Hosea 7:10 - O Debleskro Lab 2024 (Sinte-Manouche)

¹⁰ I Israelengre pre-phourde djia sikrenn, har boud doosh ap lende hi. Ninna te hi kova yaake, venn le gar pale pash mande, lengro baro Debleste, oun rodenn man gar.

O Debleskro Drom 2021 (Sinte)

¹⁰ I Israelengre pre-phurde djia sikrenn, har bud doosh ap lende hi. Ninna te hi kowa jaake, wenn le gar pale pash mande, lengro baro Debleste, un rodenn man gar.

Hosea 7:10 Iomraidhean Croise

Debleskri gili 10:4

O čilačo rikrell o nak pral oun penell peske: O Devel poučell gar palla. Lauter, hoy leske an o shero trouyel djala, hi: Dell kek Devel.

Debleskri gili 14:2

O baro Devel dikell dran o bolepen tele ap i menshende, te dikell lo: Dell yek, kay gosevo hi oun pal leste poučella?

Debleskri gili 53:2

Dinele hi le, kay rakrenn penge: “Hi kek Devel.” Či-molde hi le. Lauter, hoy le krenna, hi djoungelo oun rhorheno koova. Kek hi koy, kay krell o lačepen.

Gosewe laba 27:22

I kashteha vell djob tiknes kerdo an i piri. Ninna te krals yaake i dineleha, perals leskro dinlepen gar lestar tele.

Jesaja 9:12

Oun i menshe dran Israel van gar pale pash koleste, kay len kol dava dell, oun rodan gar o baro Debles, ko rayes pral o bolepen oun i phoub.

Jesaja 9:13

Ap yek dives las o baro Devel lendar i pralstunen krik, ninna kol rhorhene rakepangren, kay penan, kay lengre laba o Deblestar van. Kova hi, har te činals yek i mačestar o shero oun o pori tele, oun i roukestar i patria oun i telstouno kotar. I phourende oun i an-dikle hi o shero. Kol rhorhene, kay penenn, lengre laba vans o Deblestar, hi o pori.

Jeremia 3:3

Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

Hosea 13:14

Ginap me len vin dran i zoor, hoy o moulengro themes hi? Lap me len vin dran o merepen? Tou, merepen, kay hi tout ko nasslepen, ap koleste i menshe merenn? Tou, moulengro them, kay hi tout ko pharo nasslepen, hoy anell i menshen pash toute? Kal menshe khaytenn man bouder gar.

Hosea 5:5

Lengre pre-phourde djia sikrenn, har boud doosh ap lende hi. Dran lengri doosh perenn i Israelitarya an i bibarht. Ninna i menshe dran o them Youda perenn lentsa khetne.

Hosea 6:1

Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

Hosea 7:7

Halauter lendar rhačenn i rholyatar har i bob. Yon marenn pengre čačepaskre rayen. Lengre bare raya perenn yek pal o vavar. Oun kek lendar dell pal mande gole.

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

Zakarie 1:4

Ma avenn har t'mare phoure! Glan boud bersha penan lenge mire rakepangre mire laba oun penan: Kava penell o baro Devel, ko ray pral o bolepen oun i phoub: Moukenn t'mare čilače dromma! Ma krenn bouder gar čilačo koova! Yon shounan gar ap mande oun kran gar, hoy lenge penom.

Remarja 3:11

Kek mensho hi gosevo. Kek rodell o Debles.