Hosea 8:10 - O Debleskro Lab 2024 (Sinte-Manouche)

¹⁰ Ninna te denn le love kol rayende pral i vavar themma, kamau len me khetne te lell, te dap len i phagi. An i tikno tsiro hounte djan le doukentsa tel o pharepen, hoy čivell o baro ray dran o them Assour ap lende.

O Debleskro Drom 2021 (Sinte)

¹⁰ Ninna te denn le lowe kol rajende pral i wawar themma, kamau len me khetne te lell, te dap len i phagi. An i tikno tsiro hunte djan le dukentsa tel o pharepen, hoi tchiwell o baro rai dran o them Assur ap lende.

Hosea 8:10 Iomraidhean Croise

2. Rajengro liil 14:26

Doleske bičras o baro Devel lenge o Yerobeames, har dikas lo koy bari bibarht, hoy ap o Israel čiddo his, oun kek, čačepah, kek koy his, kay lenge ap i rig vas. O baro Devel penas gar, kay kamell lo i Israelitaryen krik te lell i phoubyatar. Doleske las lo len vin dran lengri bari bibarht, oun bičras lenge o Yerobeames, koleskro dad o Yoash his.

2. Rajengro liil 17:3

Oun o baro ray pral o them Assour, o Salmanassar, vas peskre lourdentsa pral leste. Oun i Israelitarya van dino. Oun o Hoshea hounte das leske hako bersh roup oun sonakay.

2. Rajengro liil 17:4

Pal i tsiro bičras o Hoshea bičepangre pash o baro rayeste pral o them Egiptia, – leskro lab his So – te krell lo pes koleha khetne. Oun o Hoshea bičras bouder kek roup oun sonakay o baro rayeste pral o them Assour. Har kova kava koova shounas, moukas lo les te taprell oun vitsras les an o stilepen.

1. Familjakro liil 5:26

Kote bičras o Israeleskro Devel pral lende o baro rayes dran o them Assour, o Poul, – leskro lab hi ninna Tiglat-Pileser – oun yob moukas i menshen dran o kheer Ruben oun Gad oun i paash familya dran o kheer Manasse pandles krik te anell, oun anas len an i themma troul i forya Hala oun Habor oun Hara oun pash o lengsto pani Gosan. Kote hi le gomme kava dives.

Jesaja 10:8

Yob penas: “Čačepah, mire tsele pralstoune lourden hi yaake boud penepaske har bare raya.

Jesaja 30:2

Mandar poučenn le gar, hoy te krenn le. Na-a, yon djan tele pash i Egiptaryen, te mangenn le o rayestar Farao, te vell yob ap lengri rig, oun te rikrell lo peskre vasta pral lende.

Jesaja 36:13

Oun ko pralstouno djas glan oun das gole an o hebretikro rakepen: “Shounenn ko lab o baro rayestar, ko rayestar pral o them Assour!

Jeremia 42:2

oun penan ap o Debleskro rakepaskro, o Yeremia: Mouk maro mangepen glan toute te vell, oun mange tiro baro Deblestar kal tsele menshenge, kay pral ačan! Glan i tsiro hams boud, kanna ačan gar boud pral mendar, har tou nay tire yakentsa dikeh.

Ezekiel 16:33

Haki vavar loubyat vell love dino. Tou dal gomme kolen, kay tout lan, čomone. Oun ginal len, te venn le pash toute dran kol themma, kay le hi, oun sovenn touha.

Ezekiel 16:37

Doleske dik, me kharau lauteren khetne, kay touha trouyel kran, oun an kolengre yaka yaake shoukar hals, kolen tou kamal, oun kolen gar kamal. Oun dran i tsele themma, hoy troul toute čiddo hi, anau len khetne, te djan le ap toute pre. Palle rivau touke glan lengre yaka tire koola vin, te dikenn le tout, har tou nango hal.

Ezekiel 22:20

Yaake har o roup khetne o sasteha oun o blayo an o bob čiddo vell, oun i yag koy tel kerdo vell, te nashell kova har pani, yaake anau me t'men ninna khetne an Yerusalem. Kava foro vell t'menge har i bob, kay vell miri tati rholi ap t'mende.

Ezekiel 23:5

Oun an ko tsiro, har his li miro, loubras i Ohola trouyel, oun nashas vavar morshenge palla. Lakre pirne his kourepangre dran o them Assour,

Ezekiel 26:7

Kava penell o baro Devel, maro ray: Me moukau o Neboukadnezar, ko baro ray dran o them Babilonia, ko zorleder i tsele rayendar, pral toute, Tirus, te vell foun kotar, kay norden hi. Oun khetne leha venn graya, vourdya o kourepaske, klissepangre oun boud boud lourde.

Daniel 2:37

Tou miro baro ray, hal o bareder i tsele rayendar. O bolepaskro Devel kras, te val baro ray, das tout zoor oun kras tout bares.

Hosea 10:10

Man hi an miro dji, te dap len kote dava. Me anau lourden dran vavar themma khetne, te lenn le len pandlo, kol douy doshenge, hoy le ap pende anan.

Hosea 12:2

O Efrayim kamell o dourho dren te taprell, oun nashell o tato dourho palla, kay vell kotar, kay o kham pre djal. Oun hako dives krell lo boudeder rhorhepen oun randepen. Yon čivenn pen o themeha Assour khetne, oun anenn djet an o them Egiptia.

Haggai 2:6

Doleske penell o baro Devel, ko ray pral o bolepen oun i phoub: An i tikno tsiro krau me, te trissenn o bolepen oun i phoub, o baro pani oun o trouk them.