Hosea 9:11 - O Debleskro Lab 2024 (Sinte-Manouche)

¹¹ Efrayim, tiro raylepen djal peske, har i čirklo peske djal. I djouvya venn bouder gar vavarčandes, oun anenn bouder kek čaven ap i phoub.

O Debleskro Drom 2021 (Sinte)

¹¹ Efrajim, tiro railepen djal peske, har i tchirklo peske djal. I djuwja wenn buder gar wawartchandes, un anenn buder kek tchawen ap i phub.

Hosea 9:11 Iomraidhean Croise

1. Mose 41:52

Oun o douyto čaves das yob ko lab Efrayim oun penas: O Devel das man čaven an o them, kay djas mange gar mishto.

1. Mose 49:22

O Yosef hi har i terno rouk pash o pani, hoy hidjrell boud roukengre. Leskre kashta venn baro oun djan pral i pre-čidde barra, kay lo tardo hi.

2. Samuel 6:23

Oun i Mikal, o Sauleskri čay, kolat his kek ternepen an peskro tselo djipen.

Hiob 18:5

Na-a, o djipaskri momeli o čilačestar djal vin. Oun leskri yag rhačell bouder gar.

Debleskri gili 58:8

Kre te ačenn le gar djido, oun hounte krik djan har pani, hoy an i phoub nashell. Te čivenn le pengre fayle an, mouk len tele phagenn.

Sikepaskro 6:3

Nay vell i morsh, koleske venn sheel čave boldo, oun yob djivell boud bersha. Te vals lo yaake phouro oun vals gar barhtelo pral o lačepen an peskro djipen, oun leske vals vitar kek paskepen kerdo, kolestar penau me: I ternepen, kay moulo boldo vas, djal feteder har leske.

Jesaja 17:3

Troul i forya an Israel hi bouder kek massourya. Oun o foro Damaskus hi kek rayeskro foro bouder. Kol Syrarya, kay ačenn djido, lenge djal yaake har i Israelenge. Lengro raylepen ačell gar. Kova penell o baro Devel, ko ray pral o bolepen oun i phoub.

Hosea 10:5

I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Hosea 4:7

Yaake har t'mer rashaya boud oun boudeder van, kran t'mer boud oun boudeder čilačepen ap mande. Doleske krau, te venn bouder gar an-diklo, oun vitsrau t'men an i ladj.

Hosea 5:9

An ko tsiro, kay dau o Efrayimeske peskri phagi, vell leskro them i moulo them. Halauter, hoy i Israelenge trad dom, vell yaake har penom.

Hosea 9:14

Baro Devel, hoy te poučap toutar, te dess lende? Kre, te nay venn i djouvya bouder gar vavarčandes, oun nay denn bouder kek čavo i čouči.

Amos 1:13

O baro Devel penell: I menshe an o them Ammon kran pale te pale djoungelo koova. Har kouran le pen an o kourepen, te lenn le i bareder them, činan le djouvyen pre, kay vavarčandes his an o them Gilead. Doleske lenn le pengri phagi, oun khaytenn man gar.

Louka 23:29

Ko tsiro vella, kay i menshe penenna: Barhtele hi kol djouvya, kay lan kek ternepen.

5. Mose 28:18

T'mer lenna gar boud čave, gar boud djob, gar boud groumya oun bakre.

5. Mose 33:17

Leskri zoor hi yaake baro har i gouroumeskri zoor. Kolla, kay lestar venna hi har shinga i divye gourmendar. Kolentsa tradenn le i menshen dran vavar themma bis an i doureder themma ap i phoub. Kova krenn i menshe, kay venna o Yosefeskre douy čavendar: kol 10.000 (deesh-zerya) dran o kheer Efrayim, oun kol zerya dran o kheer Manasse.