Jakobo 1:21 - O Debleskro Lab 2024 (Sinte-Manouche)

²¹ Doleske moukenn hako djounglepen oun čilačepen! Oun patsenn ko lab, hoy o Devel an t'mende čivas! Krenn kova i lačo djiyeha! An o Debleskro lab hi koy zoor, te lell lo t'men dran o čilačepen oun o merepen vin.

O Debleskro Drom 2021 (Sinte)

²¹ Doleske mukenn hako djunglepen un tchilatchepen! Un patsenn ko lab, hoi o Dewel an tumende tchiwas! Krenn kowa i latcho djijeha! An o Debleskro lab hi koi soor, te lell lo tumen dran o tchilatchepen un o merepen win.

Jakobo 1:21 Iomraidhean Croise

Debleskri gili 25:9

Kolen, kay tele rikedo hi, anell lo ap o čačo drom, oun sikrell lende, hoy lo lendar kamella.

Jesaja 2:20

Oun kol roupene oun sonakangre figure, hoy i menshe pen kran, te mangenn le len an, kolen vitsrenn le i kermusenge oun i fledertikre kermusenge koy.

Jesaja 29:19

Oun o baro Devel krell kolen pale barhtelo, kay van tele rikedo. Oun i čorvele givenn i barhtyatar pral o Israeleskro Debleste.

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Ezekiel 18:31

Moukenn t'mare čilače dromma! Oun lenn t'menge i nevo dji oun i nevo dourho! Hoske kamenn t'mer te merell, t'mer dran o kheer Israel?

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

Zefanja 2:3

T'mer vavar, kay kran t'men gar bares oun rikrenn o Debleskro čačepen, t'menge penau: Rodenn o baro Debles! Krenn, hoy glan leste čačo hi! Rikrenn t'men gar baro! Nay vell, te rikrell lo peskro vast pral t'mende, ap ko dives, kay leskri rholi pral i menshende vell.

Mateo 5:5

Barhtele hi kolla, kay kek čingepen krenna. O Devel dell len i tseli phoub.

Johanni 6:63

O Debleskro Dourho hi kova, kay dell o djipen. O mensheskri zoor nay krell kova gar. Mire laba, hoy me t'menge penom, van dran o Debleskro Dourho. Doleske anenn le t'menge ko djipen.

Johanni 6:68

“Ray, pash koneste djas mer?” penas o Simon Petro. “Tout hi laba, kay denn men o djipen, hoy gar pre-herella.

Bičepangre 10:33

Oun me bičrom morshen pash toute. Oun kova his mishto, kay tou val. Kanna ham mer lauter glan o Debleste khetne, te shounas lauter, hoy o Devel, maro ray, touke penas.”

Bičepangre 13:26

Mire phrala, t'mer, kay han o Abrahameskre menshe, oun t'mer vavar, kay mangenn o Debles an, t'menge penau: O Devel bičras t'menge peskro lačo lab, hoy dell t'men o djipen, hoy gar pre-herella.

Remarja 1:16

Me ladjau gar glan i menshende, te penap lenge o lačo lab o Yezous Kristestar. An kava lab hi o Debleskri zoor. Oun o Debleskri zoor lell kolen dran o čilačepen oun o merepen vin, kay ap ko lab patsenna, – i bibolden oun kolen, kay kek bibolde hi.

Remarja 11:17

I bibolde hi har i lačo djeteskro rouk. Ko lačo djeteskro roukestar van kashta tele činlo. T'mer han har i kasht o divyo roukestar. Oun t'mer van ap ko djeteskro rouk dren čiddo, oun djivenn lestar, oun lenn i zoor lestar.

Remarja 6:17

Me sharau o Debles. T'mer hans pandlo ap o čilačepen, oun kanna shounenn t'mer o tselo djiyeha ap o lačo lab, hoy mer t'menge o Yezous Kristestar penam.

1. Korintarja 15:2

Te rikrenn t'men ap o lačo lab o Yezousestar, yaake har me les t'menge penom, djan t'mer gar nashedo. Te vals kova vavarčandes, vals t'maro patsepen čičeske.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Efesarja 1:13

T'mer ninna shounan o čačepen. Oun t'men vas ko drom siklo, hoy anas t'men pash o Debleste. Ko drom hi o Yezous Kristo. Har t'mer ap leste patslo van, das lo t'men o Debleskro Dourho an t'mare djia. Glan i rah tsiro penas o Devel, te dell lo les peskre čavende. Yaake sikrell lo, koon leskre čave hi.

Efesarja 4:22

Ma djivenn bouder gar t'maro phouro djipen! An t'maro phouro djipen vas o čilačo koova baro an t'mare djia, oun t'mer kran, hoy t'menge gar mishto hi. Savo koova krell t'maro djipen paash.

Efesarja 4:25

Ma rhorhenn bouder! Mer ham lauter phrala oun phenya. Doleske rakrenn o čačepen yek o vavareha!

Efesarja 5:4

Hi vitar gar čačo o Debleskre čavenge, te rakrenn le djoungele laba, dinelo koova, oun sapaskro koova, hoy či moldo hi! T'mare labentsa sharenn o Debles, oun parkrenn t'men pash leste! Kova krenn oun gar ko vavar!

1. Tessalonikarja 1:5

Har vam pash t'mende, oun penam t'menge o Debleskro lačo lab, koy penam gar leskro lab kokres, na-a, koy dikan t'mer ninna o Debleskri zoor an halauter, hoy yob mashkral t'mende kras. Oun o Debleskro Dourho rakras ap t'mende, oun t'mer hayvan, leskro lab hi čačo. Ninna djinenn t'mer, har djivam maro djipen pash t'mende, oun sikram t'men o Debleskro drom.

1. Tessalonikarja 2:13

Doleske moukah gar tele, te parkras men pash o Debleste, te patsan t'mer o Debleskro lab, hoy t'menge penam. Oun t'mer hayvan, ko lab vell čačepah o Deblestar oun gar i menshendar. Oun t'maro djipen sikrella, te patsenn t'mer ap ko lab.

Tito 2:11

Yaake sikras o Devel, har baro peskro lačepen i tsele menshenge hi. Yob kras i drom, te lell lo len dran o čilačepen oun o merepen vin.

Hebrearja 12:1

Kanna dikah, boud boud menshe patsan, te hi kova čačo, hoy o Devel penas. Mer ham gar kokres, kay patsah. Doleske hounte kras har yon kran, oun moukas gar tele te nashas ap o Debleskro drom, hoy glan mende hi. Te čivas lauter tele, hoy kamell men pale te rikrell! Ninna hounte čivas o čilačepen tele, hoy kamell men te taprell.

Hebrearja 2:3

Mer te djah gar ap o nevo drom, kay lah o djipen, hoy gar pre-herella, palle vella o Debleskri rholi pral mende. Kava nevo drom sikras men maro ray Yezous. Oun leskre laba hi o čačepen. Kolla, kay les shounan, penan les menge.

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

Jakobo 5:20

palle las kava les dran o merepen vin, te djal yob gar nashedo. Oun leskri boud doosh hi lestar krik lino.

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

1. Petro 2:1

Doleske moukenn hako čilačo koova! Ma rhorhenn! Ma rakrenn douy čipyentsa! Ma zilverenn! Rakrenn kek djoungelo koova pral kekeste!

1. Petro 2:11

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!