Hosea 4:2 - O Debleskro Lab 2024 (Sinte-Manouche)

² Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

O Debleskro Drom 2021 (Sinte)

² Kowa, hoi pash tumende hatslo well hi koshepen, chochepen, tchorepen, menshe wenn mulo dino, un bud mursha chochenn pengre romjen, un bud djuwja pengre romen. Un jon marenn jekes pal o wawares.

Hosea 4:2 Iomraidhean Croise

1. Mose 4:8

O Kayn penas ap peskro phraleste Abel: “Am! Djas vin ap o them!” Oun har yon vin ap o them his, hadas pes o Kayn ap peskro phraleste Abel oun das les moulo.

Jesaja 24:5

I menshe ap i phoub moukan o Debleskro drom, oun rikran pen gar ap leskre laba, oun djivan gar yaake, har lo lentsa vin kras, oun hoy hako tsireske čačo hi. Yaake kran le i phoub pale-čiddo.

Jesaja 48:1

Shounenn, t'mer dran o kheer Yakob, t'mer, kay venn o labeha Israel gole dino, oun venn dran o kheer Youda. T'mer denn t'men sovel pash o baro Debleste, oun penenn, te mangenn o Israeleskro Debles an. An o čačepen oun i djoudjo djiyeha krenn t'mer kova gar.

Jeremia 51:5

I Babilonarya kran baro čilačepen ap o Israeleskro Debleste. O Israel oun o Youda van gar mouklo pengro Deblestar, ko baro Deblestar, kay hi o ray pral o bolepen oun i phoub.

Jeremia 6:7

Yaake har dran i brounna o pani vella, yaake vell dran o foro o čilačepen. I gole kolendar, kay venn zoryah tele rikedo oun doukedo, shounau. Menshe lenn glan mande dava oun venn maredo.

Ropaskre gilja 4:13

Kova vas pral o foro koy doshake, hoy o Debleskre rakepangre oun i rashaya ap pende anan. Yon moukan kote save menshen te marell, kay kek čilačepen kran.

Ezekiel 7:23

Kre i shello! O tselo them hi pherdo kolendar, kay lan rateskri doosh ap pende. Oun o foro hi pherdo kolentsa, kay rikran i vavaren i zoryah tele.

Hosea 10:13

T'mer kran o čilačepen, oun t'maro djipen anas čilačo koova vin. Oun t'mer rhan, hoy dran t'maro rhorhepen vin vas. T'mer djan pal t'maro shero, oun dikenn ap t'mare bare oun zorele kourepangre, te venn le t'menge ap i rig.

Hosea 10:4

I bare raya krenn boud laba, denn pen rhorhene sobya, oun krenn pen vavar thementsa khetne. Kova, hoy kharenn le čačepen, hi har ko čilačo zenlepen, hoy vell baro ap i harhetikri phoub oun anell o merepen.

Hosea 12:14

O baro Devel bičras peskro rakepaskres, te anell lo i Israelitaryen dran o them Egiptia vin. Oun leskro rakepaskro das yak ap lende.

Hosea 5:2

T'mer, kay peran tele mandar, anan bari doosh ap t'mende. Doleske dau t'men halauteren t'mari phagi.

Hosea 6:8

Gilead hi i foro pherdo čilače menshe. Mank lende hi ninna save, kay maran vavaren.

Hosea 6:9

Oun i rashaya krenn pen khetne har čorepangre, kay lourenn an o khatepen, te vell yek, koles nay le vin randenn. Ap o drom an o foro Sichem marenn le. Savo čilačo koova krenn le!

Hosea 7:1

Hako kopo, kay kamau mire menshenge lauter pale mishto te krell, palle sikrell pes, havi doosh o Efrayim ap peste anas, oun har baro o čilačepen kol menshendar an o foro Samaria hi. Yon hi rhorhepangre. Čorepangre phagenn an i khera dren. Oun randepangre čorenn i menshen vin ap o drom.

Hosea 7:3

Pengro čilačepah krenn le o baro rayes barhtelo, oun pengro rhorhepah i pralstunen.

Hosea 7:4

Yon halauter hi phoukepangre. Lengri rholi rhačell har i yag an i bob, hoy hi yaake tato, te hounte dell o pekepaskro bouder gar yak koy pre, yaake rah har krell lo o maro, hoy kamell lo te pekell.

Micha 3:2

O lačepen kamenn t'mer gar! O čilačepen, kova kamenn te krell. Mire menshentsa djan t'mer trouyel, har te vans le marede firhe, kolenge i hauta tele tserdedo vell, oun o mass tele činlo foun lengre kokale, oun i kokale phagedo, oun palle o mass an i piri činlo oun keredo. Yaake rhan t'mer mire menshen.

Micha 3:9

Yaake shounenn kova, t'mer pralstoune an o kheer Yakob, oun t'mer raya an o kheer Israel! T'mer, kay stakrenn t'mare pirentsa ap o čačepen trouyel, oun penenn foun kova, hoy čačo hi: Kova hi rhorhepen.

Micha 6:10

An i khera i čilačendar hi bravlepen, hoy kolla rhorhepah khetne anan. Te bikrenn oun ginenn le čomone, lenn le i piri, hoy tikneder hi har li hounte vals. Savo koova hi djoungeles glan mande.

Micha 7:2

Kek, kay o Debleskro drom djal, hi bouder an kava them. Kek dell mank i menshende, kay an o čačepen tardo hi. Yek rodell, har te marell lo o vavares. Oun hakeno lell o vavares palla, te taprell lo les.

Zefanja 3:1

Djungeles djal ko foreske, kay hadas pes pral o baro Debleste, ko foreske, an koleste čilačepen oun marepen hi!

Zakarie 5:3

Oun yob penas ap mande: “Kova hi o praasepen, hoy djal vin pral o tselo them Youda. Kava liil penell: Hakeno, kay rhorhell, vell vin tradedo dran o them. Ninna hakeno, kay dell i rhorheno sovel, vell krik lino.

Zakarie 7:9

Me, o baro Devel, ko ray pral o bolepen oun i phoub, penom glan boud bersha mire menshenge: “T'mer hounte denn yak, te vell o čačepen kerdo. Oun hakeno hounte krell peskro dji pre peskro phraleske oun vell leske lačes.

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

Bičepangre 7:52

Penenn mange: Dell yek Debleskro rakepaskro, kay lan t'mare phoure gar palla? Yon maran kolen, kay glan-vi penan, te vell ko yek, kay hako tsiro o čačepen krella. Yob vas, oun t'mer phoukran ap leste oun maran les.

5. Mose 5:11

Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

5. Mose 5:18

Romeha, ma dja i vavar djouvyah! Romniya, ma dja i vavar morsheha!

5. Mose 5:19

Ma čore!

1. Tessalonikarja 2:15

I bibolde maran o Yezous Kristes. Glan leste maran le o Debleskre rakepangren. Men lan le ninna palla. Yon rhoyrenn o Debles. Oun ap i tsele menshende hi yon čilačo.

Debleskro tsiro 17:6

Oun me dikom, kay koy djouvel mato his o ratestar, hoy nashas, har o Debleskre menshe maredo van, kolla, kay patsan ap o Yezouseste oun dan pengro patsepen gar pre. Oun me nashte patsom gar, hoy dikom.