Hosea 9:15 - O Debleskro Lab 2024 (Sinte-Manouche)

¹⁵ O baro Devel penell: Lengro tselo čilačepen krenn le kote pash o foro Gilgal; kote rhoyrom man pral lende ko tselo čilačepaske, hoy yon kran. Doleske tradau me len dran miro kheer vin. Me kamau len bouder gar. Lengre tsele pralstoune moukenn pen či mandar te penell.

O Debleskro Drom 2021 (Sinte)

¹⁵ O baro Dewel penell: Lengro tselo tchilatchepen krenn le kote pash o foro Gilgal; kote choirom man pral lende ko tselo tchilatchepaske, hoi jon kran. Doleske tradau me len dran miro kheer win. Me kamau len buder gar. Lengre tsele pralstune mukenn pen tchi mandar te penell.

Hosea 9:15 Iomraidhean Croise

Debleskri gili 78:60

Oun yob moukas peskro kheer an o foro Shilo, kote, kay yob mank peskre menshende djivas.

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jeremia 11:15

Kal menshe, kay len kamau, hoy krenn le an miro kheer? Yon krenn čilačepen oun penenna: Koy doosh, hoy ap mende anam, vell mendar krik lino, te dah mer sovel, te anah o Debleske firhen. Oun te krenn yon djoungelo koova, hi le barhtelo koy pral.

Jeremia 12:8

Mire menshe van mange har i levo an o veesh, kay kras o mouy pre, oun das man čilačes an-gole. Doleske kamau len bouder gar.

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Jeremia 5:5

Me kamau pash i pralstunende te djal, te rakrap lentsa. Kolla djinenn o Debleskro drom oun nay penenn mange, hoy an i yaka lengro Deblestar mishto hi. Palle hayvom: Ninna kolla kaman gar, te vell yob lengro ray, oun kaman gar ap leste te shounell.

Ezekiel 22:27

Tire pralstoune hi har divye djoukle, kay marenn, oun hi boklo pal rat. Yon marenn menshen, te lenn le lengro koova penge.

Ezekiel 23:18

Yaake kras li, te nay dikas hakeno, har li trouyel loubras, oun har li nanges vin dikell. Kote sikrom lake miro doumo, yaake sikrom lakri phenyake miro doumo.

Hosea 1:6

Oun i Gomer vas o douyto kopo vavarčandes, oun anas i čay ap i phoub. Kote penas o Devel ap leste: De lat ko lab Lo-Ruhama! Man hi bouder kek dji i menshenge dran o kheer Israel, oun bistrau lengri doosh bouder gar.

Hosea 1:9

Oun o Devel penas: De les ko lab Lo-Ammi! I menshe an Israel hi gar mire menshe, oun me hom gar lengro Devel.

Hosea 12:11

Me rakrom ap mire rakepangre, oun sikrom lende boud kope, hoy vella. Dran lende moukom t'menge trad te dell.

Hosea 12:2

O Efrayim kamell o dourho dren te taprell, oun nashell o tato dourho palla, kay vell kotar, kay o kham pre djal. Oun hako dives krell lo boudeder rhorhepen oun randepen. Yon čivenn pen o themeha Assour khetne, oun anenn djet an o them Egiptia.

Hosea 3:4

Yaake djal i Israelenge: I rah tsiro hi len kek ray oun kek pralstoune pral pende, oun yon anenn kek firhen o Debleske an leskro kheer. Len hi bouder kek pre-čidde barra, kek rashayeskri damdira oun kek khereskre debla, te poučenn le lendar, hoy te krenn.

Hosea 4:15

Israel, ninna te kameh tou tout trouyel te loubrell, kamau gar, te krenn i menshe an o them Youda sau koova har tou, oun anenn doosh ap pende. Ma djan an i forya Gilgal oun Bet-Aven, te mangenn kote i rhorhene deblen an! Oun ma denn t'men kote sovel oun penenn “Me dau man sovel pash o djido Debleste.”

Hosea 4:9

Doleske djal i rashayenge yaake har kol vavar Israelenge: Me dau t'men lauteren i phagi, oun dau t'men pale pal kova, hoy t'mer kran.

Hosea 7:2

Oun kova djal gar an lengro shero dren, te djinau me lengro tselo čilačepen. Lengro čilačo koova hi troul lende trouyel, oun hi mange tardo glan mire yaka.

Hosea 9:17

I menshe Efrayim shounan gar ap miro Debleste. Doleske vitsrell lo len pestar krik. Yon venn naashepangre an i vavar themma.

Hosea 9:3

T'mer ačenn gar an o them, hoy o baro Devel t'men das. I menshe dran o them Efrayim hounte djan pale an o them Egiptia, ninna an o them Assour. Kote hounte rhan le savo koova, hoy pale-čiddo hi.

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

Amos 4:4

T'mer djan pash o Debleskro kheer an o foro Betel, oun hadenn t'men pral o Debleste! T'mer djan an o Debleskro kheer an o foro Gilgal, oun hadenn t'men ninna boudeder pral o Debleste! Krenn doureder yaake: Taysarla marenn firhen o Debleske, oun o vavar dives anenn leske o deshto kotar kolestar, hoy dren anan!

Amos 5:27

an ko tsiro, kay anau t'men pandles an i them, hoy hi čiddo pal o foro Damaskus. Me, o baro Devel, ko ray pral o bolepen oun i phoub, penau kova.

Amos 5:5

Ma djan an Betel, vitar gar an Gilgal! Ma krenn t'men ap o drom an Beersheba! Me penau t'menge: I menshe an Gilgal venn pandles krik anlo. O foro Betel, hoy kharell Debleskro kheer, vell i foro, kay i benga khere hi.

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

Micha 6:5

T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

Zakarie 11:8

Oun an yek čon krom me, te hounte djan penge kol triin vavar bakrengre. Me nay dikom len bouder gar glan i yaka. Oun yon his rhoyedo ap mande.

Bičepangre 4:27

Čačepah, yon van lauter an kava foro khetne: O Pilato, o Herodes, i Remarya, oun i tsele bibolde dran boud themma. Yon hi rhoyemen ap tiro boudepaskro Yezous, kay toutar vas. Koles rodal tou vin, maro Devel, te vell lo baro ray.

Bičepangre 5:21

Har yon kova shounan, djan yon taysarlake an o Debleskro baro kheer oun sikran i menshende o Debleskro drom. Ko baro rashay oun kolla, kay pash leste his, dan i pralstoune bibolden khetne gole, ninna i tsele phoureden an o them Israel. Oun yon bičran i klisten an o stilepen, te anenn le len glan lende.

Josua 10:43

Oun palle djas o Yosua peskre tsele lourdentsa pale ap lengre platsa pash o foro Gilgal.

1. Samuel 7:16

Oun hako bersh djas lo an Betel oun Gilgal oun Mispa oun rakras kote o čačepen vin pral i menshende.