Hosea 9:6 - O Debleskro Lab 2024 (Sinte-Manouche)

⁶ Dran t'maro them, hoy paash kerdo hi, hounte djan t'menge krik. O them Egiptia lell t'men pash peste pre, oun an o foro Memfis venn t'mer paskedo. Kote, kay kanna t'maro kouč roup hi, vell soubyengro zenlepen baro, oun soubyengre bourra venn baro an t'mare khera.

O Debleskro Drom 2021 (Sinte)

⁶ Dran tumaro them, hoi paash kerdo hi, hunte djan tumenge krik. O them Egiptia lell tumen pash peste pre, un an o foro Memfis wenn tumer paskedo. Kote, kai kanna tumaro kutch rup hi, well subjengro senlepen baro, un subjengre burra wenn baro an tumare khera.

Hosea 9:6 Iomraidhean Croise

2. Rajengro liil 13:7

Yaake ačan o rayeske Yoakaz kek lourde pral, har kokres 50 (paash-sheel) klissepangre, deesh kourepangre vourdya oun 10.000 (deesh-zerya) pirengre lourde; Kol tsele vavar maras o baro ray pral o them Syria oun kras, te van le har i phoubyakri čik ap o drom.

Debleskri gili 107:34

Yaake vas i phoub, kay boud djob oun zenlepen baro vas, i moulo londo them. Kova kras lo dran o čilačepen kol menshendar, kay kote djivenn.

Gosewe laba 24:31

Oun soubyengre bourra his koy tardo oun lauter djoungelo zenlepen, oun i massouri troul ko kotar them his tele peredo.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 19:13

I pralstoune pral o foro Soan van dinele, oun i pralstoune pral o foro Memfis kran pen čomone glan. I tsele pralstoune an Egiptia anan i menshen ap i rhorheno drom.

Jesaja 27:12

I tsiro vella, kay lell o baro Devel peskre menshen khetne dran o tselo them mank o pani Eufrat oun o them Egiptia. Yob rodell len vin har yek o tikno djob vin rodell dran o phouss, yek pal o vavar.

Jesaja 32:13

Ap i harhetikri phoub mire menshendar venn soubyengre bourra oun soubyengro zenlepen baro. Rovenn ninna troul i khera, kay pherdo sapen his an ko barhtelo foro.

Jesaja 34:13

Oun an i rayengre khera djan i soubyengre bourra pre, oun ap i barrengre massourya vell soubyengro zenlepen baro. I divye djoukle djivenn kote, oun bare divye čirkle hi kote khere.

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jesaja 7:23

Oun an ko tsiro vell yaake: Kote, kay kanna i seri drakengre rouka tardo hi, hoy khetne yek zero roupene beme moldo hi, kote hi palle soubyengre bourra oun soubyengro zenlepen tardo.

Jeremia 2:16

Ninna činenn kol menshe dran Memfis oun Tapanes touke i tsele balla tiro sherestar tele.

Jeremia 42:22

Doleske shounenn oun djinenn: Mank t'mende hi save, kay venn maredo o rhareha, vavar merenn i bokatar oun o djoungelo nasslepah kote, kay djan koy, te djivenn kote.

Jeremia 44:1

Kava hi kava lab, hoy o baro Devel penas ap o Yeremia pral kol tsele menshende dran o them Youda, kay djivenn an o them Egiptia. Yon his an i forya Migdol, Tapanes oun Memfis, ninna an o them Patros.

Jeremia 44:12

Me moukau kekes te djivell kolendar, kay ačan djido an o them Youda, oun kay djan an o them Egiptia, te djivenn le kote. Yon halauter hounte merenn kote an o them Egiptia. O rhareha venn le maredo, oun i bokatar merenn le: i tikne oun i bare. Te dikenn vavar menshe, har lenge djal, hi le lenge har praasede menshe, kolendar darenn le. Yon san pral lende. Oun te kamenn le yekes te praasell, penenn le: Mou djal touke har i Israelenge an o them Egiptia!

Jeremia 44:13

Yaake har dom i menshende an Yerusalem i phagi, yaake dau ninna kol menshende dran Youda i phagi, kay an Egiptia djivenn. Yon merenn o rhareha, i bokatar oun o djoungelo nasslepah.

Jeremia 46:14

Denn vin gole an o them Egiptia! Penenn i menshenge an i forya Migdol, Memfis oun Tapanes: Kourenn t'men kolentsa, kay ap t'mende pre djan! O rharo rhal kolen, kay troul t'mende hi.

Jeremia 46:19

T'mer Egiptarya, rodenn t'mare koola khetne, t'mer hounte nashenn t'menge. O foro Memfis vell har o moulo them, oun rhačedo vell lo, yaake kay kek nay djivell kote.

Ezekiel 30:13

Kava penell o baro Devel, maro ray: Me moukau i rhorhene deblen paash te krell, oun lau i figuren dran o foro Memfis krik. Oun an o them Egiptia hi bouder kek ray. Oun bari daar taprell o tselo them.

Ezekiel 30:16

Me čivau yag an o them Egiptia. Oun pral i menshende an o foro Sin vell daar oun douk. O foro Theben vell tele phagedo. Oun an o foro Memfis perenn lourde mashkral ap o dives dren.

Hosea 10:8

Khetne dine venn i moulne platse, kay i Israelitarya i rhorhene deblen an-mangan, oun o baro Deblestar tele peran. Soubyengro zenlepen oun soubyengre bourra venn bares ap lengre altare. Oun yon penenna: T'mer bare oun tikne berge, perenn pral mende, oun čakrenn men!

Hosea 11:11

Ninna dran o them Egiptia venn le trisslepah har čirkle, oun dran o them Assour har taube. Oun me moukau len pale an lengre khera te djivell. Kova penell o baro Devel.

Hosea 2:6

Lakre čave hi i loubyengre čave. Lenge krau miro dji gar pre.

Hosea 7:11

O Efrayim hi har i dineli tauba, kay moukell pes sik te kharell. Ap yek dives kharell lo i Egiptaryen, te venn le leske ap i rig, o vavar dives nashell lo an o them Assour.

Hosea 7:13

Bibarht ap lende! Yon djan mandar krik! Merepen pral lende! Yon peran mandar tele! Me kamoms len dran i bibarht te lell, oun yon rakrenn rhorhepen pral mande.

Hosea 7:16

Yon rissrenn pash i debleste, koles kek zoor hi. Yon hi har i bango bogo, koleha kek faylo kote djal, kay te djal lo. Lengre pralstoune hi bare mouyengre. Doleske venn le maredo o rhareha. Palle san i Egiptarya pral lende.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Hosea 9:3

T'mer ačenn gar an o them, hoy o baro Devel t'men das. I menshe dran o them Efrayim hounte djan pale an o them Egiptia, ninna an o them Assour. Kote hounte rhan le savo koova, hoy pale-čiddo hi.

3. Mose 26:33

T'men tradau me mank i menshende an i vavar themma, oun lau t'men o rhareha palla. T'maro them vell i moulo them, oun t'mare foryendar ačell či pral har barra.

Zefanja 1:11

Rovenn, t'mer parepangre, kay djivenn an o telstouno kotar o forestar! Kol tsele bikepangre, kay kote pengre love krenn, hounte merenna.

1. Samuel 13:6

Har i Israelitarya dikan, har zorelo i Filistarya hi, tapras len i daar, oun yon khatran pen an i phoub, pal soubyengre bourra, mank bare barra, an grufte oun panyengre rhebya.