Hosea 4:13 - O Debleskro Lab 2024 (Sinte-Manouche)

¹³ Pral ap i berge marenn le firhen pengre rhorhene deblenge, oun ap i tikne berge rhačrenn le lenge soungepaskro koova, tel i bare oun bourhle rouka, kay gar yaake tato hi oun shoukar te beshell. Doleske venn lengre ča loubya, oun lengre čavengre romya rhorhenn pengre romen.

O Debleskro Drom 2021 (Sinte)

¹³ Pral ap i berge marenn le viechen pengre chochene deblenge, un ap i tikne berge chatchrenn le lenge sungepaskro koowa, tel i bare un buchle ruka, kai gar jaake tato hi un shukar te beshell. Doleske wenn lengre tcha lubja, un lengre tchawengre romja chochenn pengre romen.

Hosea 4:13 Iomraidhean Croise

2. Rajengro liil 17:7

Kava koova vas ap i Israelende doleske, kay djan yon gar ko drom o baro Deblestar, kay lengro Devel hi, oun len vin las dran o them Egiptia, dran o vast o Faraestar, ko rayestar pral o them Egiptia. Oun yon mangan vavar deblen an,

2. Rajengro liil 23:7

Oun yob moukas kol tsele loubyengre khera tele te phagell, kay pash o baro Debleskro kheer tardo his. An kol khera kran i djouvya ripya i Asherake.

Jesaja 1:29

T'mer, kay mangan i bare rouka an, hounte ladjenn t'men koleske. Ava, t'mer venna lolo an o mouy dran ladj pral kol vavar deblen, hoy rodan vin oun mangan len an ap lengre shoukar platse.

Jesaja 57:5

Tel hako baro rouk loubrenn t'mer trouyel, te sharenn i rhorhene deblen! Oun an i tala mank i bare barra marenn t'mer lenge t'mare čaven, har te vans le firhe.

Jesaja 57:7

Israel, tou kral tiro čiben pral ap i bari berga, oun djal koy pre, te maress firhen kolenge, kay kek devel hi.

Jeremia 2:20

O baro Devel penell: Hako tsiro hadal tout pral mande, oun kamal mange gar palla te djal. Tou penal: Me kamau kek ray pral mande. Oun čival tout koy har i loubni ap i berga tel hako zenelo rouk.

Jeremia 3:13

Tou hounte kress či, har te dikess dren, kay anal doosh ap toute, har hadal tout pre pral o baro Debleste, kay tiro Devel hi. Tou nashal kay te koy trouyel, te mangess vavar deblen an tel hake zenele rouka, oun shounal gar ap mire laba, penell o baro Devel.

Jeremia 3:6

An ko tsiro, kay o Yosia o baro ray his, penas o baro Devel ap mande: Dikal tou, hoy i Israelitarya kran? Yon hi har i djouvel, kay moukas peskro romes, oun djas ap kol tsele berge oun tel hake zenele rouka oun das pes trouyel vavar morshentsa.

Jeremia 44:8

T'mer rhoyrenn man koleha, hoy krenn kote an o them Egiptia, kay djan, te djivenn koy. T'mer rhačrenn soungepaskro koova vavar deblenge. Kamenn t'mer halauter te merell? Kamenn, te praasenn t'men i menshe dran i tsele vavar themma oun san pral t'mende?

Ezekiel 16:16

Oun tou lal tire rayle ripyendar, oun čival len kote ap i phoub, kay i rhorhene debla an-mangedo van. Oun yaake har i loubni dal tout hakeneske, kay kamas. Savo koova das an kek tsiro, oun vell bouder gar.

Ezekiel 16:25

Oun kote kay i dromma khetne venn, kral mangepaskre platse oun kral te vas tiro shoukapen čadepaske. Oun soval hakeneha, kay vas touke ap o drom. Oun tiro loubyengro koova vas boudeder oun boudeder.

Ezekiel 6:13

Palle hi i moulo-dine čiddo mashkral pengre rhorhene deblende, oun troul lengre rhačepangre trouyel ap haki tikni oun bari berga, oun tel hako baro rouk boud patyentsa, oun tel hake vavar zenele rouka, kay mangan le pengre rhorhene deblen an, oun rhačran lenge lačo soungepaskro koova. Oun t'mer dikenn oun hayvenn, te hom me o baro Devel.

Hosea 10:8

Khetne dine venn i moulne platse, kay i Israelitarya i rhorhene deblen an-mangan, oun o baro Deblestar tele peran. Soubyengro zenlepen oun soubyengre bourra venn bares ap lengre altare. Oun yon penenna: T'mer bare oun tikne berge, perenn pral mende, oun čakrenn men!

Hosea 11:2

Oun te kharau len kanna, nashenn le mandar krik, oun rhačrenn firhen i moule deblenge, oun soungepaskro koova glan i figure.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

Amos 7:17

Doleske penell o baro Devel: Tiri romni vell i loubni an o foro. Tire čave oun ča venn maredo o rhareha. Tiri phoub lenn vavar menshe. Tou meress an i pale-čiddo them. Oun i Israelitarya venn vin tradedo dran lengro them.”