Hosea 9:12 - O Debleskro Lab 2024 (Sinte-Manouche)

¹² Ninna te tserdenn le pengre čaven bares, lau len lendar pale krik. Kek lendar ačell djido. Havi bibarht vell pral lende, me te tserdau man lendar krik!

O Debleskro Drom 2021 (Sinte)

¹² Ninna te tserdenn le pengre tchawen bares, lau len lendar pale krik. Kek lendar atchell djido. Hawi bibacht well pral lende, me te tserdau man lendar krik!

Hosea 9:12 Iomraidhean Croise

2. Rajengro liil 17:18

Kote vas o baro Devel rhoyedo pral i Israelitarya, oun čivas len krik glan leskre yaka, yaake kay ačan kokres menshe dran o kheer Youda pral.

2. Rajengro liil 17:23

Kova djas yaake rah, bis te o baro Devel i Israelitaryen glan peste krik tradas, oun vas yaake har leskre boudepangre glan-vi penan, kolla, kay leskre rakepangre his. Yaake van i Israelitarya dran o them Israel pandles krik anlo an o them Assour. Kote hi le gomme kava dives.

Hiob 27:14

Te venn leskre čave ninna boud, merenn boud lendar an o kourepen. Vavaren hi gar doha te rhal.

Jeremia 15:7

An hako foro an o them Youda krom me i menshentsa yaake har yek, kay vitsrell o djob pral, te perell o phouss vin. Yaake tradom len kate te kote. Oun mire menshe moukan gar pengre čilače dromma. Koy marom lengre čaven, oun moukom len tele te djal.

Jeremia 6:8

Yerusalem, mouk tout trad te dell! Te shouneh tou gar, krau me miro dji touke pandlo. Oun dran toute krau i nango them, kay kek nay djivell bouder.

Ropaskre gilja 2:20

Baro Devel, mouk tire yaka ap mende te dikell! Dik, koneha yaake trouyel djal! Hounte rhan i djouvya pengre čave, kolen yon ap i moussya hidjrenn? Hounte venn i rashaya oun tire rakepangre an tiro kheer moulo dino?

Ropaskre gilja 2:22

Haki rigyatar kharal kolen, kay kran menge daar oun traash. Yon van har pash i baro rhapen. Oun kek mendar nay nashas peske ap o dives, kay tiri rholi, baro Devel, pral mende vas, oun kek ačas pral. Kolen, kay me ap i vasta hidjrom oun bares tserdom, kolla van lendar maredo.

Hosea 7:13

Bibarht ap lende! Yon djan mandar krik! Merepen pral lende! Yon peran mandar tele! Me kamoms len dran i bibarht te lell, oun yon rakrenn rhorhepen pral mande.

Hosea 9:13

Har me dikom o Efrayimes, his lo har i terni palma, tardo ap shoukar zenlepen. Kanna hounte dell lo peskre čaven an i vasta kolendar, kay marenn len.

Hosea 9:16

O Efrayim hi har i moulo rouk. Leskre draba, len hi kek pani. Oun roukengre venn gar bares ap leste. Te lenn i djouvya ninna čave, me marau len, kolen yon pengro djiyestar kamenna.

Maleachi 2:12

Mou čivell o baro Devel hako morshes pale, kay sau koova kras, te djivell yob bouder gar mank peskre menshende Israel, yob gar oun leskri familya vitar gar, ninna te anell lo čomone an o kheer o baro Deblestar, ko rayestar pral o bolepen oun i phoub.

4. Mose 14:34

Star-deesh divessa dikan t'men trouyel, har ko them hi, oun star-deesh bersha hounte hidjrenn t'mari doosh: yek bersh hako diveske, te hayvenn t'mer har kova hi, te tserdau miro vast t'mendar krik.

4. Mose 26:65

O baro Devel penas lenge, kay yon hounte merenn an o moulo tato them. Oun yaake ačan kek lendar djido har kokres o Kaleb, koleskro dad o Yefunne his, oun o Yosua, koleskro dad o Noun his.

5. Mose 28:18

T'mer lenna gar boud čave, gar boud djob, gar boud groumya oun bakre.

5. Mose 28:32

Tire morsh čave oun tire ča venn i menshenge an i vavar them dino, te boudrenn le lenge. Oun tire yaka dikenn kova, oun tiro dji nashell pal lende oun phagella. Oun an tire vasta ačell bouder kek zoor.

5. Mose 31:17

Palle rhačell miri rholi pre pral lende, oun me moukau len, oun vau lenge bouder gar ap i rig. Boud djoungelo pharo koova pherdo douka oun daar vell pral lende. Oun yon penenn palle ap ko dives: Kova lauter vell pral mende doleske, kay maro Devel bouder gar pash mende hi.

5. Mose 32:25

Ap i dromma marell len o rharo, oun an i khera i traash. Hakenes taprell o merepen: o terno morshes oun i terni čat, o ternepen oun kolen parne ballentsa.

Čačepangre 4:16

Oun o Barak peskre morshentsa las kol vourdya oun kol lourden palla bis pash o foro Haroshet-Goyim oun das len lauteren moulo o rhareha. Kek lendar ačas pral.

1. Samuel 16:14

Oun o baro Debleskro dourho djas peske o Saulestar. Oun o baro Devel bičras leske i čilačo dourho, hoy kras leske daar.