Hosea 9:1 - O Debleskro Lab 2024 (Sinte-Manouche)

¹ Ma de gole i barhtyatar, Israel, har i menshe an vavar themma krenna! Tiro Deblestar djal tou krik oun vavar deblenge palla. Tou bikreh tout ap lende ap haki platsa, kay o djob vin dino vella.

O Debleskro Drom 2021 (Sinte)

¹ Ma de gole i bachtjatar, Israel, har i menshe an wawar themma krenna! Tiro Deblestar djal tu krik un wawar deblenge palla. Tu bikreh tut ap lende ap haki platsa, kai o djob win dino wella.

Hosea 9:1 Iomraidhean Croise

Debleskri gili 73:27

Koon toutar krik djal, djal tele. Oun koon moukell tout, koles aneh an o moulengro them.

Jesaja 17:11

hoy sik pre djan oun zenelo van, venn ap lende kek neve drake bares. Oun tou nay aneh či dren. Kova, hoy touke vell, hi nasslepen oun douka, hoy kek nay krik lell.

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Jeremia 2:20

O baro Devel penell: Hako tsiro hadal tout pral mande, oun kamal mange gar palla te djal. Tou penal: Me kamau kek ray pral mande. Oun čival tout koy har i loubni ap i berga tel hako zenelo rouk.

Jeremia 44:17

Mer kamah kova te rikrell, hoy mer penam, oun koy bolepaskri rayetsake soungepaskro koova te rhačrell, oun lake mool vin čorell. Kova kram mer, oun kran mare phoure, mare bare raya oun pralstoune an i forya o themestar Youda oun an i dromma o forestar Yerusalem. Har kova kram, his men ninna doha maro, oun menge djas mishto, oun mer dikam kek bibarht.

Ropaskre gilja 4:21

Ava, san t'menge oun khelenn, t'mer Edomarya an o them Ous! Pash t'mende vell ninna ko khoro pherdo o Debleskri rholi, hoy hounte piyenn, bis te venn mato oun rivenn t'men vin.

Ezekiel 16:15

Oun tou val pre-phourdo dran tiro shoukapen. Oun har i vavar tout yaake sharan, vitsral tout hakeneske ap i meen, kay kote djas, kay tou hals, oun dal tout leske.

Ezekiel 16:30

Har rhačell miri rholi pral toute, te kral tou kova lauter, penell o baro Devel, maro ray. Tou val i bari vi-ladjedi loubni.

Ezekiel 20:32

Hoy vas t'menge an o shero? T'mer penenn: “Mer kamah har i menshe an vavar themma te vell! Mer kamah deblen dran kasht oun bar an te mangell.” Me o baro Devel, t'maro ray, penau: Savo koova te vell kek tsireske! Me dau man sovel pash miro djipen, te ačap i zorelo ray pral t'mende – i ray i zorelo vasteha, oun i pre-hadedi moussyah, oun i baro rholyah.

Ezekiel 21:10

Palle dikell oun hayvell hakeno, te lom me, o baro Devel, miro rharo dran peskri possita, oun me čivau les gar pale pale koy.

Hosea 10:5

I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Hosea 2:12

Glan lakre pirnengre yaka rivau lat nanges vin. Oun kek nay lell lat dran miro vast vin.

Hosea 4:12

Mire menshe poučenn pengre deblen oun vavar kashta, te penenn yon lenge, hoy te krenn le. Lengre djia nashenn i rhorhene deblenge palla. Har i loubni moukell peskro romes, nashan le mandar, pengro Deblestar, krik.

Hosea 5:4

Ko čilačo koova, hoy le kran, rikrell len pale, te venn le pash mande. Yon nay moukenn gar tele, te mangenn le rhorhene deblen an. Man, o baro Debles, prindjrenn yon gar.

Hosea 5:7

Yon phagan mantsa, o baro Debleha, oun anan čave ap i phoub, kay man gar prindjrenn. Doleske venn le halauter krik lino an kol divessa, kay vell o nevo čon diklo, – yon khetne pengro themeha.

Amos 3:2

Mank i tsele natsyone ap kay phoub han t'mer kokres kolla, kolen mange vin rodom, oun ap lende yak dom. Doleske hi t'mari doosh yaake baro, oun me hounte dap t'men i phagi.

Amos 4:5

Anenn shoutlo maro o Debleske, te parkrenn pen pash leste! Denn vin gole, te anenn i menshe pendar čomone o Debleske! Oun palle denn vin gole, hoy hakeno anas. Savo koova kamenn t'mer yaake, t'mer Israelitarya! Kova penell o baro Devel, maro ray.

Amos 6:13

T'mer phourdenn t'men pre pral o foro Lo-Dabar, oun penenn: Mari zoryah lam o foro Karnayim dren.

Amos 8:10

T'mare bare divessa, kay hans barhtelo, venn kanna divessa, kay denn gole i bibarhtyatar. Oun t'mare gilya venna ropangre gilya. T'mer rivenn t'men an gone, oun činenn t'mare tsele balla ap o shero tele. Oun han yaake har i dad oun i day, kay pral pengro čaveste rovenn, kay meras, oun len hi kek vavar čave. Oun lauter, hoy djal an ko dives, krell i menshenge bari daar.

Jakobo 4:16

Kova penenn t'mer gar. T'mer krenn t'men bares, oun sharenn t'men pral kova, hoy t'mer krenna. T'maro sharepen hi gar mishto.

Jakobo 5:1

Kanna penau ap t'mende, kay bravelo han: Rovenn oun denn gole pral koy bibarht, hoy pral t'mende vella!