Hosea 5:5 - O Debleskro Lab 2024 (Sinte-Manouche)

⁵ Lengre pre-phourde djia sikrenn, har boud doosh ap lende hi. Dran lengri doosh perenn i Israelitarya an i bibarht. Ninna i menshe dran o them Youda perenn lentsa khetne.

O Debleskro Drom 2021 (Sinte)

⁵ Lengre pre-phurde djia sikrenn, har bud doosh ap lende hi. Dran lengri doosh perenn i Israelitarja an i bibacht. Ninna i menshe dran o them Juda perenn lentsa khetne.

Hosea 5:5 Iomraidhean Croise

Gosewe laba 11:21

Tou nay deh tiro vast koy pre: O čilačo lell peskri phagi. Kolla, kay an o čačepen tardo hi, venn vin lino dran o merepen.

Gosewe laba 11:5

Ko čačo koova, hoy o Debleskre menshe krenna, krell lengre dromma čačo. Ko čilačo nashrell pes an peskro čilačo koova.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Gosewe laba 24:16

Kova, kay an o čačepen tardo hi, nay perell efta kope, hako kopo stell lo pale pre. I čilače perenn an i bibarht.

Gosewe laba 30:13

Hi menshe koy, kay patsenn pendar, har lačo yon hi, oun dikenn tele ap hako vavareste.

Jesaja 3:8

O foro Yerusalem peras, oun o them Youda hi koy čiddo. Hoske? Yon doukran o baro Debles pengre labentsa, oun ninna koleha, hoy le kran. Kova, hoy o zorelo Devel lenge penas, kaman le gar te krell.

Jesaja 3:9

O čilačepen dikell dran lende vin. Oun yon anenn doosh ap pende oun kolah sharenn le pen ninna gomme, yaake har kol menshe an o foro Sodom ninna kran. I bibarht vell ap lende, koya anenn yon kokres pengro djoungelo djipah pral pende!

Jesaja 44:9

Kolla, kay deblengre figure kran, hi či moldo, oun kol shoukar figure hi ninna čičeske. Oun kolla, kay mangenn len an, dikenn oun hayvenn či, hoy lengro devel krals.

Jesaja 59:12

Baro Devel, boud kope peram toutar tele. Mari doosh, hoy mer ap mende lam, sikrell har čilačo ham. Ko čilačepen, hoy kram, hi glan mare yaka, oun mer djinah, havo djounglepen ap toute kram:

Jeremia 14:7

Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Hosea 14:1

I menshe an o foro Samaria lenn pengri phagi. Yon moukan pen či te penell pengro Deblestar. Doleske venn le o rhareha maredo. Oun lengre tikne čave venn moulo dino. Oun i djouvya, kay lenn i čavo, venn pre činle.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Hosea 4:5

Doleske perenn t'mer rashaya ap o dives, oun o Debleskro rakepaskro, kay pash t'mende hi, perell ratsyake. Oun o kheer Israel, t'mari day, krau paash.

Hosea 5:14

Me hom o themeske Efrayim har i levo, oun o khereske Youda har i terno levo. Me dandrau len an kotya, oun djau mange. Me hidjrau len krik, oun kek nay lell len dran miro vast vin.

Hosea 7:10

I Israelengre pre-phourde djia sikrenn, har boud doosh ap lende hi. Ninna te hi kova yaake, venn le gar pale pash mande, lengro baro Debleste, oun rodenn man gar.

Hosea 8:14

I Israelitarya bistran koles, kay kras len. Yon krenn penge bare shoukar khera. Oun i menshe an o them Youda krenn penge zorele forya. Me, o baro Devel, vitsrau i yag an lengre forya, hoy lengre khera pre rhačrell.

Amos 5:2

Koy terni čay Israel peras, te stell li bouder gar pre. Mouklo hi li čiddi ap i phoub, oun kek hi koy, kay hadell lat pre.

Mateo 23:31

Me penau t'menge: Te penenn t'mer kova yaake, palle sikrenn t'mer, kay han i čave kolendar, kay o Debleskre rakepangren maran.

Louka 19:22

Ap koleste penas o ray: Tou moleh či. Tou hal i čilačo boudepaskro. Tou djinal, kay hi man i dji dran bar, oun kay lau, kay dom či, oun hoy me gar an i phoub čivom, te vell kova baro.