Jakobo 1:14 - O Debleskro Lab 2024 (Sinte-Manouche)

¹⁴ Te moukah mer o čačo drom, hi men kokres doosh. Ko čilačo koova, hoy an maro shero trouyel djal, kova vell mendar.

O Debleskro Drom 2021 (Sinte)

¹⁴ Te mukah mer o tchatcho drom, hi men kokres doosh. Ko tchilatcho koowa, hoi an maro shero trujel djal, kowa well mendar.

Jakobo 1:14 Iomraidhean Croise

1. Mose 3:6

Oun koy romni dikas ap ko rouk oun penas ap peste: “Mishto vals, te rhaus ko roukestar. Shoukar hi lo! Oun mishto vals, te vaus gosevo.” Oun yoy las o roukestar, rhas oun das ninna peskro romeste, kay pash late his. Oun yob rhas ninna.

1. Mose 6:5

O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

2. Samuel 11:4

Oun o David bičras morshen koy, oun moukas lat te lell. Oun har yoy pash leste vas, sovas yob pash late. Oun palle djas li pale an peskro kheer. [Glan kova, kay yoy pash leste vas, kras li kova, hoy kol djouvyenge an Israel glan činlo his, te krenn le pal pengri djouvyengro koova.]

Hiob 31:27

Miro dji rissras pes gar čorrhanes pash lende, te vitsroms me lenge i vasteskri čoum koy!

Hiob 31:9

Te moukas pes miro dji i vavareskri djouvyake dren, oun te louroms me ap late pash koleskro voudar,

Gosewe laba 4:23

De yak ap kova, hoy patseh dour an tiro dji! Kolestar vell o djipen.

Jesaja 44:20

Kova hi yaake, har te mangals lo i yagakri čik an. Leskro dinelo dji anas les an o rhorhepen. Kote hatsell lo kek drom vin, te penals lo peske: “Rikrau me man gar ap o rhorhepen?”

Hosea 13:9

Israel, mange sikral o doumo, kay me kokres kova hom, kay nay lell tout dran o merepen vin. Yaake aneh bibarht pral toute.

Mateo 15:18

Te penell i mensho čilače laba, venn kolla dran leskro dji vin. Oun kol čilače laba krenn o menshes pale-čiddo.

Mateo 15:20

Kova lauter krell i menshes pale-čiddo. Yob te thovell gar peskre vasta glan o rhapen, krell les kova gar pale-čiddo.

Mateo 4:1

Pal kova anas o Debleskro Dourho o Yezouses an o moulo them, kay kamas les o beng o Debleskro dromestar tele te anell.

Mateo 5:28

Me penau t'menge: Koon ap i vavareskri romyate dikella, te sovell lo lah, kova rhorhras peskri romyat an peskro dji.

Remarja 7:11

Me nay rikrom kol laba gar. Yaake hatsas o čilačepen i drom te rhorhell lo man, oun te anell lo man an o merepen.

Remarja 7:13

Kanna poučau t'mendar: Anell man kova, hoy lačo hi, an o merepen? Na-a. Kova hi gar yaake. O čilačepen, hoy krom, kova anell man an o merepen. Kol laba, hoy penenn menge, hoy o Devel mendar kamella, kol laba sikran man, hoy čilačo hi, te dikap me, har djoungelo o čilačepen hi.

Efesarja 4:22

Ma djivenn bouder gar t'maro phouro djipen! An t'maro phouro djipen vas o čilačo koova baro an t'mare djia, oun t'mer kran, hoy t'menge gar mishto hi. Savo koova krell t'maro djipen paash.

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.

Jakobo 1:13

Te vell yek an savo koova, hoy kamell les o čačo dromestar tele te anell, hounte penell lo gar: “Ko koova vell o Deblestar.” Kek nashte anell o Debles o čačo dromestar tele. Oun ninna o Devel anell kekes o čačo dromestar tele.

Jakobo 1:15

Te shounah ap maro shero, krah mer ko čilačo koova. Oun te vas ko čilačo koova baro, anell kova menge o merepen.