Hosea 4:10 - O Debleskro Lab 2024 (Sinte-Manouche)

¹⁰ T'mer moukan man, o baro Debles, te djan vavar deblenge palla. Doleske rhana oun venn gar čalo, djan boud djouvyentsa oun lenn gar boud čave.

O Debleskro Drom 2021 (Sinte)

¹⁰ Tumer mukan man, o baro Debles, te djan wawar deblenge palla. Doleske chana un wenn gar tchalo, djan bud djuwjentsa un lenn gar bud tchawe.

Hosea 4:10 Iomraidhean Croise

2. Familjakro liil 24:17

Oun har o Yoyada moulo his, van i pralstoune dran o them Youda oun vitsran pen glan o baro rayeste ap i phoub. Koy shounas yob ap kova, hoy yon leske penan, te krell lo.

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Debleskri gili 36:3

An peskre yaka hi kova yaake shoukar, hoy lo krella, te hayvell lo gar, kay kova i doosh hi, kay hounte rikrals pes lo latar pale.

Gosewe laba 13:25

Koles, kay an o čačepen tardo hi, hi doha rhapaske. O per i čilačestar bokella.

Jeremia 34:15

T'mer van pale ap miro drom, oun kran, hoy glan mire yaka mishto hi, oun moukan vin gole te dell, te venn kol boudepangre vin mouklo, kay hi Israelitarya. Oun t'mer dan t'men sovel, glan mande an ko kheer, kay mange kerdo vas, te krenn kova yaake.

Jeremia 9:12

O baro Devel penell koy pre: Me sikrom len miro drom, oun yon moukan les, oun shounan gar ap mire laba, oun djivan gar koy pal.

Ezekiel 18:24

I lačo morsh, te moukell yob peskro lačo drom, oun krell kanna o čilačepen, oun ko tselo djoungelo koova, hoy ko čilačo kras, ačell lo djido? Na-a! Ko tselo lačo oun čačo koova, hoy lo kras, vell bistedo. Yob moukas o Debleskro drom oun anas doosh ap peste. Doleske hounte merell lo.

Ezekiel 22:9

Mank t'mende hi save menshe, kay rakrenn rhorhepen, te anenn le doosh ap vavarende, yaake te venn kolla maredo. Vavar t'mendar rhan o mass save firhendar, hoy i rhorhene deblenge maredo van, oun krenn vi-ladjedo koova mank t'mende:

Hosea 4:14

Kek phagi dau t'mare čenge, vitar gar t'mare čavengre romyenge koleske, hoy le kran. Na-a, t'menge morshenge dau i phagi. T'mer djan i loubyentsa ap i rig, oun rhan khetne lentsa o mass kol firhendar, hoy i rhorhene deblenge maredo van. Oun i menshe, kay dikenn kova, oun djinenn gar, hoy lačo oun hoy gar lačo hi, yon perenn o čačo dromestar tele.

Hosea 7:4

Yon halauter hi phoukepangre. Lengri rholi rhačell har i yag an i bob, hoy hi yaake tato, te hounte dell o pekepaskro bouder gar yak koy pre, yaake rah har krell lo o maro, hoy kamell lo te pekell.

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

Micha 6:14

Te rhan t'mer čomone, venn gar čalo. Oun kova, hoy t'mer t'menge ap i rig čivenn, nay rikrenn gar. Kova, hoy t'menge ačas, krau paash an o kourepen.

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

Haggai 1:6

T'mer boudrenna ap t'mari phoub, oun anenn gar boud dren. T'mer rhan oun venn gar čalo; t'mer piyenn oun t'mari troush ačella; t'mer rivenn t'men lačes an, oun t'menge vell gar tates. Oun kones love hi, kova čivell len an i possita, kay i rheb dren hi.