Hosea 9:8 - O Debleskro Lab 2024 (Sinte-Manouche)

⁸ Miro Devel bičras man, leskro rakepaskres, te dap yak ap t'mende an o them Efrayim. Oun t'mer čivenn i netsa vin ap mire tsele dromma, te taprenn man har i čirkles. Ninna an o kheer miro Deblestar lenn t'mer man palla.

O Debleskro Drom 2021 (Sinte)

⁸ Miro Dewel bitchras man, leskro rakepaskres, te dap jak ap tumende an o them Efrajim. Un tumer tchiwenn i netsa win ap mire tsele dromma, te taprenn man har i tchirkles. Ninna an o kheer miro Deblestar lenn tumer man palla.

Hosea 9:8 Iomraidhean Croise

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

1. Rajengro liil 18:1

Pal i rah tsiro, an o triinto bersh, kay bokenn le, penas o baro Devel ap o Eliya: “Dja, mouk tout te dikell glan o Ahab. Me moukau o brishin te vell ap i phoub!”

1. Rajengro liil 18:19

Kanna mouk i tsele Israelitaryen te penell, te venn le khetne pash mande ap i berga Karmel, ninna kol 450 (star-sheel-te-paash-sheel) rashaya o deblestar Baal oun kol star-sheel rashaya, kay i debletsa Ashera sharenn, kolen i Isebel rhapen oun pipen dell.”

1. Rajengro liil 22:11

Oun o Sedekya, koleskro dad o Kenaan his, kras peske sasterne shinga oun penas: “Kava penell o baro Devel: I shingentsa har kalla deh tou i Syrarya tele, bis te halauter maredo hi!”

1. Rajengro liil 22:22

Oun yob penas: Me moukau i rhorhepaskro dourho te vell, hoy rakrell dran i mouya leskre tsele dikepangren! Koy penas o baro Devel: Tou hounte kress kova. Touke djal kova mishto. Dja vin, oun kre les yaake!”

1. Rajengro liil 22:28

Kote penas o Mika: “Te veh tou sasto pale pale, palle rakras o baro Devel gar dran miro mouy.” Oun palle penas lo: “Shounenn kova, t'mer menshe an i tsele themma!”

1. Rajengro liil 22:6

Kote moukas o ray pral o them Israel i dikepangren khetne te vell – kolla his yaake star-sheel morsha – oun poučas lendar: “Djap me an o kourepen, te kourap man o foreha Ramot an o them Gilead? Kamell o Devel kova? Kamell lo kova gar?” Kote penan yon: “Dja koy, oun o Devel dell o foro an tiro vast.”

2. Rajengro liil 13:21

Oun i dives vas, kay paskran i Israelitarya i morshes, kote dikan le kourepangre dran o them Moab. Sik lan le ko morshes oun vitsran les an o moulengro kheer pash o Elisa, oun nashan penge. Oun har ko moulo morsh ap i kokale o Elisestar peras, vas lo djido oun stas pre.

2. Rajengro liil 2:14

oun las koy plaashka, das ap o pani oun penas: “Kay hi kanna o baro Devel, ko Devel, koleske o Eliya boudras?” Oun das ap o pani. Koy djas o pani ap douy rigya, oun o Elisa djas ap i vavar rig.

2. Rajengro liil 2:21

Koy djas yob vin pash ko pani, čivas ko loon dren oun penas: “Yaake penell o baro Devel: Me krom ko pani djoudjo, oun kek merell bouder koy pre oun kek čave venn bouder moules bolde.”

2. Rajengro liil 4:41

Yob penas: “Anenn yarro!” Oun yob čivas yarro an i piri oun penas: “Anenn kova i morshende rhapaske!” Koy nay rhan yon kova. Koy his o tselo rhapen lačo.

2. Rajengro liil 4:43

Koy penas leskro boudepaskro: “Kova hi gar doha sheel morshenge!” O Elisa penas: “De les lenge, te rhan le. O baro Devel penell: Yon rhan, oun ačell čomone pral.”

2. Rajengro liil 5:14

Koy djas yob tele pash o pani Yordan oun čivas pes tel o pani efta kope yaake har o Debleskro morsh kova penas. Oun leskro mass vas pale sasto har ko mass i tikno čavestar. Oun yob vas sasto ap peskro tselo mass.

2. Rajengro liil 5:27

Ko nasslepen, hoy o Naamanes ap peskro mass his, perell ap toute oun tire menshende, kay pal toute venna.” Koy djas o Gehasi lestar krik, oun ko nasslepen his ap leskro mass oun dikas vin har gib.

2. Rajengro liil 7:19

Oun koy pre penas ko pralstouno lourdo ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” Oun o Elisa penas koy pre: “Tire yakentsa dikeh tou kova, oun či rhah tou kolestar.”

2. Rajengro liil 7:2

Ko pralstouno lourdo, kay čivas pes o baro ray ap leskri moussi, penas ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” O Elisa penas: “Tire yakentsa dikeh tou kova, oun či rhah tou kolestar.”

Debleskri gili 124:7

Mer nay nasham menge har i čirklo, dran koy netsa, hoy i čirklengro pral leste vitsras. Koy netsa vas paash kerdo, oun mer vam vin.

Sikepaskro 9:12

Ninna djinell o mensho peskro tsiro gar, oun vell tapedo an o čilačo tsiro, hoy ap yek kopo pral leste perell, yaake har i mače tapedo venn an i netsa, oun i čirkle an pandle dorya.

Kamlepaskri gili 3:3

I lourde hatsan man, kolla, kay ap o foro garda denna oun kote trouyel djan: Dikan t'mer les, koles miro dji kamell?

Jesaja 62:6

Yerusalem, me čivom morshen ap tire massourya, te denn le yak ap toute. O tselo dives oun i tseli rat denn le bares gole, oun moukenn gar tele, te bistrell tout o baro Devel gar.

Jeremia 11:19

Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Jeremia 14:13

Koy penom me: Baro Devel, miro ray, tire rakepangre penan lenge: Kek kourepen oun kek bok vell pash t'mende. O baro Devel krell, te vell kek kourepen pash t'mende an kek tsiro.

Jeremia 23:13

Kova, hoy dikom pash mire rakepangre an Samaria, hi i djoungelo koova mange. Yon penan laba glan-vi, kolendar penan le, kay van le o deblestar Baal. Oun yaake anan le mire menshen Israel o čačo dromestar tele.

Jeremia 31:6

Ko tsiro vella, kay denn le gole ap i berge Efrayim: Avenn, te djas pre an o foro Sion pash maro baro Debleste!

Jeremia 6:14

oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Jeremia 6:17

Ninna dom t'men menshen, kay denn yak ap t'mende. Denn garda koy pre, te phourdenn le i phourdepaskri, hoy sikrella: Bibarht vella … Yon penan: Mer kamah len gar te shounell.

Ropaskre gilja 2:14

Kolla, kay hounte penans touke o Debleskre laba, penan touke rhorheno koova glan-vi, hoy či moldo hi. Oun sikran touke gar tiri doosh. Kova te krans le, perals gar yaake har kanna peral. Na-a, yon moukan tout rhorhene laba te shounell, oun anan tout o čačo dromestar tele.

Ropaskre gilja 4:13

Kova vas pral o foro koy doshake, hoy o Debleskre rakepangre oun i rashaya ap pende anan. Yon moukan kote save menshen te marell, kay kek čilačepen kran.

Ezekiel 3:17

Tou, mensho, vess kova, kay dikell i bibarht te vell oun penell kova i Israelenge doureder, yaake har yek ap i foro yak dell, oun i menshenge penell, te venn lourde. Te penau me touke i lab, hounte peness kova lenge, te djinenn le, hoy kamau ap lende te anell.

Ezekiel 33:7

Tou, mensho, tout rodom vin, te dess yak ap o kheer Israel. Te shouneh i lab dran miro mouy, hounte peness kova lenge, te djinenn le, hoy kamau me pral lende te anell.

Hosea 5:1

T'mer rashaya, shounenn kova! Oun denn garda, t'mer dran o kheer Israel! Ninna t'mer dran o baro rayeskro kheer, shounenn kal laba! T'mer hounte dans yak, te vell o čačepen kerdo. Oun t'mer anan i menshen yaake dour, te mangenn le rhorhene deblen an. Lenge van t'mer har pandle dorya, hoy yek vin čivas an o foro Mispa, oun har i netsa, koleha yek čirklen taprell ap i berga Tabor.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Hosea 9:9

T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

Micha 7:4

I feteder oun lačeder lendar denn čourye har soubyengre bourra. O dives vell sik, kay t'mari phagi vell, ko dives, koles kolla glan-vi dikan, kay dan t'men trad. An ko tsiro vell i daar pral t'mende, te djinenn bouder gar, hoy te krenn.

Johanni 15:24

Te kroms me gar glan lengre yaka ko baro koova, hoy nay kek vavar kras, vals len kek doosh. Kanna dikan yon kova. Oun ninna te dikan le les, hi le čilačo ap mande oun ap miro dadeste.

Remarja 3:7

I menshe nay penans ninna: “Mer te rhorhah, palle vell diklo, har baro o Debleskro čačepen hi. Oun yob vell sharedo. Hoske dell lo men i phagi?

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.