Hosea 9:7 - O Debleskro Lab 2024 (Sinte-Manouche)

⁷ O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

O Debleskro Drom 2021 (Sinte)

⁷ O tsiro hi koi, kai me tumenge tumari phagi dau, un tumaro tchilatchepen ap tumare sherja pale anau. Un tumer Israelitarja haiwenn kowa! Tumer penenn: “I narwelo hi ko Debleskro rakepaskro! Ko mursh, koles o Debleskro ducho hi, rakrell dinelo koowa!” Jaake baro hi tumari doosh un tumari choli ap mande!

Hosea 9:7 Iomraidhean Croise

2. Rajengro liil 9:11

Oun har o Yehou vin djas pash kol menshende leskro rayestar, poučan le lestar: “Hi čomone? Hoske vas ko dinelo pash toute?” “Či”, penas yob. “T'mer prindjrenn kol morshes, kova rakrell dinelo koova.”

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 34:8

Kava hi o tsiro, kay o baro Devel i vavar themma pengri phagi dell, koleske, hoy le ap i menshende ap i berga Sion kran.

Jesaja 44:25

Me krau, te venn kol laba gar čačo, hoy i dourkepangre penan, oun moukau kol dravepangre har dinele vin te dikell. Me sikrau, har hi či-moldo ko gosvepen kolendar, kay patsenn, te hi le gosevo. Me čakrau pre, te hi lengro gosvepen čačepah dinlepen.

Jeremia 10:15

Yon molenn či, oun hi sapaske. An ko tsiro, kay rakrell o baro Devel o čačepen vin, hounte djan yon tele.

Jeremia 11:23

An ko bersh, kay dau i menshende an Anatot i phagi, oun anau i bibarht pral lende, ačell kek lendar djido.

Jeremia 16:18

Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

Jeremia 23:13

Kova, hoy dikom pash mire rakepangre an Samaria, hi i djoungelo koova mange. Yon penan laba glan-vi, kolendar penan le, kay van le o deblestar Baal. Oun yaake anan le mire menshen Israel o čačo dromestar tele.

Jeremia 25:14

Ava, ninna i Babilonarya venn boudepangre oun hounte boudrenn i menshenge an boud themma oun lengre zorele bare rayenge. Yaake dau len pale, hoy yon ap mire menshende kran. Yaake lenn le pengri phagi.

Jeremia 29:26

O baro Devel rodas tout vin, te vess o rashay pal o rashayeste Yoyada. Tou vess o pralstouno an o baro Debleskro kheer, te čivess kol tsele narvelen pandles, kay venna oun penenn, te hi le Debleskre rakepangre, oun penenn čomone glan-vi. Tou čivess lengre pire an kashta oun sasterne shelle troul lengri meen.

Jeremia 46:21

Ninna i lourde, kay playsedo venna an kava them, hi har terne thoulle groumya. Yon nashenn penge oun kourenn pen gar ap ko čilačo dives, kay vell i bibarht pral lende, oun yon pengri phagi lenna.

Jeremia 6:14

oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Jeremia 8:11

oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Ropaskre gilja 2:14

Kolla, kay hounte penans touke o Debleskre laba, penan touke rhorheno koova glan-vi, hoy či moldo hi. Oun sikran touke gar tiri doosh. Kova te krans le, perals gar yaake har kanna peral. Na-a, yon moukan tout rhorhene laba te shounell, oun anan tout o čačo dromestar tele.

Ezekiel 13:10

Yon anenn mire menshen o čačo dromestar tele, oun penenn: “Lauter hi mishto.” Oun čačepah, či hi mishto. Mire menshe kran pen i massouri dran barra, hoy rikrenn gar. Oun i rakepangre van, oun makan lat parnes.

Ezekiel 13:3

Kava penell o baro Devel, maro ray: Bibarht vell ap kol čilače rakepangre, kay penenn glan-vi, hoy dran lengro dji vella, oun kolen kek dikepen dikan, hoy mandar vas!

Ezekiel 25:17

Me anau lengro tselo čilačepen pale ap lengre sherya. Oun an miri rholi dau len i phari phagi. An ko tsiro, kay anau lengro čilačepen pale ap lengre sherya, dikenn oun hayvenn le, te hom me o baro Devel.

Ezekiel 38:23

Oun yaake sikrau me glan i yaka boud menshendar dran vavar themma, te hom i zorelo Devel. Oun yon dikenn oun hayvenn palle, te hom me o baro Devel.

Ezekiel 9:10

Doleske dikau me kek kamlepah ap lende, oun yon khaytenn man gar. Lengro čilačepen anau ap lengre sherya pale.

Hosea 14:1

I menshe an o foro Samaria lenn pengri phagi. Yon moukan pen či te penell pengro Deblestar. Doleske venn le o rhareha maredo. Oun lengre tikne čave venn moulo dino. Oun i djouvya, kay lenn i čavo, venn pre činle.

Hosea 5:9

An ko tsiro, kay dau o Efrayimeske peskri phagi, vell leskro them i moulo them. Halauter, hoy i Israelenge trad dom, vell yaake har penom.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Hosea 9:8

Miro Devel bičras man, leskro rakepaskres, te dap yak ap t'mende an o them Efrayim. Oun t'mer čivenn i netsa vin ap mire tsele dromma, te taprenn man har i čirkles. Ninna an o kheer miro Deblestar lenn t'mer man palla.

Amos 8:2

Oun yob poučas mandar: “Hoy dikeh, Amos?” Me penom: “I korba, kay roukengre dren hi, kolenge o tsiro vas, te venn le tele činlo i roukendar.” Koy penas o baro Devel: Yaake vas mire menshenge Israel o tsiro, te venn le tele činlo. Yon khaytenn man bouder gar.

Micha 2:11

Te voms me i morsh, kay nashell o dourho palla, oun rakroms o rhorhepen, oun me penoms: “Piyenn boud mool oun vavar pipen!” Palle penans t'mer mandar: “Havo lačo rakepaskro hi kava morsh!”

Micha 7:4

I feteder oun lačeder lendar denn čourye har soubyengre bourra. O dives vell sik, kay t'mari phagi vell, ko dives, koles kolla glan-vi dikan, kay dan t'men trad. An ko tsiro vell i daar pral t'mende, te djinenn bouder gar, hoy te krenn.

Zefanja 3:4

Lengre dikepangre krenn, har te vell či, oun hi pherdo rhorhepen. Lengre rashaya krenn savo koova, hoy krell o Debleskro kheer pale-čiddo, oun penenn o Debleskro lab gar čačes doureder.

Markus 3:21

Oun har leskre menshe kova shounan, penan le: “Yob hi dinelo!” Oun yon kaman les te taprell.

Louka 21:22

An kol divessa vell o Debleskri rholi ap i menshende tele. Palle vell lauter čačo, hoy an o Debleskro lab činlo hi.

2. Korintarja 5:13

Te penell yek, mer ham narvelo, – mishto! Te ham narvelo, ham kova o Debleske. Te ham gar narvelo oun rakrah yaake, te hayvenn le men, palle hi kova mishto t'menge.

Debleskro tsiro 16:19

Oun o baro foro phagas an triin kotya. Oun i forya an i vavar themma peran khetne. O Devel bistras ko baro foro Babilon gar, oun moukas i menshen kote peskri rholi te piyell har mool.