Hosea 8:14 - O Debleskro Lab 2024 (Sinte-Manouche)

¹⁴ I Israelitarya bistran koles, kay kras len. Yon krenn penge bare shoukar khera. Oun i menshe an o them Youda krenn penge zorele forya. Me, o baro Devel, vitsrau i yag an lengre forya, hoy lengre khera pre rhačrell.

O Debleskro Drom 2021 (Sinte)

¹⁴ I Israelitarja bistran koles, kai kras len. Jon krenn penge bare shukar khera. Un i menshe an o them Juda krenn penge sorele forja. Me, o baro Dewel, witsrau i jag an lengre forja, hoi lengre khera pre chatchrell.

Hosea 8:14 Iomraidhean Croise

1. Rajengro liil 12:31

O Yerobeam kras ninna moulne platse ap o pralstouno them, kay i moule debla an-mangedo venn, oun rodas rashayen vin, kay gar Levitarya his.

1. Rajengro liil 16:31

Oun har te vals gar doha, kay kras yob ko tselo čilačo koova, hoy ninna o Yerobeam kras, koleskro dad o Nebat his, romedineras lo i Isebel, koy čat o rayestar pral Sidon. Leskro lab his Etbaal. Oun o Ahab djas koy oun vitsras pes glan o rhorheno debleste Baal tele, oun mangas les an.

2. Rajengro liil 18:13

O Hiskiya his an o 14. (deesh-te-starto) bersh baro ray pral o them Youda, koy djas o baro ray pral o them Assour, o Sanherib, an o them Youda oun las i tsele zorele forya peske dren. Kote bičras o Hiskiya morshen pash o baro rayeste pral o them Assour. Kova his an o foro Lakish, oun moukas leske te penell: “Me anom doosh pral mande. Dja mandar krik! Hoy tou mandar kameh, ko kamau te playsrell.” Kote mangas o Sanherib lestar triin-sheel centnarya roup oun triyanda centnarya sonakay.

2. Familjakro liil 26:10

Yob kras ninna turme an o moulo tato them oun hadas boud panyenge brounne vin; les his boud firhe an o pralstouno them oun an o telstouno them, ninna djobengre harhe oun molyengre harhe ap i berge oun ap i berga Karmel. Leske his i harhengri boudi ap o dji čiddo.

2. Familjakro liil 27:4

Oun yob kras kol forya ap i berge Youda zorleder. Oun an i vesha kras lo zorele kourepangre khera oun turme.

Debleskri gili 106:21

Yon bistran ko Debles, kay lengro djipen dran o merepen vin las, oun baro koova an o them Egiptia kras,

Debleskri gili 95:6

Avenn, mangas les an! Te djas ap mare čanga, oun peras tele glan o baro Debleste! Yob hi kova, kay kras men.

Jesaja 17:10

Israel, tou bistral tiro Debles, kova, kay tout vin las dran i čilače vasta. Tou bistral koles, kay his touke har i baro zorelo bar, pal koleste nay khatral tout. Oun kral touke pre-čidde barra, kay mangeh vavar deblen an. Ninna te čival kote shoukar drakengre rouka an i phoub,

Jesaja 29:23

Te dikenn leskre čave ko koova, hoy mire vastentsa mashkral lende krau, palle hadenn le miro lab; yon sharenn man, o Yakobeskro Debles, kay hom kokres o čačo Devel. Oun yon mangenn man an, o Israeleskro Debles.

Jesaja 42:13

O baro Devel djal vin an o kourepen har i zorelo morsh; oun kourell pes har i kourepaskro, koleskro dji pherdo hi, te djal lo an o marepen. Zoreles dell lo o kourepaskri gole, oun kek daryah djal lo vin ap kolende, kay kourenn pen leha.

Jesaja 42:25

Kote moukas lo peskri bari rholi pral mende te vell, oun moukas men an i zorelo kourepen te vell. Leskri rholi his troul mende trouyel har i yag, oun mer hayvam kova gar. Ninna har rhačras men leskri rholi, lam kova gar an mare djia.

Jesaja 43:21

Oun mire menshe Israel, kolen mange krom, sharenn man glan i vavarende.

Jesaja 9:10

O baro Devel kras kolen zoreles, kay kamenn i Israelenge čilačepen te krell, o Rezin oun kol vavaren, te djan le ap lende pre:

Jesaja 9:9

“Kol barra dran rhačedi čik peran, – kova krell či. Mer čivah mare khera zorele barrentsa pale pre. I faygetikre rouka van tele dino. Kote čivah cedertikre rouka an i phoub.”

Jeremia 17:27

Te shounenn t'mer gar ap mande, oun djivenn ap o Debleskro dives har ap hako vavar dives, oun hidjrenn t'maro koova ap o Debleskro dives dren an kol voudya o forestar Yerusalem, palle čivau me yag an kol voudya, te rhačrenn i zorele khera pre an Yerusalem. Oun kek nay krell koy yag vin.

Jeremia 2:32

Nay bistrell i terni čay peskro sonakay, i terni djouvel, kay kamell romedinerell, peskro biyabeskro ripen? Na-a! Mire menshe bistrenn man pale te pale.

Jeremia 23:27

Yek penell o vavareske peskri souni. Oun koleha krenn le, te bistrenn man mire menshe yaake, har bistran man lengre phoure, har mangan le o debles Baal an.

Jeremia 3:21

I gole oun i ropen vell shounlo ap o pralstouno them: Kolla hi i Israelitarya, kay djivan i čilačo djipen, oun bistran lengro baro Debles.

Jeremia 5:17

Yon rhan tiro djob oun tiro maro, tire čaven, tire čen, tire bakren oun groumyen, tire drake, tire faygetikre rouka. T'mer patsenn, te djal t'menge či an t'mare zorele forya. Kolen lenn yon t'mendar o rhareha krik.

Ezekiel 23:35

Tou bistral man oun sikral man o doumo. Doleske hidje kanna tiri doosh, hoy ap toute anal, har vi-ladjedo koova kral oun har i loubni djival. Kova penell o baro Devel, maro ray.

Hosea 13:6

Oun har dom len te rhal, oun yon čalo van oun len doha his, phourdan le pen pre, oun bistran man.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

Amos 1:10

Me bičrau i yag ap i massurya troul o foro Tirus, hoy rhačrell leskre zorele khera tele.

Amos 1:12

Me bičrau i yag an o foro Teman, oun rhačrau i zorele khera tele an o foro Bozra.

Amos 1:14

Me bičrau i yag ap i foreskre massurya o forestar Rabba, hoy rhačrell leskre zorele khera tele, ap ko dives, kay vell o kourepaskri gole dino, oun o kourepen vin phagell har i baro phourdepen.

Amos 1:4

Me bičrau i yag an i shoukar khera, hoy o ray Hasael peske kras. Oun rhačrau i zorele khera tele, kay o baro ray Ben-Hadad djivas.

Amos 2:5

Me bičrau i yag an o them Youda, oun rhačrau kol zorele khera tele an Yerusalem.

Efesarja 2:10

Kova, hoy mer kanna ham, kras o Devel dran mende. Har vam patslo ap o Yezous Kristeste, das lo men o nevo djipen, te kras mer ko lačo koova, hoy yob menge vin rodas oun an mare vasta das.

5. Mose 32:18

Ko Devel, kolestar t'mer van, oun kova, kay rikras t'men, koles čivan t'mer ap i rig. Ko Devel, kay kras t'men, koles bistran t'mer.