Jakobo 1:19 - O Debleskro Lab 2024 (Sinte-Manouche)

¹⁹ Mire kamle phrala, djinenn: Hako mensho hounte lell peske tsiro, te shounell lo. Yob te kamell te rakrell, palle hounte poučell lo pestar, te hi kova mishto, hoy yob kamell te penell. Oun yob hounte vell vitar gar sik rhoyedo.

O Debleskro Drom 2021 (Sinte)

¹⁹ Mire kamle phrala, djinenn: Hako mensho hunte lell peske tsiro, te shunell lo. Job te kamell te rakrell, palle hunte putchell lo pestar, te hi kowa mishto, hoi job kamell te penell. Un job hunte well witar gar sik chojedo.

Jakobo 1:19 Iomraidhean Croise

Nehemia 8:18

Hako dives draveras o Esra dran o liil glan, kay o Debleskro drom siklo vell, o tselo tsiro, kay yon kol bare divessa rikran. Oun kol bare divessa djan efta divessa. Oun ap o orhtato dives van le lauter yaake khetne, har činlo his an i čačepaskre laba.

Nehemia 9:17

Oun yon kaman gar te krell, hoy tou lenge penal, oun bistran ko tselo baro koova, hoy tou lenge kral, hoy kek vavar nay krella. Yon kran pengre djia pandlo har bar. Oun rodan yekes vin, te vell lo lengro ray, oun anell len pale an o them Egiptia, an pengro pandepen. Tou hal i Devel, kay i doosh krik lell, oun hal kamlo oun kreh tiro dji pre i menshenge. Tou veh gar sik rhoyedo oun tiro lačepen hi baro. Oun tou djal gar lendar.

Nehemia 9:3

Oun yon his hakeno ap peskri platsa tardo, har vas glan dravedo dran ko liil, kay sikrell o drom o baro Deblestar, kay lengro Devel hi. I starto kotar o divestar vas glan dravedo oun o starto kotar o divestar penan le pengri doosh, oun vitsran pen tele glan o baro Debleste, koles yon an-mangan.

Hiob 32:16

Har nay rikrap man kanna pale, kay yon gar bouder doureder rakrenn? Kote hi le tardo oun nay penenn či pale.

Gosewe laba 10:19

Koon boud laba krell, anell ninna doosh ap peste. Koon peskro mouy rikrell, hi gosevo.

Gosewe laba 13:3

Kova kay ap peskro rakepen yak dell, kova dell yak ap peskro djipen. Koles i baro mouy hi, kova tserdell bibarht ap peste.

Gosewe laba 14:17

Koon sik an i rholi vell, krell yek dinelo koova pal o vavar. Oun koon lell pes čilačepen glan, pral koleste hi le rhoyedo.

Gosewe laba 14:29

Kova, kay gar sik rhoyedo vell, hi gosevo. Koon sik rhoyedo vella, sikrell har dinelo yob hi.

Gosewe laba 15:18

I morsh an koleste rholi hi, anell čingepen. Yek, kay gar sik rhoyedo vell, kova lell i yag dran o čingepen.

Gosewe laba 15:2

O gosevo rakrell yaake, te hayvenn i vavar, hoy mishto hi. Dran o narveleskro mouy vell či har dinlepen.

Gosewe laba 16:32

Yek, kay gar sik rhoyedo vella, hi feteder har i čačo kourepaskro. Oun koon o ray pral peste hi, hi boudeder moldo har yek, kay i tselo foro dren lell.

Gosewe laba 17:14

Mouk tele o čingepah yaake rah har lo gomme tikno hi! Čingepen hi har pani, hoy dran i phoub vin phagell. Mouk tele glan kova yob zorleder vell!

Gosewe laba 17:27

Kova, kay peskre laba pale rikrell, sikrell, te djinell lo, hoy mishto hi. Kova, kay gar sik an i rholi vell, sikrell, te hi lo gosevo.

Gosewe laba 18:13

Shoun! Oun palle rake! Te kreh vavarčandes, hal dinelo oun hounte ladjess tout.

Gosewe laba 18:21

Kol laba, hoy yek rakrell, nay anenn leske o merepen oun ninna o djipen. Oun kova, kay boud rakrell, dikella, hoy leskre laba leske dren anenn.

Gosewe laba 19:11

Koles čačo gosvepen hi an o dji, kova vell gar sik rhoyedo, oun dikell gar ap i doosh i vavarendar. Doleske dikenn le pre ap leste.

Gosewe laba 19:19

Kova, kay dran i bari rholi čomone kras, mouk les peskri phagi te lell. Veh tou ap leskri rig, hounte kress tou kova pale te pale.

Gosewe laba 21:23

Kova, kay nay rikrell peskro mouy oun dell yak ap peskri čip, savo rikrell bibarht pestar krik.

Gosewe laba 25:28

Yaake har i foro, kay kek massouri troul leste hi, yaake hi i morsh, kay nay rikrell gar peskri rholi pale.

Gosewe laba 29:20

Dikeh tou i morshes, kay sik ap o rakepen hi, i dineleske nay djal feteder har saveske.

4. Mose 22:27

Oun har koy bourika o baro Debleskro bolepaskres dikas, čivas pes li tele. Oun o Bileam his pre-beshdo. Koy tapras o Bileames i rholi. Oun yob das koy bourika i kashteha.

Mateo 5:22

Me penau t'menge: Koon ap peskro phraleste rhoyedo hi, kova hounte vell glan o čačepaskro anlo. Oun koon peskro phrales praasella, kova hounte vell glan i pralstoune čačepangre anlo. Oun koon penella: Dja touke pash o bengeste! kova vella an o bengeskri yag vitsedo.

Markus 12:37

Koy penell o David mo ray ap leste. Har vell lo nay leskro čavo? Oun i tsele menshe kaman, te shounenn le o Yezouseskro rakepen.

Markus 2:2

Koy van yaake boud menshe an o kheer oun glan o voudar khetne, te nay djas bouder kek an o kheer dren. Oun o Yezous penas lenge o Debleskro lab.

Louka 15:1

His i dives, kay van boud bibolde pash o Yezouseste, kay lenn i biboldendar love i Remaryenge dren, oun boud vavar, kay čilačo koova kran oun doleske pale-čidde hi. Yon lauter kaman te shounenn le les.

Louka 19:48

Yon djinan gar, har nay tapran le les. Boud menshe his troul leste, oun kaman hako lab te shounell, hoy yob penas.

Bičepangre 1:15

An kolla divessa van boud patsle khetne, sheel-te-biish menshe. Mashkral lende stas o Petro pre oun penas:

Bičepangre 10:33

Oun me bičrom morshen pash toute. Oun kova his mishto, kay tou val. Kanna ham mer lauter glan o Debleste khetne, te shounas lauter, hoy o Devel, maro ray, touke penas.”

Bičepangre 13:48

Har kolla, kay hi kek bibolde, kova shounan, van le barhtelo, oun sharan o Debleskro lab. Oun lauter kolla van patslo, kay o Deblestar vin rodedo van, te lenn yon ko djipen, hoy gar pre-herella.

Bičepangre 17:11

I bibolde an o foro Berea shounan feteder ap o Debleskro lab, har kol bibolde an o foro Tessalonika. Yon shounan o Debleskro lab pengro tselo djiyeha, oun rodan hako dives an o Debleskro lab, te djinenn le, te hi kova čačo, hoy o Paulo penas.

Bičepangre 2:42

Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.

Efesarja 4:26

Te venn t'mer an i rholi, palle denn garda, te krenn kek čilačo koova! Moukenn o kham gar tele te djal pral t'mari rholi!

Efesarja 4:31

Avenn ap kekeste čilačo oun rhoyedo! Čingrenn ap kekeste, oun praasenn kekes!

Kolossarja 3:15

O Yezous Kristo das t'men pash peste gole, te djivenn lauter leha khetne. Djivenn kanna yaake, te han t'mer yek dji oun yek djipen! Oun parkrenn t'men pash o Debleste!

Kolossarja 3:8

Kanna djivenn t'mer bouder gar t'maro phouro djipen. Doleske čivenn i rholi t'mendar krik, ninna o čilačepen, o djoungelo rakepen pral o vavareste, vi-ladjede laba! Ma rhorhenn t'men!

1. Tessalonikarja 2:13

Doleske moukah gar tele, te parkras men pash o Debleste, te patsan t'mer o Debleskro lab, hoy t'menge penam. Oun t'mer hayvan, ko lab vell čačepah o Deblestar oun gar i menshendar. Oun t'maro djipen sikrella, te patsenn t'mer ap ko lab.

Jakobo 1:16

Mire kamle phrala! Ma rhorhenn t'men kokres!

Jakobo 1:2

Mire phrala, te vell pharo koova ap t'mende, palle dikenn koy pre, har te vell kova i barht t'menge.

Jakobo 1:26

Te penell i mensho: “Me djivau pal o Debleskro lab,” oun yob rikrell peskro mouy nay gar, kova rhorhell pes kokres. Oun kova, hoy yob o Debleske krella, hi či moldo.

Jakobo 2:1

Mire phrala, t'mer patsenn ap maro rayeste, o Yezous Kristeste. Yob hi o ray pral i tsele rayende. Doleske, ma dikenn ap i menshende, koon yon hi, oun har bravelo yon hi!

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

Jakobo 3:10

Dran ko emligo mouy vella sharepen oun praasepen. Kova hi gar mishto, mire phrala!

Jakobo 4:11

Mire phrala! Ma rakrenn djoungeles pral o vavareste! Koon pral peskro phraleste djoungeles rakrella oun o goushteha ap leskri doosh sikrella, kova čivell pes pral kova, hoy o Devel penas. Tou te kreh kova, hal tou bouder gar yek, hoy o Debleskro čačepen krella. Na-a, tou čiveh tout pral o čačepen.

Jakobo 5:12

Mire phrala, ma denn t'men sovel, gar ap o bolepen, vitar gar ap i phoub oun vitar gar ap vavar koova. Te penenn t'mer: “Ava,” yaake hounte vell kova ninna ava. Oun te penenn t'mer: “Na-a,” yaake hounte vell kova ninna na-a, te lenn kek phagi o Deblestar.

Jakobo 5:19

Mire phrala, djinenn: Te peras yek t'mendar o čačo dromestar tele, oun yek vavar anell les pale ap o čačo drom,

1. Johanni 2:21

Me činom t'menge gar, har te prindjrans t'mer o čačepen gar. T'mer prindjrenn les, oun djinenn, kay kek rhorhepen dran o čačepen vella.