Hosea 6:5 - O Debleskro Lab 2024 (Sinte-Manouche)

⁵ Doleske bičrom t'menge mire rakepangre. Oun lengro rakepah dau me t'men khetne, oun marau t'men mire labentsa, hoy venn dran miro mouy. Miro čačepen vell glan har o kham.

O Debleskro Drom 2021 (Sinte)

⁵ Doleske bitchrom tumenge mire rakepangre. Un lengro rakepah dau me tumen khetne, un marau tumen mire labentsa, hoi wenn dran miro mui. Miro tchatchepen well glan har o kham.

Hosea 6:5 Iomraidhean Croise

1. Mose 18:25

Ko nashte kreh tou gar, te dess kolen temerl, kay kek čilačepen kran – khetne kolentsa, kay čilačo hi. Yaake te djal koleske, kay an o čačepen tardo hi, har koleske, kay čilačo hi. Tou hal o čačepaskro ray pral i tseli phoub. Kameh tou čomone te krell, hoy gar mishto oun čačo hi?”

1. Rajengro liil 14:6

Oun yaake vas, har shounas o Ahia, har vas li an o voudar dren, penas lo: “Ab dren, romni o Yerobeamestar! Hoske kameh tout har i vavar djouvel vin te dell? Me vom bičedo pash toute, oun man hi i zorelo rakepen, hoy tou hounte shouness.

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

1. Rajengro liil 18:17

Oun har o Ahab o Eliyas dikas, penas lo ap leste: “Hal tou kova, kay anom o Israel an i bibarht dren?”

1. Rajengro liil 19:17

Palle vell yaake: Koon nay nashell peske glan o rharo, koleha o Hasael dell, koles marell o Yehou. Oun koon nay nashell peske glan o rharo, koleha o Yehou dell, koles marell o Elisa.

2. Rajengro liil 1:16

oun penas ap leste: “Kova penas o baro Devel: Tou bičral bičepangren pash o Baal-Seboub, ko devel an Ekron, te poučess lestar i lab, har te vals kek Devel an Israel, kay nay poučeh i lab. Doleske veh tou gar bouder tiro čiben tele, kay tou pre čiddo hal. Čačepah tou mereh.”

2. Familjakro liil 21:12

Koy bičras o Debleskro rakepaskro, o Eliya, leske i liil. An leste his tardo: O baro Devel, ko Devel tiro phouro dadestar David, penell touke: Tou ačal gar ap o drom, kay djas tiro dad, o Yosafat oun tiro papo, o Asa, ko baro ray pral Youda.

Hiob 15:30

Yob nay vell gar vin dran o tamlepen, oun hi har ko rouk, koleskre zenele kashta rhačedo venn an i yag. Oun o Devel phourdell ap leste, oun krik hi lo.

Hiob 34:10

Doleske, t'mer morsha, kay yaake boud hayvenn, shounenn ap mande! An kek tsiro krell o zorelo Devel i čilačo koova. Hako tsiro hi lo an o čačepen tardo!

Debleskri gili 119:120

Toutar darau yaake, te trissau. Tou deh i phagi kolen, kay shounan gar ap toute.

Debleskri gili 37:6

Oun yob moukell tiro čačepen pre te djal har o kham, oun moukell tiro čačepen diklo te vell har o kham mashkral o dives.

Jesaja 11:4

Na-a, yob dell i čorvelende pengro čačepen, oun vell kolenge ap i rig, kay gar an-dikle hi, te lenn yon pengro čačepen. Penell lo i zorelo lab, palle lenn i marepangre pengri phagi. Les hi i zoor, te penell ap o čilačeste: “Tou hounte meress!”

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Jeremia 1:10

Dik kay! Me dau tout kay dives penepaske pral boud menshende oun themma, te tradess len vin, phagess len khetne, dess len tele oun kress len paash, oun moukess len pale bares te vell, oun kress len zoreles.

Jeremia 1:18

Kava dives dau me tout i zoor, te vess yaake zorelo har i zorelo foro, i sasterno rouk, oun i massouri dran lolo saster. Hakeno an kava them vell rhoyedo ap toute: i bare raya oun pralstoune pral o them Youda, ninna i rashaya oun i menshe an kava them.

Jeremia 13:13

Palle pen lenge: Kova penell o baro Devel: Me kamau lauteren mato te krell, kay djivenn an kava them: kol bare rayen, kay ap o Davideskri beshepaskri beshdo hi, i rashayen oun o Debleskre rakepangren oun i tsele menshen, kay djivenn an o foro Yerusalem.

Jeremia 23:29

Miro rakepen hi har i yag, oun har i depaskro saster, hoy barra phagell.

Jeremia 5:14

Doleske penell o baro Devel, ko ray pral o bolepen oun i phoub: Savo koova rakrenn t'mer! Doleske kamau me mire laba an tiro mouy, Yeremia, har yag te krell, oun i menshen har kasht rhačepaske, oun koy yag rhal kol kashta pre.

Ezekiel 11:4

Doleske peness tou, mensho, lenge, hoy moukau me, o Devel, ap lende te vell!

Ezekiel 3:9

Ava, krau tout zorelo har i bar, ava yaake zorelo har i diamanto. Ma dare lendar, mouk touke kek traash te krell lendar. Yon hi menshe, kay moukenn pen či te penell.

Ezekiel 32:18

Tou, mensho, rob pral i menshende an o them Egiptia, khetne kol djouvyentsa dran i vavar zorele themma! Oun biče i Egiptaryen tele an o moulengro them pash i moulende.

Ezekiel 43:3

Oun kova, hoy me dikom an kay visiona his har kova, hoy dikom, har homs pash o lengsto pani Kebar, oun ninna har kova, hoy dikom, har vas o Devel an o foro Yerusalem, te dell lo o foro paash. Oun me moukom man ap i phoub te perell glan leste.

Zefanja 3:5

Kova lauter krenn le, ninna te djivell o baro Devel mank lende. Yob krell kek čilačepen. Oun leskro čačepen ačell zoreles tardo. Yaake har hako dives o kham pre djal, yaake sikrell lo hako dives, har te djivenn le an o čačepen. Kol čilače menshe krenn pale te pale djoungelo koova, oun ladjenn gar.

Bičepangre 7:31

Hoy yob kote dikas, nay patsas lo gar. Yaake djas lo pash ko bour, te nay dikell lo feteder, hoy kova hi. Kote rakras o Devel ap leste:

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

Efesarja 6:17

Ma bistrenn, te las t'men o Yezous Kristo dran o čilačepen oun o merepen vin! Kova hi t'menge har i sasterni stadi ap t'maro shero. Lenn ninna o Debleskro lab an t'maro vast. Kova hi har i rharo, hoy dell t'men o Debleskro Dourho.

Hebrearja 4:12

O Debleskro lab hi djido oun zorelo, oun činell zorleder har i rharo, hoy činell ap douy rigya. Yaake har činell i rharo dour dren an o mass, ninna an i kokale, yaake činell o Debleskro lab dour dren an o mensheskro dji, oun sikrell leste, hoy hi lačo oun čilačo an leskro djipen.

Debleskro tsiro 1:16

Oun an leskro čačo vast his les efta bolepangre momlia. Oun dran leskro mouy vas i rharo, hoy ap douy rigya nay činella. Oun leskro mouy his har o kham.

Debleskro tsiro 2:16

Krenn kanna ko čilačo koova bouder gar! Te moukenn t'mer kova gar, palle vau an i tikno tsiro, oun čingrau ap kolende, kay shounan gar ap mande. Oun miro rakepen činella har i rharo.

Debleskro tsiro 9:15

Oun kol starenge van lengre shelle pre kerdo, te krenn le koy boudi, hoy hounte krenn le ap kava dives, an kava čon, an kava bersh: Yon hounte marenn hako triinto menshes ap i phoub.

Debleskro tsiro 9:21

Oun yon moukan gar pengro bengeskro koova oun pengro vi-ladjedo koova, oun moukan gar tele te marell oun te čorell.

1. Samuel 13:13

O Samuel penas ap o Saul: “Tou kral dinelo koova, oun kral gar pal ko lab, hoy penal touke o baro Devel, kay tiro Devel hi. Te krals tou pal ko lab, čivals lo tout hako tsireske pral o Israel, te ačals lengro baro ray.

1. Samuel 15:22

O Samuel penas: “Hoy patseh, hi shoukar o baro Debleske: Fiche, hoy leske maredo venn, save hoy leske tseles rhačedo venn oun save, kolengre feteder kotya mass leske rhačedo venn? Kamell lo gar boudeder, te shounell yek ap kova, hoy lo penell? Djin, te shouneh tou ap o baro Debleste, hi kova leske feteder, har te deh les firhen. Te shouneh tou mishto ap leste, hi kova feteder, har te deh les thoulle kotya i bakrestar.

1. Samuel 15:32

Oun o Samuel penas: “Anenn o Agag, ko rayes pral o Amalek, kay pash mande!” Oun o Agag djas daryah koy, oun penas: “Čačepah, har phares hi mange te hounte merap.”

1. Samuel 15:33

O Samuel penas: “Har tiro rharo i djouvyenge lengre čaven maras, yaake vell kova, te hi tiri dat gomme kek čavo bouder.” Oun o Samuel das o Agag an kotya, glan o baro Debleste an o foro Gilgal.