Jakobo 1:2 - O Debleskro Lab 2024 (Sinte-Manouche)

² Mire phrala, te vell pharo koova ap t'mende, palle dikenn koy pre, har te vell kova i barht t'menge.

O Debleskro Drom 2021 (Sinte)

² Mire phrala, te well pharo koowa ap tumende, palle dikenn koi pre, har te well kowa i bacht tumenge.

Jakobo 1:2 Iomraidhean Croise

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

Remarja 5:3

Kova hi gar lauter. Ninna ham barhtelo pral i douka, hoy hounte las mer ap mende. Mer djinah, kol douka krenna, te dikas ap o Debleste.

Filiparja 1:29

O Devel hi t'menge lačo, oun das t'men o patsepen ap o Yezous Kristeste, oun gar o patsepen kokres. Na-a, dran o patsepen ap leste, hounte lenn t'mer ninna douka ap t'mende.

Filiparja 2:17

Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.

Filiparja 2:18

Avenn t'mer ninna barhtelo koy pral! Ava, avenn barhtelo mantsa!

Kolossarja 1:24

Oun kanna hom barhtelo an kol douka, hoy anom t'menge ap mande. Yaake har o Yezous Kristo anas douka ap peste i patslenge, yaake hounte anap me ninna douka ap mande i patslenge.

Hebrearja 10:34

T'mer rovan kolentsa, kay an o stilepen hi. Kolla, kay gar patslo his, lan t'mendar kova krik, hoy t'maro his. Oun i barhtelo djiyeha moukan t'mer len kova te krell. T'mer djinan, kay hi t'men i feteder bravlepen an o bolepen, hoy kek nay lell t'mendar.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 1:16

Mire kamle phrala! Ma rhorhenn t'men kokres!

Jakobo 1:19

Mire kamle phrala, djinenn: Hako mensho hounte lell peske tsiro, te shounell lo. Yob te kamell te rakrell, palle hounte poučell lo pestar, te hi kova mishto, hoy yob kamell te penell. Oun yob hounte vell vitar gar sik rhoyedo.

Jakobo 5:11

Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.

2. Petro 2:9

O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.

Debleskro tsiro 2:10

Ma darenn kol douka, hoy ap t'mende venna! O beng moukell menshen t'mendar an o stilepen te vitsrell, te vell diklo, har zorelo t'maro patsepen ap mande hi. Oun t'mer venn deesh divessa palla lino. Ačenn zoreles an t'maro patsepen ap mande, ninna te marenn le t'men! Palle dau t'men o djipen, hoy ačella. Yaake baro hi t'maro playsepen!