Hosea 6:1 - O Debleskro Lab 2024 (Sinte-Manouche)

¹ Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

O Debleskro Drom 2021 (Sinte)

¹ Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

Hosea 6:1 Iomraidhean Croise

2. Familjakro liil 30:6

Oun o baro ray oun i pralstoune dan i bičepangren i lila an o vast. Oun kolla nashan an o tselo them Israel oun Youda, oun dan vin gole yaake har o baro ray lenge penas: “T'mer Israelitarya, kay pral ačan oun vin lino van dran i vasta kol bare rayendar pral o them Assour, avenn pale pash o baro Debleste, ko Devel t'mare phourendar, o Abraham, o Isaak oun o Israel! Palle vell yob pale pash t'mende.

Hiob 16:9

Leskri rholi dandras man khetne oun las man palla. Yob sikrell peskre danda, oun peskre yaka dikenn ap mande har te vans le čourya.

Hiob 22:23

Te veh tou pale pash o zorelo Debleste, krell lo tout pale zorelo. Čip o čilačepen dour krik dran tiro kheer!

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Hiob 5:18

Yob doukrell, oun palle čivell lo i pandepen ap ko doukepen. Yob dell khetne, oun leskre vasta krenn pale sasto.

Debleskri gili 30:7

Har mange mishto djas, penom: “Či nay vell, hoy nay krell mange čomone.”

Debleskri gili 6:2

Baro Devel, tou hal rhoyedo ap mande. Ma de man savi bari phagi! Ma de man gar an tiri rholi!

Debleskri gili 71:20

Tou moukal boud oun bari daar ap mande te vell. Oun tou deh man pale nevo djipen, oun aneh man pale vin dran o telstunepen i phoubyatar.

Sikepaskro 3:3

Dell yek tsiro, kay vell maredo, oun yek tsiro, kay vell o doukepen sasto; yek tsiro, kay vell o kheer tele phagedo, oun yek tsiro, kay vell o kheer pre-čiddo.

Jesaja 17:7

Ap ko dives dikenn i menshe ap koleste, kay len kras. Kova hi o Israeleskro Devel.

Jesaja 2:3

oun penenn: “Avenn, te djas pre ap i berga o baro Deblestar, pash o kheer o Yakobeskro Deblestar, te sikrell lo men peskre dromma, te djinas, hoy lo mendar kamell.” O baro Debleskre laba djan vin dran Sion. Dran o foro Yerusalem rakrell lo i menshentsa.

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Jeremia 3:22

Avenn pale pale, t'mer kay djan t'menge mandar! Oun me kamau lauter bistrell, hoy kran. Dik, mer vah pash toute. Tou hal o baro Devel, maro ray.

Jeremia 30:12

O baro Devel penell: Tiro činepen hi djoungelo, tiro doukepen nay krell kek mensho sasto.

Jeremia 30:17

Tout oun tiro doukepen krau me pale sasto, penell o baro Devel, ninna te penenn le ap toute o praasedo them un: o foro Sion, pal koleste kek poučella.

Jeremia 33:5

T'maro kourepen lentsa hi čičeske. Yaake venn i khera an o foro pherdo i moule menshendar, kay moukom me an miri rholi moulo te dell. I menshe an kava foro his yaake čilačo, te kamom bouder gar ap lengri rig te vell.

Jeremia 33:6

Kanna shoun, me kamau kava foro pale zoreles te krell, oun leskro doukepen sasto te krell, te djal leskre menshenge mishto, oun te nay djivenn le kek daryah.

Jeremia 50:4

An kol divessa oun ap ko emligo tsiro, penell o baro Devel, venn kol menshe dran o them Israel, khetne kol menshentsa dran o them Youda oun djan trouyel o ropah, oun rodenn man, pengro Debles.

Jeremia 50:5

Yon poučenn pal o drom ap i berga Sion, kote kamenn le te djal: “Avenn, te kras men ap o drom pash o baro Debleste! Mer kamah pale leskre menshe te vell, oun yob te vell maro Devel! Kova te ačell yaake hako tsiro, mer kamah les gar te bistrell.”

Ropaskre gilja 3:11

Yob tserdas man tele o dromestar, dandras man an kotya, oun moukas man čiddo.

Hosea 11:10

Palle djan le o baro Debleske palla, oun yob dell gole har i levo, ava, yob dell gole har i levo, oun leskre čave venn trisslepah pash leste foun kotar, kay o kham tele djal.

Hosea 12:6

yob, o ray pral o bolepen oun i phoub, leskro lab hi baro Devel.

Hosea 14:1

I menshe an o foro Samaria lenn pengri phagi. Yon moukan pen či te penell pengro Deblestar. Doleske venn le o rhareha maredo. Oun lengre tikne čave venn moulo dino. Oun i djouvya, kay lenn i čavo, venn pre činle.

Hosea 14:4

Mer poučah bouder gar kolendar dran o them Assour, te venn le menge ap i rig, oun djinah, mari zoor vell gar mare grayendar oun vourdya. Oun ap kova, hoy mer mare vastentsa kram, penah bouder gar: “T'mer han mare debla.” Tou kreh tiro dji pre kolenge, kolen kek dad bouder hi.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

3. Mose 14:48

Te djal o rashay pale dren, oun yob dikell, te djas ko djounglepen gar doureder pal kova, kay makan le vavar čik ap i barra, palle rakrell o rashay vin, te hi o kheer bouder gar pale-čiddo. Ko djounglepen djas krik.

Zefanja 2:1

T'mer menshe, kay kamenn pen gar te ladjell! Dikenn dren, hoy kran! Oun avenn pale pash o baro Debleste,

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.

1. Samuel 2:6

O baro Devel dell temerl, oun yob krell djido. Yob anell tele pash i moulende oun pale pre.

1. Samuel 7:3

Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”