

Tito 1:10

Koy hi boud menshe, kay shounenn gar ap o Debleste, oun rakrenna dinelo koova, oun anenn i menshen o čačo dromestar tele. Boud lendar djivenn pal i biboldengro čačepen oun penenn: I morsha hounte venn činlo ap o mass.

Jakobo 1:26

Te penell i mensho: “Me djivau pal o Debleskro lab,” oun yob rikrell peskro mouy nay gar, kova rhorhell pes kokres. Oun kova, hoy yob o Debleske krella, hi či moldo.

Jakobo 2:17

Čačepah, te krenn t'mer kek lačo koova, hi t'maro patsepen moulo.

Jakobo 2:26

Yaake har o mensho moulo hi, te hi les kek dourho, yaake hi maro patsepen moulo, te krah kek lačo koova.