Hosea 8:11 - O Debleskro Lab 2024 (Sinte-Manouche)

¹¹ I menshe an o them Efrayim kran penge boud rhačepangre, kay rhačran le čomone, te vell lengri doosh krik lino. Oun yaake kran le, te vas lengri doosh gomme boud oun boudeder.

O Debleskro Drom 2021 (Sinte)

¹¹ I menshe an o them Efrajim kran penge bud chatchepangre, kai chatchran le tchomone, te well lengri doosh krik lino. Un jaake kran le, te was lengri doosh gomme bud un budeder.

Hosea 8:11 Iomraidhean Croise

Jeremia 16:13

Doleske tradau me t'men dran kava them vin an i them, kay prindjrenn t'mer gar oun kay prindjran t'mare phoure vitar gar. Kote hounte venn vavar deblenge koy ap o dives oun ap i rati; me krau miro dji t'menge pandlo.

Jeremia 17:1

T'mer menshe an o them Youda, t'maro čilačepen hi dren činlo an t'mare djia, oun ap kol shinga ap kol rhačepangre, kay t'mer firhen rhačrenn. Ko čilačepen hi yaake dren činlo, te nay krenn kova gar bouder krik, har te vas kova an o bar dren dino i sasteha, hoy les i diamantikro shero hi.

Hosea 10:8

Khetne dine venn i moulne platse, kay i Israelitarya i rhorhene deblen an-mangan, oun o baro Deblestar tele peran. Soubyengro zenlepen oun soubyengre bourra venn bares ap lengre altare. Oun yon penenna: T'mer bare oun tikne berge, perenn pral mende, oun čakrenn men!

Hosea 12:11

Me rakrom ap mire rakepangre, oun sikrom lende boud kope, hoy vella. Dran lende moukom t'menge trad te dell.

Hosea 5:4

Ko čilačo koova, hoy le kran, rikrell len pale, te venn le pash mande. Yon nay moukenn gar tele, te mangenn le rhorhene deblen an. Man, o baro Debles, prindjrenn yon gar.

5. Mose 4:28

Oun kote mangenn t'mer kol deblen dran kasht oun bar an, hoy menshengre vastentsa kerdo van. Oun kol debla nay dikenn oun shounenn, nay rhan oun soungenn gar.