Jakobo 2:13 - O Debleskro Lab 2024 (Sinte-Manouche)

¹³ Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.

O Debleskro Drom 2021 (Sinte)

¹³ Ma bistrenn! Well jek diwes, kai rakrell o Dewel o tchatchepen win pral tumende. Te hi jekes kek dji i wawareske, koleske hi o Debles witar kek dji. Kones hi i dji i wawarenge, koles hunte well kek daar ap ko diwes, kai rakrell o Dewel o tchatchepen pral i menshende win.

Jakobo 2:13 Iomraidhean Croise

1. Mose 42:21

Oun yek penas ap o vavareste: “Čačepah, kanna lah koy phagi, hoy mer maro phraleske kram. Mer dikam leskri daar, hoy les his, har yob men mangas, te moukas les te djivell. Oun mer shounam gar ap leste. Dran kova vell koy bibarht pral mende.”

2. Familjakro liil 28:11

Shounenn kanna ap mande! Kal pandle hi t'mare phrala oun phenya. Moukenn len pale khere te djal! Djinenn, kanna hi o baro Debles ap t'mende i bari zoreli rholi.”

Debleskri gili 18:25

Miro čačepen his glan leskre yaka. Oun kek doosh his ap mande. Doleske kras o baro Devel mange lačepen.

Debleskri gili 85:10

Čačepah, yob hi ap kolengri rig, kay leha djivenna oun ap leste shounenna. Oun leskro raylepen ačell an maro them.

Gosewe laba 21:13

Kova, kay yaake krell, har te shounell lo gar koy gole ko čorvelestar, leske djala yaake, kay dell yob ninna gole oun kek shounell les.

Gosewe laba 22:16

Kova, kay rikrell i čorveles tele, te vell yob kokres bravleder, ninna kova, kay dell i braveles čomone, kova krell, te vell lo kokres čorvelo.

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jeremia 9:24

Shounenn, penell o baro Devel, ko tsiro vell, kay dau hakenes i phagi, kay činlo hi ap peskro mass, oun djivell, har te vals lo gar činlo:

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Mateo 5:7

Barhtele hi kolla, kay hi len i baro dji i vavar menshenge. O Debles hi i baro dji lenge.

Mateo 6:15

T'mer te bistrenn gar o čilačo koova, hoy i vavar ap t'mende kran, palle bistrell t'maro dad an o bolepen vitar gar o čilačepen, hoy t'mer kran.

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.

Louka 6:37

Ma sikrenn ap o vavareskri doosh! Oun o Devel dikell gar ap t'mari doosh. Ma penenn: Kova hounte lell i phagi! Oun o Devel dell t'men kek phagi. Bistrenn ko čilačepen, hoy i vavar menshe ap t'mende kran. Oun o Devel bistrell ko čilačepen, hoy t'mer kran.

Jakobo 3:17

Ko gosvepen, hoy o Deblestar vella, hi vavarčandes. I mensho, kay hi les kava gosvepen, kova djivell i djoudjo djipen. Yob kamell te djivell lo lačes i vavarentsa khetne. Yob hi kamlo oun lačo. Les hi i dji i vavarenge, oun krell boud lačo koova. Yob moukell pes gar ap yekeskri rig te tserdell. Les hi gar douy čipya.

Jakobo 5:4

Shounenn! T'mer rhorhran t'mare boudepangren, kay boudran ap t'maro them, oun dan len kek love. Kolla denn gole ap o bolepen. Lengri gole shounell o Devel, ko ray pral o bolepen oun i phoub.

Čačepangre 1:7

Koy penas o Adoni-Besek: “Efta-deesh bare rayenge moukom i pesse goushte lengre vastendar tele te dell oun ninna i bare goushte lengre pirendar. Oun yon hounte rhan, hoy miri rhapaskri tele peras. Oun yaake har me les lentsa krom, yaake das les man o Devel pale.” Oun yon anan les an o foro Yerusalem. Oun kote meras lo.

Čačepangre 5:27

Mashkral lakre herya phagas lo khetne, peras lo tele, oun koy his lo čiddo. Khetne phagas lo, tele peras lo, moulo hi lo.