Hosea 4:15 - O Debleskro Lab 2024 (Sinte-Manouche)

¹⁵ Israel, ninna te kameh tou tout trouyel te loubrell, kamau gar, te krenn i menshe an o them Youda sau koova har tou, oun anenn doosh ap pende. Ma djan an i forya Gilgal oun Bet-Aven, te mangenn kote i rhorhene deblen an! Oun ma denn t'men kote sovel oun penenn “Me dau man sovel pash o djido Debleste.”

O Debleskro Drom 2021 (Sinte)

¹⁵ Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Hosea 4:15 Iomraidhean Croise

2. Familjakro liil 17:4

O Yosafat rodas o Debles peskre phourendar, oun djivas pal o Debleskre laba, – oun gar yaake har i bare raya pral Israel djivan.

2. Familjakro liil 21:11

Ninna kras lo moulne platse ap i berge an o them Youda, kay i menshe i moule debla an-mangan. Yaake anas lo i menshen an Youda oun an Yerusalem o baro Debleskro dromestar tele.

Jesaja 48:1

Shounenn, t'mer dran o kheer Yakob, t'mer, kay venn o labeha Israel gole dino, oun venn dran o kheer Youda. T'mer denn t'men sovel pash o baro Debleste, oun penenn, te mangenn o Israeleskro Debles an. An o čačepen oun i djoudjo djiyeha krenn t'mer kova gar.

Jeremia 44:26

Kanna shounenn, hoy o baro Devel t'menge penell, t'mer halauter dran o them Youda, kay djivenn an o them Egiptia: Me dau man sovel pash miro baro lab, penell o baro Devel, te vell miro lab bouder gar vin rakedo kol menshendar dran o them Youda, kay kate an o them Egiptia djivenn. Kek lendar hounte penella: “Pash o djido Debleste, maro rayeste!”

Jeremia 5:2

Ninna te denn yon pen sovel pash o djido Debleste, hi kova rhorhepen.

Ezekiel 20:39

T'mer dran o kheer Israel, shounenn, hoy o baro Devel, t'maro ray, penell: Krenn, hoy kamenn! Hakeno t'mendar nay mangell peskro rhorheno debles an! Čačepah, pal kova vell ko tsiro, kay shounenn pale ap mande, oun anenn bouder kek ladj ap mande t'mare rhorhene deblentsa, oun koleha, hoy lenge rhačrenn.

Hosea 10:5

I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Hosea 10:8

Khetne dine venn i moulne platse, kay i Israelitarya i rhorhene deblen an-mangan, oun o baro Deblestar tele peran. Soubyengro zenlepen oun soubyengre bourra venn bares ap lengre altare. Oun yon penenna: T'mer bare oun tikne berge, perenn pral mende, oun čakrenn men!

Hosea 12:1

O baro Devel penell: O rhorheno rakepen i menshendar an o them Efrayim hi troul mande. O kheer Israel rhorhell man vavar deblentsa. Ninna i menshe an o them Youda rikrenn pen gar ap mande, ko čačo Debleste, kay rikrell peskro lab.

Hosea 12:11

Me rakrom ap mire rakepangre, oun sikrom lende boud kope, hoy vella. Dran lende moukom t'menge trad te dell.

Hosea 12:12

An o foro Gilead mangenn le rhorhene deblen an. Či-moldo hi kolla, kay kova krenna! An o foro Gilgal marenn le gourma i rhorhene deblenge. Doleske venn lengre pre-čidde barra trouyel dino, oun ačenn čiddo ap i harhetikri phoub.

Hosea 4:12

Mire menshe poučenn pengre deblen oun vavar kashta, te penenn yon lenge, hoy te krenn le. Lengre djia nashenn i rhorhene deblenge palla. Har i loubni moukell peskro romes, nashan le mandar, pengro Deblestar, krik.

Hosea 5:8

Phourdenn an i phourdepaskri an i forya Gibea oun Rama! Denn i kourepaskri gole an o foro Bet-Aven! T'mer kourepangre dran o kheer Benyamin, nashenn glan, mer nashah t'menge palla!

Hosea 9:15

O baro Devel penell: Lengro tselo čilačepen krenn le kote pash o foro Gilgal; kote rhoyrom man pral lende ko tselo čilačepaske, hoy yon kran. Doleske tradau me len dran miro kheer vin. Me kamau len bouder gar. Lengre tsele pralstoune moukenn pen či mandar te penell.

Amos 4:4

T'mer djan pash o Debleskro kheer an o foro Betel, oun hadenn t'men pral o Debleste! T'mer djan an o Debleskro kheer an o foro Gilgal, oun hadenn t'men ninna boudeder pral o Debleste! Krenn doureder yaake: Taysarla marenn firhen o Debleske, oun o vavar dives anenn leske o deshto kotar kolestar, hoy dren anan!

Amos 5:5

Ma djan an Betel, vitar gar an Gilgal! Ma krenn t'men ap o drom an Beersheba! Me penau t'menge: I menshe an Gilgal venn pandles krik anlo. O foro Betel, hoy kharell Debleskro kheer, vell i foro, kay i benga khere hi.

Amos 6:10

Te vell palle o kako yekestar lendar, oun lell les, te paskrell lo les, oun dell gole an o kheer: Hi gomme yek an o kheer? Oun te hi i vavar khatedo kote, penell lo: Na-a! Kek, kokres me. Palle penell o kako: Ač, mer hounte rakras gar o baro Debleskro lab vin!

Amos 8:14

Oun kolla, kay denn pen sovel pash o rhorheno devel an Samaria, oun penenn: pash ko devel, koles o kheer Dan an-mangell, oun pash o devel o forestar Beersheba, kal menshe perenn oun stenn bouder gar pre.

Efesarja 5:11

Ma djan ap o čilačo drom kolentsa, kay krenna, hoy či moldo oun čilačo hi! Sike lende, har čilačo kova hi!

Josua 5:9

Oun o baro Devel penas ap o Yosua: “Kava dives lom koy ladj t'mendar krik, hoy ap t'mende vas, har van pandle boudepangre an o them Egiptia.” Doleske kharan le koy platsa Gilgal.

Josua 7:2

Oun o Yosua bičras morshen dran o foro Yericho, te djan le pash ko foro Ai. Kava foro hi čiddo pash Bet-Aven oun gar dour o forestar Betel, ap leskri rig, kay o kham pre djal. Oun yob penas ap lende: “Djan pre oun dikenn t'men an o them čorrhanes trouyel!” Oun kol morsha kran kova,