Hosea 7:8 - O Debleskro Lab 2024 (Sinte-Manouche)

⁸ O them Efrayim djal khetne vavar thementsa. O Efrayim hi har i paash-pekedi merkli, hoy vas gar trouyel rissedo.

O Debleskro Drom 2021 (Sinte)

⁸ O them Efrajim djal khetne wawar thementsa. O Efrajim hi har i paash-pekedi merkli, hoi was gar trujel rissedo.

Hosea 7:8 Iomraidhean Croise

1. Rajengro liil 18:21

Har yon lauter khetne his, djas o Eliya glan i tsele Israelitaryen oun penas: “Har dour kamenn t'mer gomme ap douy rigya te djan? Hi o baro Devel o čačo Devel, palle nashenn leske pal, te hi o Baal, palle nashenn leske pal!” I menshe penan leske kek lab pale pale.

Esra 9:1

Har kova halauter kerdo his, van i pralstoune pash mande oun penan: “I menshe dran Israel, i rashaya oun i Levitarya rikran pen gar pale i vavar menshendar, kay djivenn an kava them: kol Kanaanitarya, Hetarya, Perisarya, Yebousarya, Ammonarya, Moabarya, Egiptarya oun Amorarya. i Israelitarya krenn yaake djoungelo koova har kolla.

Esra 9:12

Doleske ma denn t'mare čen lengre čavenge! Oun lengre čen ma lenn len t'mare čavenge! Ma avenn lengre mala! Oun denn yak, te venn le gar bravelo, an kek tsiro. Palle nay venn t'mer zoreles an o them, oun nay rhan ko lačepen, hoy an ko them koy hi. Kova nay denn palle t'mare čaven, te djivenn le an hako tsiro an ko them.

Debleskri gili 106:35

Na-a, yon romedineran pen kolentsa, kay o Debles gar prindjrenn, oun kran sau koova har yon kran,

Hosea 5:13

Har dikas o Efrayim peskro nasslepen oun o Youda peskro doukepen, djas o Efrayim an o them Assour, oun poučas kote o baro rayestar, te vell lo leske ap i rig. Kova nay vell t'menge gar ap i rig, vitar gar nay krell lo t'maro doukepen sasto.

Hosea 5:7

Yon phagan mantsa, o baro Debleha, oun anan čave ap i phoub, kay man gar prindjrenn. Doleske venn le halauter krik lino an kol divessa, kay vell o nevo čon diklo, – yon khetne pengro themeha.

Hosea 7:9

I vavar menshe rhan leskri zoor, oun yob hayvell kova gar. O Efrayim hi har i phouro morsh, koleskre balla parno van. Oun yob hayvell gar, kay leskro tsiro sik trouyel hi.

Hosea 9:3

T'mer ačenn gar an o them, hoy o baro Devel t'men das. I menshe dran o them Efrayim hounte djan pale an o them Egiptia, ninna an o them Assour. Kote hounte rhan le savo koova, hoy pale-čiddo hi.

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

Maleachi 2:11

I menshe dran Youda phagan pengri sovel, hoy dan le pengro Debleste. Oun an o them Israel oun an o foro Yerusalem djal djoungelo koova, hoy i menshen pale-čiddo krell. I morsha an Youda romedineran djouvyen, kay vavar deblen an-mangenna. Oun yaake kran le o kheer pale-čiddo, kay o baro Devel djivell, oun hoy lo kamell.

Mateo 6:24

Kek boudrell nay douy rayenge. Te vals kova yaake, boudrals lo ko yekeske mishto, oun ko vavareske gar mishto. Ko yekes kamals yob gar, kol vavares kamals yob o djiyestar. Tou nay boudreh gar o Debleske oun rodeh tiro bravlepen.