Jakobo 1:26 - O Debleskro Lab 2024 (Sinte-Manouche)

²⁶ Te penell i mensho: “Me djivau pal o Debleskro lab,” oun yob rikrell peskro mouy nay gar, kova rhorhell pes kokres. Oun kova, hoy yob o Debleske krella, hi či moldo.

O Debleskro Drom 2021 (Sinte)

²⁶ Te penell i mensho: “Me djiwau pal o Debleskro lab,” un job rikrell peskro mui nai gar, kowa chochell pes kokres. Un kowa, hoi job o Debleske krella, hi tchi moldo.

Jakobo 1:26 Iomraidhean Croise

Hiob 15:13

Ap o Debleste hal rhoyedo. Doleske vell savo rakepen dran tiro mouy.

Hiob 30:11

O Devel phagas miri zoor, oun kras man tiknes. Doleske krenn le mantsa, hoy le kamenn.

Debleskri gili 141:3

Baro Devel, de yak ap miro mouy, de garda ap miri čip.

Debleskri gili 32:9

“Ma avenn dinele har i graya, oun i maultikre bourike! Lenge hounte čivess i shello trouyel oun i saster an o mouy, te nay aness len kote, kay kameh.”

Debleskri gili 34:13

Kamenn t'mer te djivenn i shoukar oun rah djipen?

Gosewe laba 10:19

Koon boud laba krell, anell ninna doosh ap peste. Koon peskro mouy rikrell, hi gosevo.

Gosewe laba 10:31

Dran o mouy kolestar, kay an o čačepen tardo hi, venn goseve laba. I rhorheni čip vell tele činlo.

Gosewe laba 14:12

Hi menshe koy, kay patsenn, kay lengro drom o čačo drom hi, oun djinenn gar, kay anell lo len an o merepen.

Gosewe laba 15:2

O gosevo rakrell yaake, te hayvenn i vavar, hoy mishto hi. Dran o narveleskro mouy vell či har dinlepen.

Gosewe laba 16:10

Te rakrell i baro ray, hoy o Devel leske an o mouy čivell, palle rakrell lo o čačepen vin pral i mensheste yaake har čačo hi.

Gosewe laba 16:25

Kote dell i drom, kova i morsheske čačes vin dikell, pal i tsiro anell lo les an o merepen.

Gosewe laba 19:1

Hi feteder te hal an o čačepen tardo oun djiveh an čorvlepen, har te vess i dinelo, kay rakrell rhorhepen.

Gosewe laba 21:26

O tselo dives djal lenge kova an o shero trouyel, hoy kamenn le te lell. Kova, kay an o čačepen tardo hi, kova dell oun rikrell gar pale.

Jesaja 1:13

Ma anenn bouder kek rhapen rhačepaske! Kova hi čičeske. Ma rhačrenn mange bouder kek soungepaskro koova! Man hi o nak doha. T'mer venn mange khetne ap o nevo čon, ap o Debleskro dives oun ap vavar bare divessa. Kova hi mange gar mishto, yaake rah har moukenn t'mer gar t'maro djoungelo koova.

Jesaja 44:20

Kova hi yaake, har te mangals lo i yagakri čik an. Leskro dinelo dji anas les an o rhorhepen. Kote hatsell lo kek drom vin, te penals lo peske: “Rikrau me man gar ap o rhorhepen?”

Maleachi 3:14

T'mer penenn: Dineles hi, te das maro djipen an o Debleskro vast. Hoy anell menge kanna, te rikrah leskre laba, oun mangah men tele glan o baro Debleste, ko rayeste pral o bolepen oun i phoub?

Mateo 15:9

Yon te mangenn man an, hi kova mange či moldo! Yon penenn i menshenge i menshengre laba oun gar mire laba.

Markus 7:7

Yon te mangenn man an, hi kova mange či moldo. Yon penenn i menshenge menshengre laba oun gar miro lab.

Louka 8:18

Denn yak, te shounenn t'mer ap o Debleskro lab! Koon o Debleskro lab an o dji rikrella, kova hayvell les boud oun boudeder. Koon o Debleskro lab gar an o dji rikrella, koleske vell ninna kova krik lino, hoy yob patsell, te hi les.”

1. Korintarja 15:15

Palle nay penans le mendar, te ham mer rhorhene. Mer penam, kay kras o Devel o Yezous Kristes i moulendar djido. Te vals kova gar čačo, te krell o Devel i moulen djido, palle nashte kras yob o Yezous Kristes vitar gar djido.

1. Korintarja 15:2

Te rikrenn t'men ap o lačo lab o Yezousestar, yaake har me les t'menge penom, djan t'mer gar nashedo. Te vals kova vavarčandes, vals t'maro patsepen čičeske.

1. Korintarja 3:18

Ma rhorhenn t'men kokres! Koon patsella, te hi lo gosevo ap kay phoub, kova hounte dikell dren, te molella leskro gosvepen či.

Galatarja 2:6

Kol phrala, kay hi pralstoune mank i patslende, kolla penan gar, kay kova, hoy me i menshenge penau, gar čačo hi. Te rakrau kol pralstunendar, hi mange yek, hoy yon his. O Devel dikell gar ap kova, har i mensho an-diklo hi.

Galatarja 2:9

Kol pralstoune mank i patslende his o Yakobo, oun o Kefas, oun o Yohanni. Har yon hayvan, kay o Devel mange lačo hi oun man koy boudi das, dan yon man oun o Barnabas o čačo vast, te dikenn halauter, kay ham mer phrala. Mer kram vin, te djas mer pash kolende, kay kek bibolde hi, oun yon te djan pash i biboldende.

Galatarja 3:4

T'mer djan ap o Yezouseskro drom. Oun doleske kran i menshe t'menge o djipen phares. His kova lauter čičeske?

Galatarja 6:3

Koon patsella, kay yob feteder hi har ko vavar, oun hi kova gar, kova rhorhell pes kokres.

Efesarja 4:29

Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

Efesarja 5:4

Hi vitar gar čačo o Debleskre čavenge, te rakrenn le djoungele laba, dinelo koova, oun sapaskro koova, hoy či moldo hi! T'mare labentsa sharenn o Debles, oun parkrenn t'men pash leste! Kova krenn oun gar ko vavar!

5. Mose 11:16

Denn t'men yak, te moukenn t'men gar krik te anell o baro Debleskro dromestar, oun perenn lestar tele oun mangenn vavar deblen an, oun vitsrenn t'men glan lende tele.

Kolossarja 4:6

Rakrenn lentsa kamles, oun trashenn gar, te penenn o čačepen! Yek te poučell t'mendar čomone pral t'maro patsepen, palle rakrenn leha yaake, har kova koleske mishto hi.

Jakobo 1:19

Mire kamle phrala, djinenn: Hako mensho hounte lell peske tsiro, te shounell lo. Yob te kamell te rakrell, palle hounte poučell lo pestar, te hi kova mishto, hoy yob kamell te penell. Oun yob hounte vell vitar gar sik rhoyedo.

Jakobo 1:22

Hi gar doha, te shounenn leskro lab. T'mer hounte krenn, hoy ko lab penella. T'mer te krenn kova gar, palle rhorhenn t'men kokres.

Jakobo 2:20

Hoske hayveh tou kova gar? Dikeh tou gar, kay o patsepen ap o Debleste či molella, te kreh tou gar, hoy yob kamella?

1. Petro 3:10

An o Debleskro lab hi činlo: Koon kamell i lačo djipen oun barhtele divessa te dikell, kova dell garda ap peskri čip. Kek rhorhepen, kek čilačepen hounte vell dran leskro mouy!