Hosea 9:3 - O Debleskro Lab 2024 (Sinte-Manouche)

³ T'mer ačenn gar an o them, hoy o baro Devel t'men das. I menshe dran o them Efrayim hounte djan pale an o them Egiptia, ninna an o them Assour. Kote hounte rhan le savo koova, hoy pale-čiddo hi.

O Debleskro Drom 2021 (Sinte)

³ Tumer atchenn gar an o them, hoi o baro Dewel tumen das. I menshe dran o them Efrajim hunte djan pale an o them Egiptia, ninna an o them Assur. Kote hunte chan le sawo koowa, hoi pale-tchiddo hi.

Hosea 9:3 Iomraidhean Croise

1. Rajengro liil 9:7

palle tradau me i Israelitaryen vin dran lengro them, hoy me len dom. Oun ko kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral o Israel.

2. Rajengro liil 17:6

Oun har o Hoshea an o enyato bersh baro ray his, las o baro ray pral o them Assour o foro Samaria dren, oun anas i menshen dran Israel pandles krik an o them Assour, oun moukas len te djivell an o them Hala oun pash o lengsto pani Habor an o them Gosan, oun an i forya, kay i Medarya djivan.

Jeremia 16:18

Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

Jeremia 2:7

Oun me anom t'men an i lačo them, kay boud rhapen hi, te rhan ko tselo lačo koova, hoy kote baro vella. Oun har t'mer an ko them djan, kran les t'mer pale-čiddo. Oun miro them vas djoungeles glan mire yaka.

Ropaskre gilja 5:6

Mer hounte rikras mare vasta i themma Egiptia oun Assour koy, te vell men i kotar maro, te bokas gar.

Ezekiel 4:13

Oun o baro Devel penas doureder: Kova sikrell, te vell i tsiro, kay tradau i Israelitaryen an vavar themma mank vavar menshende. Oun kote hounte rhan le maro, hoy pale-čiddo hi.

Daniel 1:8

O Daniel las peske an peskro dji glan, te rhal lo gar o baro rayeskro rhapen oun piyell gar leskri molyatar, te krell lo pes gar pale-čiddo. Oun yob mangas o pralstunestar pral o rayeskro kheer, te hounte krell lo pes gar pale-čiddo.

Hosea 11:11

Ninna dran o them Egiptia venn le trisslepah har čirkle, oun dran o them Assour har taube. Oun me moukau len pale an lengre khera te djivell. Kova penell o baro Devel.

Hosea 11:5

An o them Egiptia djan le gar pale. O them Assour vell o ray pral lende, doleske kay kaman le gar pale pash mande te vell.

Hosea 7:11

O Efrayim hi har i dineli tauba, kay moukell pes sik te kharell. Ap yek dives kharell lo i Egiptaryen, te venn le leske ap i rig, o vavar dives nashell lo an o them Assour.

Hosea 7:16

Yon rissrenn pash i debleste, koles kek zoor hi. Yon hi har i bango bogo, koleha kek faylo kote djal, kay te djal lo. Lengre pralstoune hi bare mouyengre. Doleske venn le maredo o rhareha. Palle san i Egiptarya pral lende.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Hosea 9:6

Dran t'maro them, hoy paash kerdo hi, hounte djan t'menge krik. O them Egiptia lell t'men pash peste pre, oun an o foro Memfis venn t'mer paskedo. Kote, kay kanna t'maro kouč roup hi, vell soubyengro zenlepen baro, oun soubyengre bourra venn baro an t'mare khera.

3. Mose 18:28

Te krenn t'mer kava them ninna pale-čiddo, venn t'mer dran kava them vin tradedo har kol vavar menshe, kay glan t'mende kay his.

3. Mose 20:22

Krenn kova, hoy me t'mendar kamau oun rikrenn t'men ap miro čačepen, te venn gar vin tradedo dran ko them, an kova me t'men anau, te djivenn koy dren.

3. Mose 25:23

Ma bikrenn ko them yaake, te vell kova hako tsireske i vavareske! Ko them hi mange. Oun t'mer han har vi-themarya, kay moukau pash mande te djivell.

Amos 7:17

Doleske penell o baro Devel: Tiri romni vell i loubni an o foro. Tire čave oun ča venn maredo o rhareha. Tiri phoub lenn vavar menshe. Tou meress an i pale-čiddo them. Oun i Israelitarya venn vin tradedo dran lengro them.”

Micha 2:10

Stenn pre, djan t'menge! An kava them nay ačenn t'mer gar! T'mer kran les pale-čiddo. Kate ačell kek bar ap o vavar.

Bičepangre 10:14

O Petro penas: “Na-a, miro ray! An miro tselo djipen rhom me či, hoy pale-čiddo hi.”

5. Mose 28:63

Oun yaake har o baro Debleske shoukar his, te krell lo t'menge lačepen, oun te krell lo t'mendar boud menshe, yaake vell leske palle shoukar, te krell lo t'menge čilačepen, bis te ačenn gar boud t'mendar pral. Oun dran ko them, kay kanna dren djan, te lenn les t'menge dren, venn t'mer palle vin tserdedo.

5. Mose 28:68

Oun o baro Devel anell t'men ap i shiffe pale an o them Egiptia, ap ko drom, kolestar me penom: “Kote hounte djan t'mer gar pale!” Oun kote kamenn t'mer kolenge te boudrell, kay dikenn čilačes ap t'mentsa. Lenge kamenn t'men te bikrell, te venn lengre boudepangre. Oun kek kamell t'men te ginell.

5. Mose 4:26

Kava dives dau man sovel glan o bolepen oun i phoub, te krenn t'mer savo koova, djivenn gar rah an o them, hoy t'mer dren lenna vergel o pani Yordan. Kokres i tikno tsiro ačenn t'mer koy. Palle venn t'mer lauter krik tradedo.

Josua 23:15

Oun yaake har ko tselo lačo lab čačo vas, hoy t'maro baro Devel ap t'mende penas, yaake hi kova ninna kol čilače labentsa. Te rikrenn t'men gar ap kova, hoy t'maro baro Devel t'mentsa vin kras, oun djan pash vavar debla, oun mangenn len an, palle vell o baro Debleskri rholi pral t'mende. Oun sik ačell bouder kek t'mendar djido an kava lačo them, hoy t'maro baro Devel t'men das.